نازاربايەۆقا ەنسەي ۋنيۆەرسيتەتىنىڭ قۇرمەتتى دوكتورى اتاعى بەرىلدى
بۇگىن ق ر پرەزيدەنتى نۇرسۇلتان نازاربايەۆقا ەنسەي ۋنيۆەرسيتەتىنىڭ فيلوسوفيا عىلىمدارىنىڭ قۇرمەتتى دوكتورى اتاعى بەرىلدى. عىلىمي اتاق ديپلومىن اتالعان ۋنيۆەرسيتەتتىڭ رەكتورى كيم ەنگ حاك سالتاناتتى جاعدايدا تابىس ەتتى، دەپ حابارلايدى قازاقپارات.
«بۇگىن قازاقستان رەسپۋبليكاسىنىڭ پرەزيدەنتى، ۇلى مارتەبەلى نۇرسۇلتان ءابىش ۇلى نازاربايەۆقا ەنسەي ۋنيۆەرسيتەتىنىڭ قۇرمەتتى دوكتورى اتاعىن بەرۋ بىزدەر ءۇشىن زور مارتەبە. مەن ۋنيۆەرسيتەت رەكتورى رەتىندە ءبىلىم، عىلىم سالاسىنداعى الەمنىڭ جەتەكشى وقۋ ورىندارىمەن تىعىز ىنتىماقتاستىقتى ءار ۋاقىتتا نەگىزگى باسىمدىق رەتىندە قويىپ كەلەمىن. ال قازاقستان بولسا ءبىزدىڭ كورەيلىك كومپانيالار ەڭ كوپ جۇمىس ىستەيتىن ەلدەردىڭ ءبىرى سانالادى. ولار عىلىم، مەديسينادان باستاپ، بارلىق دەرلىك سالادا جۇمىس ىستەيدى»، - دەدى ول.
ونىڭ سوزىنە قاراعاندا، ەنسەي ۋنيۆەرسيتەتى 2003 جىلى قاراعاندى مەملەكەتتىك ۋنيۆەرسيتەتىمەن ىنتىماقتاستىقتى جولعا قويعان. ال بۇگىندە قازاقستاننىڭ ءتۇرلى ۋنيۆەرسيتەتتەرىمەن ىنتىماقتاستىعىن كەڭەيتە تۇسكەن ءارى ونى الداعى ۋاقىتتا دا ەسەلەي تۇسۋگە نيەتتى.
«ۇلى مارتەبەلى نۇرسۇلتان نازاربايەۆ «قىرعي-قاباق» سوعىستىڭ نىشانىنا اينالعان يادرولىق قارۋدان باس تارتىپ، ءوز ەلىن زور ەكونوميكالىق جەتىستىككە جەتەلەدى. بۇعان قوسا، نازاربايەۆ ەلدىڭ مادەني الۋان تۇرلىلىگىن دامىتۋعا دا ايرىقشا ۇلەسىن قوسىپ كەلەدى»، - دەدى ۋنيۆەرسيتەت باسشىسى.
ءسوز سوڭىندا ول قازاقستان پرەزيدەنتىنىڭ ايرىقشا ەڭبەكتەرىن جوعارى باعالايتىندىعىن اتاپ ءوتىپ، وسىعان وراي ۋنيۆەرسيتەتتىڭ قۇرمەتتى عىلىم دوكتورى اتاعىن بەرۋگە شەشىم قابىلداعاندىعىن ايتتى.
You Might Also Like
-
الماتى قالاسى №1 بالالار ءۇيىنىڭ تاربيەلەنۋشىسى 10 سىنىپ وقۋشىسى ساشا جەتەكشىسى: گۇلسانا تىلەۋبەكوۆا اناربەك قىزى
-
قازاقستاننىڭ باستى ماقساتى - ءبىلىم بەرۋ سەكتورىنىڭ ەكسپورتتىق الەۋەتىن ءوسىرۋ. بۇل تۋرالى كورەيا رەسپۋبليكاسىنا مەملەكەتتىك ساپارى اياسىندا بۇگىن سەۋلدەگى ەنسەي ۋنيۆەرسيتەتىندە بولعان ق ر پرەزيدە...
