InfoHub Logo

دۇنيەدەگى ماماندىق اتاۋلىنىڭ تورەسى - ۇستازدىق، دەمەكشى، شاكىرت بويىنا ەرەكشە ىنتا-جىگەردى، شىعارماشىلىق قابىلەتىن شىڭداۋعا داعدىلاندىرىپ كەلە جاتقان ۇلاعاتتى دا ۇلگىلى ۇستازىم تولەگەنوۆا مەيرامكۇلدى ماماندىق تاڭداۋدان قاتەلەسپەگەن دەپ ماقتانىشپەن ايتا الامىن. قاي زاماندا بولسىن، ۇستاردارعا قۇرمەت جوعارى بولعان. بۇگىننەن نەمەسە كەشەدەن عانا ۇلى ماماندىق يەلەرىنە قۇرمەت كورسەتىلىپ كەلە جاتقان جوق، ىقىلىم زاماننان بەرى ۇستازدىقتىڭ شوقتىعى بيىك تۇر. تولەگەنوۆا مەيرامكۇل قازاق ءتىلى مەن ادەبيەتى ءپانىنىڭ ءمۇعالىمى رەتىندە شاكىرت ىزدەنىسىن قاجەت ەتىپ، شىعارماشىلىققا باۋليتىن جان. ويتكەنى، ۇستازدىڭ شاكىرت تاربيەلەۋ ىسىندەگى نەگىزگى ۇستانىمىنىڭ بىرى-شاكىرتتىڭ قايتالانباس ادامدىق تۇلعاسى قالىپتاسۋىنا ىقپال ەتۋ بولىپ تابىلادى.

بيىل مەكتەپتە قىزمەت جاساپ، شاكىرت تاربيەلەپ، ولارعا بار بىلگەنىن ۇيرەتىپ كەلە جاتقانىنا - 28 جىل. قونىسبايەۆ ايتقانداي: «ءومىرىم بايگەگە ۇقسايدى. توپتى كورسەم تىپىرشىپ وتىرا المايمىن» دەمەكشى، ۇستازىمىز اركەز وقۋشىلاردى بارىنشا شىعارماشىلىققا دەگەن قۇشتارلىقتارىن وياتۋدى كوزدەيدى. جانە دە ءار شاكىرتىمەن ءون-بويىن ەرەكشە سەزىم كەرنەپ، سولاردى ماقتانىش ەتەدى. وعان دالەل - وقۋشىلارىنىڭ جەتىستىكتەرى. ايتالىق، I اۋداندىق جىرشىلار بايقاۋىنا قاتىسقان 9 «ب» سىنىپ وقۋشىسى وڭعاربەك اسىلبەك I-ورىنمەن ماراپاتتالدى. كەيىننەن وبلىسقا جولداما الىپ، وبلىستان «قايراتتى تۋعان ەر ەدى..» تاقىرىبىندا 3ء-شى ورىن يەلەنىپ، «Fly» سمارتفونىن ۇتىپ الدى. اۋداندىق ماحامبەت وقۋلارىندا 11-سىنىپ وقۋشىسى رىسجان گۇلسەزىم «ەل قۇتقارار ەر ەدىم» جاتقا وقۋ كونكۋرسى بويىنشا «العىس حاتپەن»، «تارتىنباي سويلەر اسىلمىن» دارىندىلار كونكۋرسى بويىنشا جامبىلوۆا سانيا 3-ورىنمەن ماراپاتتالدى. ال، XV اۋداندىق اباي وقۋلارىندا «ولەڭ-سوزدىڭ پاتاشاسى، ءسوز ساراسى» باعامى بويىنشا سماعۇلوۆا گۇلنۇر 3-ورىنمەن، «ۇلى ارمان» اندەردى ورىنداۋ كونكۋرسى بويىنشا اسانجانوۆا ۇلداناي 3-ورىنمەن، «تارتىنباي سويلەر اسىلمىن» دارىندىلار كونكۋرسى بويىنشا ماحامبەتالييەۆا زەرە 3-ورىنمەن ماراپاتتالدى. وسى اتالعان وقۋشىلاردىڭ بارلىعى بۇنىسىمەن شەكتەلىپ قويعان جوق. 11-سىنىپ وقۋشىسى مۇراتوۆا گاۋھار «ۇستازىممەن ماقتانامىن» اتتى جوبا قورعاپ، رەسپۋبليكالىق سەرتيفيكاتپەن ماراپاتتالدى. وقۋ وزاتى اتانىپ جۇرگەن ماحامبەتالييەۆا زەرە ارال اۋدانى كولەمىندە تاراتىلاتىن «ءۇمىتتى ارال» گازەتىندە «ۇستازى جاقسىنىڭ ۇستانىمى جاقسى» تاقىرىبىندا جازىلعان ماقالاسىن وزىنە ۇلگى كورەتىن ۇستازىنا ارناعان. بۇل، ارينە  شاكىرتتى شىعارماشىلىققا باۋلۋداعى ەڭبەكتىڭ اقتالعانى دەپ بىلەمىن.

---