InfoHub Logo

     تالاپتىڭ ءمىنىپ تۇلپارىن...ءيا،تالابىڭ تاۋداي بولسا كەمەل كەلەشىگىڭدە جارقىن بولاتىنى انىق.ال،بۇگىنگى تاڭداعى باستى تالاپتاردىڭ ءبىرى-بىلىم كوزى.وسى تۇستا كوشباسشىمىزدىڭ مىنا ءبىر قۇندىلىعىن جويماعان ءسوزى ەسىمە  ءتۇستى: «ءقازىر بوي جارىستىراتىن ەمەس،وي جارىستىراتىن زامان».دەمەك،بار نازارىمىزدى وقۋعا،بىلىمگە اۋدارۋىمىز كەرەك دەگەن ءسوز.كوپ وقىعان وزار.بارىنەن وزامىن دەپ قوعامدا بولىپ جاتقان وزەكتى ماسەلەلەردەن تىس قالساڭ تاعى بولماس.جالپاق تىلمەن ايتقاندا،ىزدەنىستىك تانىتىپ،بىلىمگە زەيىن قويا ءجۇرىپ،ەلىمىزدەگى ساياسي جاڭالىقتاردان حاباردار بولىپ،قۇلاق ءتۇرىپ جۇرۋىمىزدە ءجون بولادى.سەبەبى،ساياساتقا ءبىر تابان جاقىن بولساق ءورىسىمىز كەڭەيىپ،ءوزىمىزدى ودان ءارى شىڭداي تۇسەمىز.ەگەر بىزدەر «وسكەلەڭ ۇرپاق بىزگە قاراپ بوي تۇزەۋى كەرەك» ەكەندىگىن ەسكەرسەك،الدىمەن ءوزىمىزدىڭ ءبىلىم دەڭگەيىمىزدى ارتتىرعانىمىز ءجون.

   قازىرگى تاڭدا ەلىمىزدىڭ بارلىق وڭىرلەرىندە دەلىك ءبىلىم سالاسىنا ءتۇرلى مۇمكىندىكتەر جاسالعان.ايتالىق، «ۇشتىلدىلىك-زامان تالابى» دەمەكشى ءۇشتىلدى ساباقتار ءوتىلىپ،كيەلى ءبىلىم ورداسى سانالار مەكتەپتەرىمىز ءتۇرلى تەحنولوگيالارمەن جابدىقتالعان.ءبىر سوزبەن ايتساق،ساۋاتتى دا سانالى شاكىرت تاربيەلەۋ جولىندا بارلىق جاعداي قاراستىرىلعان.بۇل، ارينە،ەلباسىمىزدىڭ سارابدال ساياساتىنىڭ ارقاسىندا جۇزەگە اسقان جەمىستى ءىس بولىپ تابىلادى.جاستار-ەلىمىزدىڭ بولاشاعى.وعان دالەل ەلباسىمىزدىڭ كەزەكتى جولداۋلارىنىڭ بىرىندە «بولاشاق-جاستاردىڭ قولىندا!» دەگەنى.حالقىنىڭ بولاشاعى ءۇشىن كۇرەسەتىن نەگىزگى قۇرال-جاستار.ءيا،كەزىندە م.جۇمابايەۆ سىندى ۇلىلاردىڭ ءوزى «مەن جاستارعا سەنەمىن!» دەپ بىزدەرگە ءۇمىت ارتقان.قاناتتىعا قاقتىرماي،تۇمسىقتىعا شوقتىرماي پەرزەنتىنىڭ بولاشاعىن ويلاپ شىر-پىر بولاتىن اتا-انامىز،«بالا-بالىم،بالامنىڭ بالاسى-جانىم» دەپ تىلەۋىمىزدى تىلەر اتا-اجەمىزدە بىزگە ءۇمىت ارتىپ،بولاشاعىمىزدىڭ بۇلىڭعىر بولماۋىن تىلەيدى.ال،سول ۇكىلەگەن ءۇمىتتى اقتاۋ بىزدەردىڭ باستى ماقساتتارىمىزدىڭ ءبىرى سانالادى.وسىدان كەيىن ويلانىڭىز: «مەن سول ءۇمىتتى اقتاي الامىن با؟» دەپ.ارينە «ءيا» ،تەك وعان ءوزىڭىز تالپىنىس جاساپ،كوپ تەر توگىپ،ماقساتىڭىزعا جەتپەي تىنباۋىڭىز كەرەك.ماقسات قويا ءبىلىڭىز.ماقساتقا جەتۋ جولىندا ناقتى قادام جاساڭىز.سوڭى جەتىستىكپەن اياقتالاتىنىنا سەنىمدى بولىڭىز. «وزىڭە سەن،ءوزىڭدى الىپ شىعار،ەڭبەگىڭ مەن ءبىلىمىڭ ەكى جاقتاپ»،-دەپ ۇلى اباي اتامىزدىڭ بويىڭا ەرەكشە جىگەر مەن قۇلشىنىس بەرەر ولەڭىن زەردەلەپ،وي تارازىسىنان وتكىزسەڭ جامان بولمايتىنىڭ ايدان انىق.بۇل زامان بىلەككە ەمەس،بىلىمگە سەنەتىن زامان.سوندىقتان دا ەلىمىز بىلىمگە قۇشتار،ىزدەنىستى ۇناتار،بىلەكتى دە ءبىلىمدى،ءورىسى كەڭ،ماسەلەنى ماقۇلمەن ەمەس اقىلمەن شەشەتىن جاستاردى كەرەك ەتەدى. «اقىرىن ءجۇرىپ انىق باس،ەڭبەگىڭ كەتپەس دالاعا» دەگەندەي،  بولاشاقتىڭ تىزگىنىن ۇستار ءبىلىمدى جاستارىمىزدىڭ ەڭبەگى دالاعا كەتپەي،جەمىسىن بەرەرىنە كامىل سەنەمىن.

---