InfoHub Logo

اقىرىن ءجۇرىپ انىق باس، 
ەڭبەگىڭ كەتپەس دالاعا.
ۇستازدىق ەتكەن جالىقپاس، 
ۇيرەتۋدەن بالاعا، - دەپ اباي اتامىز ايتقانداي، ۇستاز – ۇلى تۇلعا، ۇلى ەسىم دەگىم كەلەدى.

ومىردەگى كوپ ماماندىقتاردىڭ ىشىندە جان-جاقتى بىلىمدىلىكتى، يكەمدىلىكتى، شەبەرلىكتى، ەرەكشە شاكىرتجاندىلىقتى، مەيىرىمدىلىكتى قاجەت ەتەتىن ماماندىق – ۇستازدىق ماماندىق. ولاي دەيتىنىم، ءمۇعالىم ەڭبەگى بىرىنشىدەن، ادامزات قوعامى تاريحىندا جيناقتالعان عىلىم نەگىزدەرىنەن ءبىلىم بەرۋگە ءتيىس بولسا، ەكىنشىدەن، ۇنەمى شاكىرتتەرىمەن قارىم-قاتىناستا بولىپ، بىلسەم، ۇيرەنسەم دەگەن بالا ارمانى مەن ونىڭ سىرلى تاعدىرىنا باسشىلىق ەتۋدى موينىنا العان مامان.  ۇستاز بولۋ – جاي عانا ماماندىق ەمەس. ول – ادام باعدارىن جاساۋشى.ۇستاز بولۋ - بۇل ءسوز مەن ءۇشىن ءقادىرلى، مەن ءۇشىن قۇدىرەتتى ءسوز. ويتكەنى، مەن - باستاۋىش سىنىپ ءمۇعالىمىمىن.

قازىرگى زامان تالابىنا ساي مۇعالىمدەر ءبىر ورىندا تۇرماي ۇنەمى ىزدەنىستە بولىپ، ءوزى جاڭا ءادىس - تاسىلدەردى تاۋىپ، ءىس جۇزىنە اسىرىپ وتىرۋ كەرەك. سوندا عانا ونىڭ ەڭبەگى جەمىستى، ناتيجەلى بولادى.

بۇلدىرشىندەردىڭ ساباققا دەگەن قىزىعۋشىلىعىن، تانىمدىق بەلسەندىلىگىن، ءتىل ۇيرەنۋگە دەگەن ىنتاسىن ارتتىرۋ ءۇشىن جاڭا تەحنولوگيالاردى قولدانا وتىرىپ، يننوۆاسيالىق ادىستەرمەن جۇمىس جۇرگىزگەندى جاقسى كورەمىن. ءقازىر جاڭا تەحنولوگيالاردىڭ ءتۇرى كوپ. اسىرەسە، باستاۋىش سىنىپ وقۋشىلارىن قىزىقتىرا وقىتۋ كوپ نارسەنى تالاپ ەتەدى. ءاربىر ءبالا-بىر-بىر الەم. سوندىقتان، ساباق ۇردىسىندە ءتۇرلى ءادىس – تاسىلدەردى جانە سونىمەن قاتار ءتۇرلى فورمالاردى قولدانۋعا تىرىسامىن. اسىرەسە ويىن تەحنولوگياسىن كوپ قولدانامىن، بۇل تەحنولوگيانى قولدانعاندا بۇلدىرشىندەردىڭ كوزدەرى جانىپ تاپسىرمانى ورىنداۋعا اسىعىپ وتىرادى.وسى تەحنولوگيالاردى ساباقتارىمدا ۇنەمى قولدانىپ وتىرامىن سونىڭ ارقاسىندا كوزدەگەن ناتيجەمە قول جەتكىزىپ وتىرمىن.

مەكتەپتەگى ۇستاز – بالانىڭ ەكىنشى اتا-اناسى، بولاشاققا ايقىن جول سىلتەر اقىلشىسى. ونىڭ مەيىرىمگە تولى جۇرەگى شاكىرت بويىنداعى تالاي اعاتتىقتى كەشىرە بىلەدى. ونىڭ بويىنداعى ءبىلىم مەن اقىل، ويىنىڭ قۋاتى تالاي تەنتەكتى جۋاسىتىپ، نەبىر ەركەنى ساباسىنا تۇسىرەدى، تارتىپكە باۋلىپ، ەسەيتىپ، ەر  جەتكىزەدى. سوندىقتان ءاربىر شاكىرت وزىنە ۇلگى-ونەگە بولعان سۇيىكتى ءمۇعالىمىن ۇستازىم دەپ اتايدى.

ءمۇعالىم – بارلىق ءبىلىم بەرۋ جۇيەسىنىڭ نەگىزى، جانى جانە جۇرەگى.  ءمۇعالىمنىڭ نەگىزگى باستى ماقساتى - رۋحاني باي، ىزدەمپاز، ادامگەرشىلىگى مول ادامدى قالىپتاستىرۋ بولىپ تابىلادى. قازىرگى زامانعى مۇعالىمدەر حابارلاۋشى، باقىلاۋشى، تەكسەرۋشى،جازالاۋشى قىزمەتىن تاستاپ، كەرىسىنشە ىزدەنۋشى، زەرتتەۋشى، تەحنولوگ، ونەرتاپقىش،شىعارماشىلىقپەن جۇمىس ىستەيتىن جاڭاشىل بولۋ كەرەك. وقۋشىنى سۋبەكت رەتىندە قاراستىرىپ،ونىڭ ءوزىن-وزى تانۋىنا جول اشۋ، جەكە تۇلعا بويىنداعى قاسيەتتى دامىتۋ، «مەن» مەنتاليتەتىن قالىپتاستىرۋ، ءبىلىم مەن تاربيەنى جەكە تۇلعاعا قاراي باعىتتاۋ-بۇگىنگى تاڭداعى ءمۇعالىمىنىڭ كەزەك كۇتتىرمەيتىن قاسيەتتى مىندەتى.

ۇلى اعىلشىن اعارتۋشىسى ۋيليام ۋورد: جاي ءمۇعالىم حابارلايدى، جاقسى ءمۇعالىم تۇسىندىرەدى، كەرەمەت ءمۇعالىم كورسەتەدى، ۇلى ءمۇعالىم شابىتتاندىرادى،- دەيدى. وسى قاعيدانى باسشىلىققا الا وتىرىپ، ءمۇعالىم ماماندىعىنداعى مەنىڭ پارىزىم - الدىما ءبىلىم الۋعا كەلگەن ءار بالانىڭ قولىنان جەتەكتەپ ءومىر جولىنىڭ دۇرىس باعىتىنا سالۋ، ەلىمىزدى الەمگە تانىتاتىن، اتا ءداستۇردى قۇرمەتتەگەن، ەڭ باستىسى وتانىن سۇيەتىن، ەلباسىمىز ن.نازاربايەۆتىڭ «بولاشاقتا وركەنيەتتى دامىعان ەلدەردىڭ قاتارىنا ەنۋ ءۇشىن زامان تالابىنا ساي ءبىلىم قاجەت» دەگەن سوزدەرىنە وراي باسەكەگە قابىلەتتى، فۋنكسيونالدىق ساۋاتتىلىعى دامىعان ازاماتتى تاربيەلەۋ، وسى جولدا ەڭبەكتەنۋ، ىزدەنۋ، ماقساتقا جەتۋ... ال، كوزدەگەن ماقساتقا جەتۋ مەنىڭ قولىمنان كەلەرىنە سەنەمىن.

---