سوت ساراپتاماسى ماگيسترلەرى مەن ساراپشىلارى قازاقستاندا دايىندالادى
2017 جىلدىڭ 1 قاڭتارىنان باستاپ، جوعارى وقۋ ورىندارىنداعى جانە جوعارى وقۋ ورىندارىنان كەيىنگى ءبىلىم بەرۋ ماماندىقتارىنىڭ تىزىمىنە دوكتورانتۋرا داجەرەسىندە (PhD) «سوت ساراپتاماسى» ماماندىعى ەنگىزىلەتىن بولادى. ال، ماگيستراتۋرا دەڭگەيى بويىنشا ول وسىدان ءبىر جىل بۇرىن ەنگىزىلگەن. بۇل تۋرالى ق ر ادىلەت مينيسترلىگىنىڭ سوت ساراپتاماسى ورتالىعىنىڭ ديرەكتورى يسيدور بورچاشۆيلي مەن سوت مەديسيناسى ورتالىعى ديرەكتورىنىڭ ورىنباسارى رۋسلان ساتىپالدييەۆ ورتالىق كوممۋنيكاسيالار قىزمەتىندە قازاقستاندا زاڭ ۇستەمدىگىن قامتاماسىز ەتۋ باعىتىنداعى سوت-ساراپتاما قىزمەتىنە بايلانىستى وتكەن باسپا ءسوز ءماسليحاتىندا ايتتى.
ماگيستراتۋرا مەن دوكتورانتۋرا دارەجەلەرى بويىنشا، جاڭا كادرلاردى دايىنداۋ مىندەتى جۇكتەلگەن عىلىمي كادرلارمەن قامتاماسىز ەتۋ جانە ۇستازدىق قىزمەتتىڭ ساتىلىق دەڭگەيى تۋرالى ايتا كەلە رۋسلان ساتىپالدييەۆ: «قازىرگى تاڭدا 4 عىلىم دوكتورى جۇمىس ىستەپ جاتىر. ەكەۋى استانادا، قالعاندارى الماتى مەن سەمەيدە. عىلىم كانديداتى دارەجەسى بار 26 مامان بار. ساراپشى استاناداعى ۋنيۆەرسيتەتتەردىڭ بىرىندە Phd دارەجەسى بويىنشا دايىندالۋدا»،-دەدى.
ونىڭ سوزىنشە، قازىرگى تاڭدا ق ر ءبىلىم بەرۋ جۇيەسى كانديداتتىق ديسسەرتاسيا قورعاۋعا مۇمكىندىك بەرمەي وتىر.
«ءبىز رەسەيدىڭ سوت مەديسيناسى فەدەرالدى ورتالىعىمەن ىنتىماقتاستىق ورناتىپ، ماماندار دايارلاۋ جونىندە مەموراندۋمعا قول قويدىق. بىزدە ءقازىر ءبىر ساراپشى كانديداتتىق ديسسەرتاسيانىڭ تاقىرىبىن ويلاستىرۋدا. كەلەسى جىلى ول وسى ورتالىقتىڭ بازاسىندا ونى قورعايدى»،-دەدى ساتىپالدييەۆ.
You Might Also Like
-
وڭتۇستىك قازاقستان وبلىسىنىڭ اكىمى جانسەيىت تۇيمەبايەۆ شىمكەنتتەگى ءبىرقاتار نىسانداردا بولىپ، ونداعى اتقارىلىپ جاتقان جۇمىستارىمەن تانىستى، دەپ حابارلايدى وبلىس اكىمدىگىنىڭ باسپا ءسوز قىزمەتى.
-
شىمكەنت قالالىق ءبىلىم ءبولىمىنىڭ باسشىسى جانات تاجييەۆا جۇمىسقا تەگىن تۇرۋ نەعايبىل ەكەنىن جاسىرمايدى. ول بۇل تۋرالى ويىن ءبىلىم سالاسىنداعى جاڭا جوبالاردى جۇزەگە اسىرۋعا ارنالعان كەزدەسۋدە ايتىپ بەرد...
