مەملەكەت باسشىسى ەلىمىزدىڭ ءبىلىم سەكتورىنداعى باستى ماقساتىن ايتتى
قازاقستاننىڭ باستى ماقساتى - ءبىلىم بەرۋ سەكتورىنىڭ ەكسپورتتىق الەۋەتىن ءوسىرۋ. بۇل تۋرالى كورەيا رەسپۋبليكاسىنا مەملەكەتتىك ساپارى اياسىندا بۇگىن سەۋلدەگى ەنسەي ۋنيۆەرسيتەتىندە بولعان ق ر پرەزيدەنتى نۇرسۇلتان نازاربايەۆ ايتتى، دەپ حابارلايدى قازاقپارات.
«باستى ماقساتى بولاشاقتىڭ كوشباسشىلارىن دايىنداۋ بولىپ سانالاتىن سىزدەردىڭ ۋنيۆەرسيتەتتەرىڭىزدىڭ قۇرمەتتى دوكتورى اتانۋ مەن ءۇشىن سۇيسىندىرەرلىك جايت. بۇل رەتتە ۋنيۆەرسيتەت باستى نازاردا ەركىندىك ۇستانىمىن العا قويىپ وتىرعاندىعى دا ماڭىزدى. بۇل ۇستانىمدى قولدايمىن ءارى ول ەلىنىڭ جانە بۇكىل وركەنيەتتىڭ دامۋىنا باعالى ۇلەسىن قوساتىن ۇرپاق تاربيەلەۋگە باستى شارتتاردىڭ ءبىرى دەپ سانايمىن. سوڭعى جىلدارداعى كورەيانىڭ ەكونوميكالىق جانە الەۋمەتتىك دامۋداعى جەتىستىگىنە بۇل دالەل بولا الادى»، - دەدى نازاربايەۆ.4
مەملەكەت باسشى ەكى ۇرپاق بۋىنى اۋىسقان قىسقا عانا مەرزىمنىڭ ىشىندە كورەيانىڭ شەتەلدىك كومەك الۋشى ەلدەن ءىرى دونارعا اينالعاندىعىن باسا ايتتى.
«سىزدەر 2025 جىلى عىلىم مەن تەحنيكا سالاسىنداعى باسەكەگە قابىلەتتىلىك دەڭگەيى بويىنشا ۇزدىك 7 ەلدىڭ قاتارىنا كىرۋ ماقساتىن سەنىمدى تۇردە جۇزەگە اسىرا الاسىزدار. جەتىستىك كىلتى ادامي رەسۋرستاردى دامىتۋ بولىپ سانالادى. ءبىز كەڭەس وداعى كۇيرەگەننەن كەيىن قۇرىلعان جاس مەملەكەت ءار ۋاقىتتا سىزدەردىڭ تاجىريبەلەرىڭىزگە قارادىق. ءوزىمىزدىڭ مەملەكەتتىگىمىزدى قالىپتاستىرۋدىڭ باستاۋىندا وڭتۇستىك-شىعىس ازيا جولبارىستارىنىڭ ءبىرى - وڭتۇستىك كورەيادان ۇيرەندىك تە»، - دەدى قازاقستان پرەزيدەنتى.
ەلباسى كورەيانىڭ كرەاتيۆتى ەكونوميكانى دامىتۋداعى ساياساتىنا وڭ باعا بەرە كەلە، قازاقستاندا دا ەكونوميكا مەن بۇكىل قوعامدى جاڭعىرتۋ جۇرگىزىلىپ جاتقانىن ايتتى.
«رەفورمالاردا عىلىمي قامتىمدى ەكونوميكانى قۇرۋ جانە ەىدۇ ەلدەرى ستاندارتتارى نەگىزىندە ادام كاپيتالى ساپاسىن ارتتىرۋعا ايرىقشا ءمان بەرىلەدى. ءبىزدىڭ باستى ماقساتىمىز - شىعارىلاتىن كادرلاردىڭ باسەكەگە قابىلەتتىلىگىن ارتتىرۋ جانە ءبىلىم بەرۋ سەكتورىنىڭ ەكسپورتتىق الەۋەتىن ءوسىرۋ»، - دەدى نازاربايەۆ.
You Might Also Like
-
بۇگىن ق ر پرەزيدەنتى نۇرسۇلتان نازاربايەۆقا ەنسەي ۋنيۆەرسيتەتىنىڭ فيلوسوفيا عىلىمدارىنىڭ قۇرمەتتى دوكتورى اتاعى بەرىلدى. عىلىمي اتاق ديپلومىن اتالعان ۋنيۆەرسيتەتتىڭ رەكتورى كيم ەنگ حاك سالتانات...
-
مەكتەپتە اتا-انادان اقشا جينايدى دەپ سىن ايتامىز. ول ارينە ورىندى. ءبىراق مۇعالىمدەردىڭ ءدال سونداي قۇقىعى بۇزىلىپ جاتقاندا قوعام ۇندەمەي قالعانى دۇرىس ەمەس. وزگەرىس جاسايتىن ۋاقىت كەلدى.
