مەرەيلى مەكتەبىمىزگە-100 جىل! (قامباش ورتا مەكتەبىنىڭ 100 جىلدىق مەرەتويىنا ارناۋ)
مىنە،بيىل التىنداي قىمباتتى،ءبىلىم مەن تاربيەنىڭ وشاعىنا اينالعان اياۋلى مەكتەبىمىزگە 100 جىل!بۇل-ۇلكەن قۋانىش،زور مارتەبە!سونىمەن قاتار ۇلكەن جاۋاپكەرشىلىكتى قاجەت ەتەتىن ءىس بولىپ تابىلادى.
وسىناۋ 100 جىل ىشىندە مەكتەبىمىز قانشاما تۇلەكتى ۇيادان ۇشىرىپ،قياعا قانات قاقتىرىپ كەلەدى.ال،سول ءبىتىرۋشى تۇلەكتەر مەكتەپ اتىنا كىر كەلتىرمەي ءبىرازى دەرلىك جوعارى وقۋ ورىندارىنا ءتۇسىپ،ءمۇعالىم بەرگەن ءبىلىمنىڭ ەش كەتپەگەندىگىن كورسەتەدى.اباي اتامىزدىڭ مىناداي ءبىر ءسوزى بار: «ۇستازدىق ەتكەن جالىقپاس،ۇيرەتۋدەن بالاعا».ءيا،راسىمەن دە ۇلاعاتتى ۇستازدارىمىزدىڭ بىزدەرگە ۇيرەتكەن ءار نارسەسى كوكەيدە ساقتالىپ جەمىسىن بەرىپ جاتسا،وندا بۇل ۇستازدىڭ وقۋشىلار ءۇشىن توككەن تەرىنىڭ جەمىسىن بەرەدى.
مەن،بيىل التىن ۇيا مەكتەبىمنىڭ ءبىتىرۋشى تۇلەگىمىن. «تۇزىن ءىشىپ،تۇزدىعىنا تۇكىرمە» دەمەكشى،مەكتەبىمدى جامانداپ،وعان كىر كەلتىرمەك ەمەسپىن.سەبەبى،كيەلى ءبىلىم ورداسى سانالاتىن مەكتەبىمدى ەشقاشان جامانداماق نيەتىم جوق.كەرىسىنشە،وسىنداي مەكتەپتە وقىعانىمدى ماقتانىشپەن ايتىپ،ۇلكەن ريزاشىلىعىمدى بىلدىرمەكپىن. «تارداي بولىپ كىرىپ،تاۋداي بولىپ شىعاسىڭ» دەگەندەي ،وسىناۋ 11 جىل ىشىندە كىشكەنتاي ءبۇلدىرشىن بولىپ كەلىپ،قالاي ەرجەتكەنىمىزدى دە بىلمەي قالىپپىز!ايتسە دە،وسى 11 جىل ىشىندە قوعامدىق جۇمىستارعا بەلسەنە ارالاسىپ،ءتۇرلى عىلىمي جوبا،اقىندار ءمۇشايراسىنا،وليمپيادالارعا ت.ب. ءىس-شارالارعا قاتىسىپ،جۇلدەلى ورىندارعا يەلەنىپ كەلەمىن.سايف سارايدىڭ مىناداي ۇلاعاتتى ءسوزى بار: «ۇستازدىڭ ابىرويى بولماسا-شاكىرتتەرى ونىڭ ساقالىمەن وينايدى».سوندىقتان دا،ابىرويلى ۇستازدارىمنىڭ جەتىستىككە جەتۋىمە سەبەپشى بولعاندىعىن ەسكەرمەسكە بولماس.
ءسوز سوڭىندا التىن ۇيا مەكتەبىمدى مەرەيلى مەرەكەسى 100 جىل تولۋىنا وراي،ءوز شىعارماشىلىعىمداعى مىنا ءبىر ولەڭ شۋماقتارىمەن قورىتىندىلاماقشىمىن:
مەكتەپ جايلى جازسام مەن ءبىر ۇزىك سىر،
مەكتەپ دەگەن بەلەسى كوپ بيىك شىڭ.
ەڭ كيەلى ءبىلىم وردا سانالار
ساۋلە شاشار كۇننىڭ اسەم نۇرىسىڭ.
جۇرەك تۋلاپ،ءون-بويىڭدى كەرنەپ شابىت،
بۇل مەكتەپكە شاكىرت بولۋ ۇلكەن باقىت.
تۇلەكتەرىڭ ولەڭ جازسا شۋماقتاتىپ،
تىڭدار ونى قۇشتارلىقپەن ءدۇيىم حالىق.
شەت-شەتىنەن ونەرلى ورەندەرىڭ،
بۇل،ارينە مەكتەبىم ءور ەڭبەگىڭ
مەكتەپ دەگەن ەكىنشى ءۇي،التىن ۇيا،-
دەمەپ پەدى تالاي اقىن،كەمەڭگەرىڭ.
مەرەيلى مەكتەبىمە-100 جىل مىنە،
نەگىزىندە بىلىم-تەڭىز،مەكتەپ-كەمە.
قۋانىشپەن اسقاقتاتىپ تويلاسىنشى
100 جىل تولعان مەرەكەڭدى دۇركىرەتە!
مەن بيىلعى تۇلەپ ۇشار تۇلەگىڭمىن،
مەكتەپ سەنى قيماي كەيدە تۇنەرەمىن.
ەستەلىك بوپ قالسىن دەيمىن بۇل ولەڭىم
ءبىتىرۋشى 101ء-ىنشى تۇلەگىڭنىڭ!
You Might Also Like
-
«ۇلتتىق رۋحتىڭ نەگىزى-ۇلتتىق ءتىل»،-دەپ مۇستافا شوقاي ايتقانداي رۋحاني مۇرا ىسپەتتەس التىن ءتىلىمىزدى قۇرمەتتەۋ بىزدەردىڭ باستى مىندەتىمىز.ويتكەنى،حالىق اۋزىنداعى ءتىل وشسە-حالىق تا ...
-
«ەڭبەك قىلماس ەرىنشەك-ادام بولماس»،-دەپ ۇلى اقىن اباي قۇنانبايەۆ ايتپاقشى بۇگىنگى زاماندا يكەمىڭە قاراي ەڭبەك ەتپەسەڭ ءبىر كەم دۇنيە سوندا بولماق.ەڭبەك-راحاتتى...
