InfoHub Logo

ۇلان قۇندىز

قازىرگى ءبىلىم بەرۋدىڭ ماڭىزدى مىندەتتەرى جۇيەلى ءبىلىمدى، وقۋ داعدىلارى مەن ىسكەرلىكتەرىن قالىپتاستىرۋ عانا ەمەس، سونىمەن قاتار وقۋ تانىمدىق ىس-ارەكەتتە ءوزىن-وزى باسقارۋ داعدىلارى مەن كوممۋنيكاتيۆتى داعدىلارىن دامىتۋ بولىپ تابىلادى.

سوڭعى جىلدارداعى قازاقستانداعا ءبىلىم بەرۋ جۇيەسىنىڭ وزگەرۋى مەكتەپ جۇمىسىنىڭ بارلىق جاقتارىنا اسەر ەتتى.

ەنگىزىلىپ جاتقان جەكە تۇلعاعا باعىتتالعان، ينديۆيدۋالدىلىق ءبىلىم بەرۋ تاسىلدەرى مەن وقىتۋداعى ءبىلىم بەرۋ ۇردىسىنە وقىتۋدىڭ جاڭا ادىستەرىن، ءبىلىم بەرۋ قىزمەتىن جۇزەگە اسىرۋدىڭ بالاما نىساندارى مەن تاسىلدەرىن قولدانۋدى، ءبىلىم بەرۋ مەكەمەلەرىنىڭ ءبىلىم بەرۋ كونتەكسىنە ءبىلىم الۋشىلاردىڭ زەرتتەۋ جانە جوبالاۋ قىزمەتى نەگىزىندە ادىستەر مەن تەحنولوگيالاردى ەنگىزۋدى تالاپ ەتتىپ وتىر.

وسى اتالعان تالاپتارعا سايكەس كەلەتىن يننوۆاسيالىق پەداگوگيكالىق تەحنولوگيالاردىڭ ءبىرى - الەمدىك تاجىريبەدە جۇزەگە اسىرىلىپ جاتقان
جوبالىق وقىتۋ نەمەسە وقۋ جوبالارىن قولدانا وتىرىپ وقىتۋ.

ءار ءتۇرلى يننوۆاسيالىق تەحنولوگيالار اراسىندا جوبالىق وقىتۋدىڭ ءبىرقاتار ارتىقشىلىقتارى بار، ويتكەنى ول وقۋشىعا كوپتەگەن اقپارات كوزدەرىمەن، قۇرىلعىلارمەن جانە زەرتحانالىق جابدىقتارمەن جۇمىس جاساي وتىرىپ، ءوز بەتىنشە (ءمۇعالىمنىڭ كونسۋلتاسيالىق قولداۋىمەن) ءبىلىم الۋعا، سونىمەن بىرگە قۇرداستارىمەن قارىم-قاتىناستا ىسكەرلىك پەن داعدىلارىن دامىتۋعا مۇمكىندىك بەرەدى. سونىمەن قاتار، بۇل "ءبىلىم بەرۋ ستاندارتىمەن انىقتالعان وقىتۋ مازمۇنىنا اسەر ەتپەستەن، وقۋ پروسەسىنە وڭاي ەندىرىلەدى..."

جوبالىق وقىتۋ دەگەنىمىز - ءداستۇرلى وقىتۋ مازمۇننان ايرىقشا تۇرىمەن، ياعني جوبالىق مازمۇنىمەن، وقۋشىلاردىڭ بەلسەندىلىگىنىڭ ايرىقشا تۇرىمەن، ياعني جوبالىق ىس-ارەكەتتەن، وقىتۋدىڭ ايرىقشا ناتيجەسىمەن - جوبالىق قابىلەتتەردى قالىپتاستىرۋمەن ەرەكشەلەنەتىن تۇتاس پەداگوگيكالىق جۇيە.

مەكتەپتەگى ءبىلىم بەرۋدى مودەرنيزاسيالاۋ، ونىڭ وقۋشىنىڭ جەكە باسىن دامىتۋعا باعىتتالۋىن جۇزەگە اسىرۋ جانە وسى پروسەستەرگە ىقپال ەتەتىن حيميانى جوبالىق وقىتۋدىڭ تەوريالىق جانە پراكتيكالىق دامىماۋى ءبىزدىڭ زەرتتەۋ تاقىرىبىمىزدىڭ وزەكتىلىگىن انىقتايدى.

ءبىزدىڭ زەرتتەۋ جۇمىسىمىزدىڭ ماقساتى: جالپى ءبىلىم بەرەتىن مەكتەپتىڭ ورتا سىنىپتارىنداعى حيميا ساباقتارىندا جوبالىق قىزمەتتى
جۇزەگە اسىرۋ ارقىلى وقۋ پروسەسىندەگى تيىمدىلىكتەر مەن پروبلەمالاردى (قيىندىقتاردى) انىقتاۋ.

وسى ماقساتقا جەتۋ ءۇشىن جانە گيپوتەزاعا سايكەس زەرتتەۋدىڭ كەلەسى مىندەتتەرى انىقتالدى:

1. جوبالىق وقىتۋدىڭ پسيحولوگيالىق-پەداگوگيكالىق نەگىزدەرىن انىقتاۋ، ونىڭ قالىپتاسۋى مەن دامۋ تاريحىن زەرتتەۋ ءۇشىن پسيحولوگيالىق-
پەداگوگيكالىق جانە ادىستەمەلىك ادەبيەتتەردى تالداۋ.

2. مەكتەپتەگى حيميالىق ءبىلىم بەرۋ پراكتيكاسىنداعى جوبالىق وقىتۋدىڭ جاي-كۇيىن زەرتتەۋ.

3. 8 سىنىپتاردا حيميانى جوبالىق وقىتۋ ادىستەمەسىنىڭ مودەلىن جاساۋ.

4. حيميانى جوبالىق وقىتۋدىڭ ازىرلەنگەن مودەلىن جالپى ءبىلىم بەرەتىن مەكتەپتىڭ ورتا سىنىپتارىنداعى حيميا ساباقتارىن جۇرگىزۋدە قولدانۋ؛

5. ونىڭ تيىمدىلىگىن تەكسەرۋ.

گيپوتەزا: ەگەر جوبالىق وقىتۋ تەحنولوگياسىن حيميا ساباعىندا ءتيىمدى پايدالانسا، وقۋشىلاردىڭ پانگە دەگەن قىزىعۋشىلىعى، زەرتتەۋشىلىك ىسكەرلىگى مەن ءبىلىمى ارتادى.

زەرتتەۋ بازاسى: شىعىس قازاقستان وبلىسى ءبىلىم باسقارماسى وسكەمەن قالاسى بويىنشا ءبىلىم ءبولىمىنىڭ «شوقان ۋاليحانوۆ اتىنداعى No3 ورتا مەكتە-ليسەيى» كمم.

زەرتتەۋ مەرزىمى: 2021-2022 وقۋ جىلى.

زەرتتەۋ نىسانى: جالپى ءبىلىم بەرەتىن مەكتەپتەگى جوبالاۋ قىزمەتى.

قويىلعان مىندەتتەردى شەشۋ جانە گيپوتەزانى تەكسەرۋ ءۇشىن كەلەسى زەرتتەۋ ادىستەرى قولدانىلدى:

1. زەرتتەۋ تاقىرىبى بويىنشا پسيحولوگيالىق-پەداگوگيكالىق جانە حيميالىق عىلىمي-تەوريالىق ادەبيەتتەردى زەرتتەۋ جانە تالداۋ؛
2. حيميا ءپانى مۇعالىمدەرىمەن اڭگىمەلەسۋ؛
3. وقۋشىلاردىڭ حيميا پانىنە دەگەن قىزىعۋشىلىقتارىن تاجىريبە الدىندا جانە تاجىريبە سوڭىندا انىقتاۋ.
4. حيميا ءپانىن وقىتۋ ۇدەرىسىندە وقۋشىلاردىڭ قىزمەتىن باقىلاۋ؛
5. وقۋشىلار اراسىندا ساۋالناما جۇرگىزۋ؛
6. وقۋ ساباقتارى جۇيەسىندە جوبالىق تاپسىرمانىڭ تاجىريبەلىك-ەكسپەريمەنتتىك ورىندالۋىن تالداۋ.

ەكسپەريمەنتتىك زەرتتەۋدىڭ ادەبيەتتىك شولۋدان كەيىنگى كەزەڭىنىڭ ماقساتى مەكتەپ مۇعالىمدەرىنىڭ حيميا ساباقتارىندا جوبالىق وقىتۋدى قانشالىقتى قولداناتىنىن، مۇعالىمدەردىڭ جوبالىق وقىتۋعا كوزقاراستارى قانداي ەكەنىن جانە ونى جۇزەگە اسىرۋ فورمالارى تۋرالى اقپارات الۋ بولدى. مۇعالىمدەر جوبالىق قىزمەتتى ساباقتاردا قولدانا ما، جوق پا ەكەنىن انىقتاۋ ءۇشىن جانە ولار نەگىزىنەن قانداي ىس-ارەكەتتەردى قولداناتىنىن انىقتاۋ ءۇشىن ءبىز «حيميا ساباقتارىندا وقۋشىلاردىڭ قانداي ىس-ارەكەتتەرىن ۇيىمداستىراسىز؟» دەگەن سۇراق قويدىق. حيميا مۇعالىمدەرىنىڭ بۇل سۇراققا جاۋاپتارىنىڭ ناتيجەلەرى. بۇل ساۋالناماعا №3، №15 قالا مەكتەپتەرىنىڭ مۇعالىمدەرى قاتىستى.

سونىمەن قاتار، شىعىس قازاقستان وبلىسى ءبىلىم باسقارماسى وسكەمەن قالاسى بويىنشا ءبىلىم ءبولىمىنىڭ «شوقان ۋاليحانوۆ اتىنداعى No3 ورتا مەكتە- ليسەيى» كمم حيميا ءپانى مۇعالىمىمەن جەكە اڭگىمەلەسۋ جۇمىسىن جۇرگىزدىك.

---