مۇعالىمدەر ءساۋىر ايىنان باستاپ ۇلتتىق بىلىكتىلىك تەستىلەۋىنەن وتەدى
قازاقستان ۇستازدارىنىڭ ۇلتتىق بىلىكتىلىك تەستىلەۋى وسى جىلدىڭ ءساۋىر ايىندا باستالادى. بۇل تۋرالى ءبىلىم جانە عىلىم مينيسترلىگىنىڭ اپپاراتتىق وتىرىسىندا ۆيسە-مينيستر شولپان كارينوۆا ءمالىم ەتتى.
«ەلىمىزدە 2018 جىلى مۇعالىمدەردى اتتەستاتتاۋدىڭ جاڭا جۇيەسى ەنگىزىلگەنى بارشاعا ءمالىم. «پەداگوگ مارتەبەسى تۋرالى» زاڭ اياسىندا بۇيرىققا وزگەرىستەر ەنگىزىلەدى. ەندى بارلىق ءبىلىم بەرۋ ۇيىمدارىنىڭ، سونىڭ ىشىندە مەكتەپكە دەيىنگى ۇيىمداردىڭ، مەكتەپتەردىڭ، تەحنيكالىق جانە كاسىپتىك ءبىلىم بەرۋ ۇيىمدارىنىڭ، قوسىمشا ءبىلىم بەرۋ ۇيىمدارىنىڭ مۇعالىمدەرى وسى ەرەجەلەر نەگىزىندە اتتەستاتتاۋدان وتەدى. اتالعان باعىتتار بويىنشا قارجىلاندىرۋ بارلىق ساناتتار ءۇشىن جالاقىنى 30-دان 50 پايىزعا دەيىن كوتەرۋ كەزىندە مۇعالىمدەردىڭ ساناتىن جاقسارتۋ ماقساتىندا رەسپۋبليكالىق بيۋدجەتتەن بولىنەدى»، - دەدى شولپان كارينوۆا.
ۆيسە-مينيستر سونىمەن قاتار 2020 جىلعا دەيىن ساناتتار تەك مەكتەپ پەداگوگتارىنا بەرىلىپ كەلسە، قازىرگى تاڭدا مەكتەپكە دەيىنگى، ورتا، تەحنيكالىق جانە كاسىپتىك ءبىلىم بەرۋ سالاسىنداعى مۇعالىمدەردىڭ ءبارى دە تەستەن وتۋگە مۇمكىندىك العانىن جەتكىزدى. ونىڭ ايتۋىنشا، بيىلدان باستاپ مۇعالىمدەر بىلىكتىلىك تەستىنەن وتە الادى.
«2019 جىلدىڭ قاراشا-جەلتوقسان ايلارىندا ءبىرىنشى رەت كومپيۋتەرلىك فورماتتا تەست وتكىزدىك. بيىل دا تەستىلەۋدى كومپيۋتەرلىك فورماتتا وتكىزۋ جوسپارلانىپ وتىر. ءار وقىتۋشىعا جەكە دەربەس كومپيۋتەر بەرىلەدى. سۇراقتاردىڭ بازاسى دا بار. بۇگىنگى كۇنى تەست جاڭارتىلدى. مۇعالىمدەردىڭ جالاقىسى 1 قىركۇيەكتەن باستاپ ءوسۋى ءۇشىن وسى جىلدىڭ ساۋىرىنەن باستاپ بىلىكتىلىك تەستىلەۋىنەن ءوتۋ مۇمكىندىگى جولعا قويىلادى»، - دەدى شولپان كارينوۆا.
You Might Also Like
-
پرەزيدەنت كادر رەزەرۆى مەن «بولاشاق» باعدارلاماسىنىڭ قاتىسۋشىلارىنا ءبىلىم بەرۋ ۇيىمىنىڭ ديرەكتورىن تاڭداۋدا باسىمدىق بەرىلمەك. بۇل تۋرالى ق ر بعم مەكتەپكە دەيىنگى جانە ورتا ءبىلىم كوميتەت...
-
جىنىستىق ساۋات تاقىرىبىن نەعۇرلىم ەرتەرەك قوزعاساق - نەكەسىز جۇكتى بولىپ قالۋدىڭ، جىنىستىق جولمەن ءقاۋىپتى اۋرۋ جۇقتىرۋدىڭ الدىن الامىز. بۇل تۋرالى ەلوردادا وتكەن دوڭگەلەك ۇستەلدە Y-PEER ەرىكتىلەر ج...
