«جار-جار» ءانى جايىندا
مەندەلسوننىڭ «سۆادەبنىي مارشى» سەكىلدى بۇل كۇندەرى قازاقتىڭ ۇيلەنۋ تويلارىنىڭ گيمنىنە اينالىپ كەتكەن «جار-جار» ءانى قاشان، قالاي شىقتى دەيسىزدەر عوي. ول بىلاي: «جار-جار» ءانى 1959 جىلى دۇنيەگە كەلگەن. ول كەزدە مەن الماتىداعى اباي اتىنداعى پەداگوگيكالىق ينستيتۋتتىڭ سوڭعى كۋرسىندا وقىپ جۇرگەن ەدىم. الماتىدا جامبىل وبلىسىنىڭ تالاس اۋدانىنان ءار ءتۇرلى جوعارى وقۋ ورىندارىندا بىرنەشە بالا وقيتىنبىز. سولاردىڭ ىشىندە سوسياليستىك ەڭبەك ەرى جىلقىشى بايقوشقار اتانىڭ بالاسى بەردەن دەگەن جىگىتىمىز ءسابيرا دەگەن قىزعا ۇيلەنەتىن بولدى دا، ماعان «جار-جار» ءانىن جاڭاشا جازۋ تاپسىرىلدى. مەن تۇندە ويلانىپ وتىرىپ، «جار-جار» ءانىن جاڭاشا جازدىم دا، ونى تۇيمەلى ماشينكامەن ون شاقتى دانا ەتىپ باسىپ، سول كەشتە 3-4 جىگىت قوسىلىپ ايتىپ شىقتىق. ارينە، حالىق ءانىن تويدا ورىنداۋعا ىڭعايلى ەتىپ وزىمشە وڭدەدىم. توي سوڭىندا ءان ءماتىنى جازىلعان پاراقتاردى جىگىتتەر قالتالارىنا سالىپ الىپ كەتكەن. سودان كەلەسى ءبىر ۇيلەنۋ تويىنا بارعانىمدا مەن جازعان «جار-جار» الدىمنان شىقتى. مەن وعان قۋانباسام، رەنجىگەن جوقپىن. سويتە-سويتە سول ءان ستۋدەنتتەر اراسىندا، كەيىننەن بۇكىل ەلگە تارالىپ كەتتى. ءبىراق، ونى مەنىڭ جازعانىمدى كوپشىلىك بىلە بەرمەي، حالىق ءانى دەلىنىپ ءجۇردى. سودان كەيىن مەن شاقىرۋ بيلەتتەرىندە، ءتۇرلى ءان جيناقتارىندا مەنىڭ اۆتورلىعىممەن باسىلىپ جۇرگەنىن كورسەتىپ، ق ر ادىلەت مينيسترلىگىنە حات جازىپ، اۆتورلىق قۇقىعىمنىڭ قورعالۋىن ءوتىندىم. وسىعان وراي ق ر ادىلەت مينيسترلىگىنىڭ زياتكەرلىك مەنشىك قۇقىعى جونىندەگى كوميتەتى 2003 جىلدىڭ 7 قازانىندا №10733 زياتكەرلىك مەنشىك وبەكتىسىنىڭ تىركەۋ كۋالىگىن بەردى.
بايقاپ وتىرساڭىز، بۇكىل قازاقستان بويىنشا بەتاشار رەتىندە ۇيلەنۋ تويلارى «جار-جار» ءانىنىڭ ايتىلۋىمەن اشىلىپ، كۇنىنە مىڭداعان جاستار جاڭا وتباسىن قۇرۋدا.
ال، «جار-جار» انىمەن ۇيلەنگەن بەردەن مەن ءسابيرانىڭ العاشقى پەرزەنتى سالتانات بايقوشقاروۆا 1960 جىلدىڭ 1 اقپانىندا دۇنيەگە كەلدى. ول ءقازىر قازاقستان ادام رەپرودۋكسياسى قاۋىمداستىعىنىڭ پرەزيدەنتى، مەديسينا عىلىمدارنىڭ دوكتورى. الماتى قالاسىندا تۇرادى. بالا كوتەرۋى كەشەۋىلدەگەن جۇزدەگەن ايەلدەردى جاساندى ۇرىقتاندىرۋ ارقىلى ەلىمىزدە قازاق سانىنىڭ ارتا تۇسۋىنە ەلەۋلى ۇلەس قوسىپ كەلەدى.
«جار-جار» ءانىنىڭ وسىنداي سىرى بار.
«جار-جار» ءانى
You Might Also Like
-
شاماسى، اركىم-اق ومىرىندە الدەبىر نارسەنى ىزدەپ تابۋدىڭ وڭتايلى جولىن قولدانۋمەن بايلانىستى ماسەلەگە تاپ بولىپ كورگەن شىعار. تۇرعىنجاي جالداۋ، جۇمىسقا الۋ، جان جارىڭدى تاڭداۋ… ەڭ جاقسى نۇسقا...
-
وتكەن ءجۇزجىلدىقتاردا ادامزاتتىڭ ساناسى قانشا جەردەن «بۇقارالىق» بولسا دا، 21 عاسىر ول عاسىرلاردىڭ بارىنەن اسىپ ءتۇستى. «جاپپاي تۇتىنۋ ءونىمى»، «بۇقارالىق اقپارات قۇرالدا...
