«حوش كەلدىڭ - ءماۋلىت!»
رۋحاني كەشتە، ورتالىق «شىناسىل» - مەشىتىنىڭ نايب يمامى توقتاعۇلوۆ ازات قۇرمەتتى اۋدان تۇرعىندارى مەن مەرەكە قوناقتارىنا پايعامبارىمىز (ﷺ) -نىڭ جانە دۇنيەدەن وتكەن بارشا مۇسىلمانداردىڭ رۋحىنا قۇران باعىشتاپ، اۋدانىمىزداعى شاكىرتتەرىنىڭ ورىنداۋىندا پايعامبارىمىز (ﷺ) - نىڭ «مارحابا» - ءماۋلىت جىرىن وقىپ، پايعامبارىمىزدىڭ ونەگەلى ءومىرىن ۇلىقتاعان شاعىن بەينە روليگى كورسەتىلدى
اسەم بەزەرلەنگەن ساحىنادا تورىندە: مەككە شاھارى 571 جىل. حاشميدتەر اۋلەتىندە ءپىل جىلى رابيع ءال-اۋۋال ايى 12ء-شى جۇلدىزى دۇيسەنبى كۇنى تاڭسارىسىندە ەكى دۇنيە ءسارۋارى بولعان مۇحاممەد (ﷺ) – ءنىڭ دۇنيە كەلگەندە ءامينا انامىز «تورسىقتاي ۇل بوساندى»-دەپ اتاسى ءابدى مۇتالىپكە سۇيىنشىلەگەن ايەلدەر ۇنىنە جاماعات جانارى كوز تىكتى.
ءامينا انامىزدىڭ تولعاعى كەزىندە ءشارباتتاي سۋسىن ۇسىنىپ، كوز الدىندا شام شاھارى نۇرلانا، قۇلاعىنا ءبىر داۋىس، ەسكەرتۋشى، جول باستاۋشى، سوڭعى ەلشى كەلدى دەگەندەي ءۇن قاتۋى مەن العاشىندا قورىققانداي بولىپ، ءبىر اق كەپتەر يىعىنا قونىپ، قاناتىمەن سيپاپ، كوز الدىندا تۇسىنىكسىز جاعدايلار بولىپ جاتقانىندا، «قورىقپا ءامينا! سەن باقىتتى ايەلسىڭ» دەگەن ادەمى داۋىس كەلۋى، ءبارى-بارى جۇيەلى كورىنىس تاپقان.
ون ۇلدىڭ ىشىندە، ەڭ سۇيكىمدىسى ابدۋللا دۇنيەدەن وتكەننەن كەيىنگى دۇنيەگە كەدگەن نەمەرەسىنە: اسپان مەن جەردە دە ماقتاۋلى بولسىن دەپ، «سەنىڭ اتىڭ مۇحاممەد!»-دەپ ازان شاقىرىپ ات قويىپ، «قاعباعا» - اپارىپ، قۋانىشىن ەلدەن سۇيىنشىلەۋگە كەتكەن جەرىنەن كورىنىستىڭ ءبىرىنشى ءبولىمى ءتامام بولىپ، ساحىنا جارىعى ءسال ءوشىپ قوسىلعان ساتتە:
تاقتا وتىرىسقان ەۆرەي حالقىنىڭ پاتشاسى مەن وقىمىستىلارىنا شابارمانداردىڭ ءتاۋراتتاعى مۇساعا كەلگەن حاباردا سوڭعى پايعامباردىڭ دۇنيەگە كەلۋىمەن ءتۇن مەن تاڭعا دەيىن تابيعي قۇبىلىستار وزگەرۋىمەن تۇسپا-تۇس كەلۋى اسەم كورىنىس تاپقان. تىپتەن وتقا تابىناتىن پارسىلاردىڭ ءزاۋلىم سارايلارى ۇزىن باعانالارى مەن مۇنارالارى جەرگە قۇلاپ، عيباداتحاناسىنداعى قانشا جىلدان بەرى جانىپ تۇرعان وتى ءسونۋى مەن، تەگەراندا ساۋە كولى ءبىر كۇندە تارتىلىپ، سازعا گۇلدەر شىعىپ كەتۋى، حريستيانداردىڭ جينالىپ تەز ارادا ءماجىلىس قۇرىپ، ىنجىلدە ايتىلعان قۇتقارۋشى كەلدى دەپ جار سالۋى.
تۋىلعان ءسابيدىڭ ەكى جاۋىرىنى اراسىندا ءمورى بار بولۋى مەن نىق سەنىممەن ىنجىلدەگى پايعامبار وسى دەگەندە، «شىركىن-اي! ول ءبىزدىڭ ەۆرەي حالقىنان شىقسا ەكەن»-دەپ ارمان ەتۋى، «قاپ ءبىز قۇرىدىق! بيلىك پەن پايعامبارلىق ءبىزدىڭ قولدان كەتتى. ارابتاردىڭ جۇلدىزى جانىپتى. مەنىڭ ءومىرىم جەتسە، سول ەلشىنىڭ ءدىنىن قابىلداپ، ءومىرىمنىڭ سوڭىنا دەيىن ۇلىقتاپ وتەر ەدىم»-دەگەن كۇيىنىشىن جانىنداعى جانتايشاقتانىڭ «ءبىز ونى ولتىرسەك، قۇداي ءبىزدىڭ ۇلتىمىزدان ەلشى جىبەرەر»-دەگەن ءۇمىتى دە تىس قارى قالماعان.
ساحىنا پەردەسى: و، اللا! سەنىڭ قۇدىرەتىڭە كۇمان كەلتىرە الماسپىن. ەۆرەي ۇلتى ءوز باسشىسىنا قۇلاق سالمايدى. بۇكىل ءدىندى بىرىكتىرەتىن سوڭعى ەلشى كەلگەنىن ءبىز بىلدىك. وسى پايعامبارعا كىم سەنىپ يمان كەلتىرسە ولار باقىتتى جاندار. ال، ەگەر ونى كىمدە-كىم تەرىسكە شىعاراتىن بولسا، اقيقاتقا قارسى جۇرگەندەي. مەن حالقىمدى وسى تۋرا جولدا جۇرۋىنە شاقىرامىن. ۋا راببىم! سەن ءبىزدى كەشىر!-دەگەن سوزىمەن جابىلىدى. ودان ءارى كورىنىس جەلىسى ەش قان توگىستى ۇناتپايتىن. كەرىسىنشە، كۇللى ادامزاتتى وزىنە باۋراپ، باۋىرداي سەزىنەتىن مۇحاممەد (ﷺ) – گە مەككە مۇشريكتەرى ءمادينا مۇسىلماندارىنىڭ تىنىشتىعىن بۇزىپ، «حۋدايبيا» - دەگەن جەردە مۇسىلماندارمەن مەككە مۇشريكتەرى 10-جىلداي سوعىسپايمىز دەپ ۋاعدالاسقان ۋادەنى كوپ ۇزاماي مەككە مۇشريكتەرى استىرتىن بۇزىپ، مۇسىلماندارعا جاقتاسقان، ەشكىمگە زيانى جوق ادامداردىڭ 20-عا جۋىعىن ءولتىرىپ كەتۋىمەن ءوربىدى.
بۇل حابار پايعامبارىمىزعا (اللانىڭ يگىلىگى مەن سالەمى بولسىن) جەتكەندە:
قاتتى ۋايىمعا ءتۇسىپ. «سەندەردى، ءوزىمدى قورعاعانداي قورعايمىن»-دەدى دە، پايعامبار (اللانىڭ يگىلىگى مەن سالەمى بولسىن) ساحابالارىنا جولعا دايىندالۋدى بۇيىرۋى. بۇل حابار مەككە مۇشريكتەرىنىڭ زارە قۇتتارى قاشىرىپ. مەككە مۇشريكتەرى كوشەگە جينالىپ، نە ىستەرىن بىلمەي دەل-سال بولىپ وعان ەتكەن قياناتتارىن ءسوز ەتىپ، كىرىپ كەلگەن شاقتا: جو-جوق. سىزدەر قورىقپاڭىزدار مۇحاممەد (اللانىڭ يگىلىگى مەن سالەمى بولسىن) سىزدەردى كەشىرىپ جىبەرگەن. ۇيلەرىڭىزگە بەيبىت تاراي بەرىڭىزدەر بۇگىن قان توگۋ جوق، تەك كەشىرىم. بۇگىن قۇلدىق جوق. ازاتسىزدار. تارقاڭىزدار!!! - دەگەندە جيىلعان كوپشىلىك قۋانىشپەن: «اللادان باسقا ءتاڭىر جوق، مۇحاممەد ونىڭ ەلشىسى. ءبىز سوسىن ءسىز جاقتا بولامىز. ول ءبىر شىندىعىندا كەشىرۋشى؟ اللا ۇلى»-دەگەن ماداعىمەن اياقتالدى. وسى «جامبىل اۋدانى اكىمدىگىنىڭ مادەنيەت ءۇيى» - تياترىنىڭ اكتورلارى مەن اكتريسالارى سومداۋىمەن وتكەن كورىنىس، سۇيىكتى پايعامبارىن ساعىنعان ۇمبەتتەرىنە مۇحاممەد مۇستافا (اللانىڭ وعان يگىلىگىمەن سالەمى بولسىن) ساعىنۋعا، ەڭ لايىق – جان ەكەندىگى مەن ونىڭ مەيىرىمىن، ونىڭ جىلىلىعىن، ونىڭ قامقورلىعىن، سەزىندىرىپ، مۇسىلمان باۋىرلاردىڭ ونىڭ تۇلعاسىن جادىندا جاڭعىرتقان، وعان سالاۋاتتار مەن سالەمدەر جولدانعان، «حوش كەلدىڭ - ءماۋلىت» - اتتى رۋحاني كەش پايعامبار ونەگەسىمەن جاماعاتتىڭ يمانىن ارتتىرا بىلگەندەي....
كەش سوڭى كەلگەن جاماعاتتار مەن قوناقتارعا اس بەرىلىپ، ءماۋلىتتى وتكىزۋگە دەمەۋشىلىك ەتكەندەرگە العىس حاتتار تابىستالدى. رۋحاني كەشتەن تۇسكەن قاراجاتقا اتا-انانىڭ قامقورلىعىنسىز قالعان جاس وسپىرىمدەردى باۋىرىنا باسقان پاديشا بەكەشيەۆا اپامىزعا مەشىت پەن جاماعات اتىنان ءجۇز مىڭ تەڭگە بەرىلدى. جاراتۋشى يەمىز بارشامىزدى جاقسىلىقتا، ساۋاپتى ىستەردە، ەل يگىلىگى جولىنداعى جۇمىستاردا، بەرەكەلى باسقوسۋلاردا جولىقتىرعاي! ەكى دۇنيەدە دە ءجۇزىمىز جارقىن، مۇراتىمىز اسىل، دۇعامىز قابىل بولعاي!
You Might Also Like
-
اقىرىن ءجۇرىپ انىق باس، ەڭبەگىڭ كەتپەس دالاعا. ۇستازدىق ەتكەن جالىقپاس، ۇيرەتۋدەن بالاعا، - دەپ اباي اتامىز ايتقانداي، ۇستاز – ۇلى تۇلعا، ۇلى ەسىم دەگىم كەلەدى.
-
ەرتەدە ءبىر اڭشى جىگىت بولىپتى، دەپ ايتىلادى «قوس ىشەك» كۇيىنىڭ اڭىزى. سول اڭشى جىگىت بيىك تاۋدىڭ قياسىن، قالىڭ قاراعايدىڭ اراسىن تۇراق ەتكەن بۇعى-مارالدى اۋلاپ، كاسىپ ەتسە كەر...
