مەن گرانتقا ءتۇستىم! الاقاي!
قازاقستاندا تۇڭعىش رەت مەكتەپ وقۋشىلارىنا ارنالىپ وتكىزىلگەن رەسپۋبليكالىق «iTest: ۇزدىك ناتيجە» بايقاۋى قۋانتاتىن ناتيجەلەرمەن اياقتالعانى تۋرالى سىزدەرمەن اسىعا بولىسكىمىز كەلىپ وتىر!
نۇرتىلەك بەيسەنباي: «بۇگىن وتە قۋانىشتى سەزىمدە تۇرمىن!»
بارلىق 11-سىنىپ وقۋشىلارىنا بىرەگەي مۇمكىندىك بەرەتىن بايقاۋدى ەلىمىزدەگى ۇزدىك جوعارى وقۋ ورىندارىنىڭ ءبىرى – Almaty Management Universityء-دىڭ (AlmaU) قولداۋىمەن Bilim Media Group كومپانياسى ۇيىمداستىردى.
ەلىمىزدىڭ 14 وبلىسىنان 5754 وقۋشى بايقاۋعا قاتىسۋعا نيەت ءبىلدىردى. بارلىق قاتىسۋشىلار ىشىنەن وق بويى وزا شاپقان 30 قاتىسۋشى بايقاۋ ەرەجەلەرىنە سايكەس ۇزدىكتەر قاتارىنا كىرگەن بولاتىن.
كاميلا سىزدىكوۆا: «مەن جىل بويى دايىندالدىم. سەنىمدى اقتاعانىما قۋانىشتىمىن!»
وفلاين كەزەڭ قالاي ءوتتى؟
12 شىلدە كۇنى ساعات 08:00-دەن باستاپ AlmaU عيماراتىنا «iTest: ۇزدىك ناتيجە» بايقاۋىنىڭ قاتىسۋشىلارى جينالا باستادى. ەلىمىزدىڭ ءار وڭىرىنەن ۇكىلەگەن ۇمىتتەرىن ارقالاي كەلگەن وقۋشىلار مەن ولاردىڭ اتا-انالارىنىڭ كوزدەرىنەن ەرەكشە قوبالجۋ بايقالدى.
بارلىق ەرەجەلەر مەن ەمتيحان تاپسىرۋ رەتى تۇسىندىرىلگەننەن كەيىن قاتىسۋشىلار ەمتيحان تاپسىرۋ زالىنا ءوتتى. ەمتيحان تاپسىرۋعا باس-اياعى 3 ساعات ۋاقىت بەرىلگەن ەدى. قاتىسۋشىلار ۇبت-نىڭ ءپروفيلدى پاندەرى بويىنشا جانە IQ تەست تۇرىندەگى بارلىعى 90 سۇراقتان تۇراتىن تەست تاپسىردى. ەمتيحاننىڭ ءادىل وتكەنىن ۇيىمداستىرۋشىلار دا، قاتىسۋشالار دا ايتىپ وتىر.
دامير سادىربەك: “اتا-انام وتە قۋانىشتى! مەنىڭ جەڭىسىم - ءبارىمىز ءۇشىن توسىن سىي!”
ءدال وسى كۇنى ساعات 17:00-دە «iTest: ۇزدىك ناتيجە» بايقاۋىنىڭ ناتيجەلەرى انىقتالىپ، سالتاناتتى ماراپاتتاۋ ءراسىمى ءوتتى. بايقاۋدىڭ وفلاين كەزەڭىندە ۇزدىك ناتيجە كورسەتكەن 10 قاتىسۋشى AlmaU ۇسىنعان كەز كەلگەن ماماندىق بويىنشا 100% جەڭىلدىگى بار وقۋ گرانتىن جەڭىپ الدى. ايتا كەتەيىك، الماتى قالاسىندا وتكەن وفلاين كەزەڭگە كەلگەن قاتىسۋشىلاردىڭ بارلىعىنا سەرتيفيكاتتار، ءتۇرلى سىيلىقتار مەن سمارتفوندار تابىس ەتىلدى.
بەيبىت شاتىرباي: “اتا-انام ءالى بىلمەيدى، ۇيگە بارىپ ءسۇيىنشى سۇرايمىن!”
وفلاين كەزەڭنىڭ بارلىق قاتىسۋشىلارىنىڭ ەمتيحان ناتيجەسى تومەندەگىدەي:
* تىزىمدەگى العاشقى 10 قاتىسۋشى بايقاۋ جەڭىمپازى اتاندى. وسى تىزىمدەگى قانداي دا ءبىر قاتىسۋشى وقۋ گرانتىنان باس تارتاتىن بولسا، سول گرانت تىزىمدەگى رەتى بويىنشا كەلەسى تۇرعان قاتىسۋشىعا وتەدى.
جەڭىمپازداردى قۇتتىقتاي وتىرىپ، بارلىق قاتىسۋشىلارعا العىسىمىزدى بىلدىرەمىز!
تولىعىراق: bilimland.kz
You Might Also Like
-
باعزى زاماننان ونەردى مىنسە ات، ۇشسا-قانات، كيسە جانات، ىشسە تاماق ەتىپ، كوڭىلدىڭ ءاجارى-ان دەگەندە ىشكەن اسىن جەرگە قويعان دۋمان سۇيەر حالىقپىز عوي. ال، كەڭپەيىل قازاقتىڭ توي-تومالاق، مەرەكەسى قوس ...
