رۋحاني جاڭعىرۋ - تابىستى ەل بولۋدىڭ كەپىلى
«قازىرگى ءداۋىر اتىس ايقايدىڭ ءداۋىرى ەمەس، ءىس ءداۋىرى»، -دەپ سۇلتانبەك قوجانوۆ ايتقانداي، ءقازىر سوزگە ەمەس، ىسكە كوشەتىن زامان. قازاقستان تاۋەلسىز ەل بولعالى 26 جىلدان اسىپ كەلەدى. سوناۋ عاسىرلار قويناۋىنىڭ قاتپار-قاتپار بەلەسىنەن بايقاساق، قازاقستان «تاۋەلسىز ەل» اتانعاندا بۇكىل الاش جۇرتى «مىنە، ەل بولدىق، ەركىندىك قولىمىزعا ءتيدى» دەپ قۋانا بورىكتەرىن اسپانعا اتقاندارى تايعا تاڭبا باسقانداي انىق بايقالادى. قازاق ەلىنىڭ سوڭعى جيىرما التى جىل تۇتقاسىن ۇستاپ، تۋىن كوتەرگەن تۇرلاۋلى دا تۇعىرلى تۇلعاسى - تۇڭعىش پرەزيدەنتىمىز ن.ءا.نازاربايەۆتىڭ باسشىلىعىمەن الەم مويىنداعان، جاھانعا اتى جەتكەن مەملەكەتكە اينالدى. «ءبىز الەمدىك مادەني قۇندىلىقتارمەن ۇندەس جاڭا زامانعا قازاقتىڭ وزىق مادەنيەتىن قالىپتاستىرۋىمىز كەرەك» دەيتىن ەلباسىمىز، ەلىمىزدىڭ ەندىگى تاريحىن ۇلىلار رۋحىندا ودان ءارى جاڭعىرتۋدا. تاۋەلسىزدىك العان ءساتتىڭ العاشقى جىلدارىنان باستاپ ەلباسىمىزدىڭ جولداۋلارى قازاقستان حالقىنا باعىت-باعدار بەرىپ، بولاشاققا نىق سەنىممەن قاراۋعا مۇمكىندىك بەردى. قايتا تۇلەۋ جولىندا حالقىنىڭ قامى ءۇشىن قالتقىسىز ەڭبەك ەتىپ جۇرگەن كەمەڭگەر ەلباسىمىز بۇگىنگى كۇنگە دەيىن جاڭعىرۋدىڭ ءۇش ساتىسىمەن تولىققاندى تانىستىرىپ وتكەن بولاتىن. بىزدەر العاشقى جاڭعىرۋدا ەكونوميكادان نارىقتىق ەكونوميكاعا وتكەن بولساق، ەكىنشى جاڭعىرۋىمىز «2030 ستراتەگيالىق باعدارلاماسىنىڭ قابىلدانۋى» بولىپ ەسەپتەلىندى. ال، ءۇشىنشى جاڭعىرۋىمىزدىڭ ورنى وراسان زور. بۇگىندە «بولاشاققا باعدار: رۋحاني جاڭعىرۋ» دەپ اتالاتىن قازاقستاننىڭ ءۇشىنشى جاڭعىرۋى كىمنىڭ دە بولماسىن دەلەبەسىن قوزدىراتىنى ايدان انىق.
ءومىر سۇرە ءبىلۋ ءۇشىن وزگەرە ءبىلۋ قاجەت. مىنە، ەگەمەن ەلدىڭ ەرتەڭگى كۇنى جارقىن بولسىن دەسەك، كۇنى بۇگىننەن، ءتىپتى ءدال قازىرگى ساتتەن باستاپ تىنىم تاپپاۋىمىز كەرەك. ەلباسىمىزدىڭ «بولاشاققا باعدار: رۋحاني جاڭعىرۋ» اتتى ماقالاسىن وي تارازىسىنان وتكىزگەن سوڭ، اۋقىمدى جانە ماڭىزدى جۇمىستاردىڭ ىرگەتاسىن بىرگە قالاعانىمىز ءجون. ساباقتى ينە ساتىمەن. وسىنداي ءىرى، اۋقىمدى جۇمىسىمىز جەمىسىن بەرسە ەكەن دەيمىن. سونىمەن قاتار، سارابدال ساياساتىنىڭ جەمىسىن كورىپ كەلە جاتقان ەلباسىمىز، ەلىمىزدى ءالى تالاي-تالاي بيىك شىڭدار مەن تولاعاي تابىستارعا جەتكىزەتىنىنە سەنەمىن!
You Might Also Like
-
تالاپتىڭ ءمىنىپ تۇلپارىن...ءيا،تالابىڭ تاۋداي بولسا كەمەل كەلەشىگىڭدە جارقىن بولاتىنى انىق.ال،بۇگىنگى تاڭداعى باستى تالاپتاردىڭ ءبىرى-بىلىم كوزى.وسى تۇستا كوشباسشىمىزدىڭ مىنا ءبىر ق...
-
وسى ۋاقىتقا دەيىن ەلىمىزدە ءتۇرلى ءبىلىم رەفورماسى جۇرگىزىلدى. ونىڭ كوبىسىن اتا-انالار "قيسىنسىز" دەپ سىنادى. جاقىندا ءبىلىم جانە عىلىم مينيسترلىگى تاعى ءبىر ءبىلىم رەفورماسىن ۇسىندى. ق ر ءبىلىم...
