InfoHub Logo

ۇستازدىق ەتۋ -الەمدەگى  ماماندىقتىڭ  اناسى،

ۇستازىنان ءبىلىم  الىپ  ادامزاتتىڭ  ويانادى  ساناسى .

بۇل ماماندىق جەمىسى مول  بايتەرەكتىڭ  اعاشى،

سوندىقتان دا قىمبات ونىڭ التىننان دا  باعاسى.

اۆتور

قارا ءسوزدىڭ قاس شەبەرى، حالقىمىزدىڭ ۇلى اقىنى اباي اتامىز:  «سەن دە ءبىر كىرپىش دۇنيەگە، كەتىگىن تاپ تا بار قالان»، - دەمەكشى قاي قوعام بولماسىن ءاربىر ازامات «ءومىر» اتتى دۇنيەنىڭ تابالدىرىعىن اتتاعاننان كەيىن ءوز ورنىن تاۋىپ، ءوزى سۇيگەن ماماندىق يەسى بولىپ، ءوز بولاشاعىنىڭ كىرپىشىن قالاۋعا تىرىسادى.

مەن ءوز ءومىرىڭنىڭ ىرگەتاسىن بەرىك قالاعان  جانە تاڭداعان سۇيىكتى ۇستازدىق ماماندىعىمنان ەش وكىنبەيمىن. بۇل ماماندىق مەنىڭ ومىرىمە كۇن نۇرىنداي شۋاق شاشىپ، اينالامداعى ادامدارعا مەيىرىمدىلىك پەن ادالدىق  قاسيەتتەردى  وياتا ءبىلدى.

مەن دەنە شىنىقتىرۋ ءپانىنىڭ ءمۇعالىمى بولۋدى ومىرلىك قاتەلەسپەس كاسىبىم ەتىپ نەگە تاڭدادىم  جانە وسى كاسىپكە مەنى يتەرمەلەگەن قانداي كۇش؟ دەگەن سۇراقتارعا ەڭ بىرىنشىدەن: "بالا كەزىمنەن سپورت دەسە ىشكەن اسىمدى جەرگە توگەتىن" -سپورتقا دەگەن قۇلشىنىسىم  تەڭىزدىڭ جاعاعا ۇرىپ سوققان تولقىنى سەكىلدى اساۋ بولسا، قۇشتارلىعىم بالا كەزىمدەگى اۋىل بالالارىمەن اسىر سالىپ تاڭنىڭ اتىسىمەن كەشتىڭ باتىسىنا دەيىنگى دوپ تەبۋمەن وتەر ەدى.

سىنىبىمىزدا ءمۇعالىمىمىز بىزدەردەن "قاي ماماندىق يەسى بولعىلارىڭ كەلەدى؟" -دەپ سۇراق قويعاندا ءار  وقۋشى ءار ءتۇرلى ماماندىقتى ءبىر اتاپ جاتسا، مەنىڭ جۇرەگىمدە ءبىر عانا ماماندىق يەسى بولۋ ارمانىم ەدى. ول-دەنە شىنىقتىرۋ ءپانى ءمۇعالىمى بولاتىن.

مەنىڭ دەنە شىنىقتىرۋ ءپانى ءمۇعالىمى بولۋداعى  ماقساتىم -  وسكەلەڭ جاس ۇرپاققا سورتتىق ءبىلىم بەرىپ، ءتۇرلى جارىستارعا قاتىستىرىپ، قازاقتىڭ اسقاق بەدەلىن كوتەرىپ، كوك تۋىن جەلبىرەتۋ ەدى.  شاكىرتتەرىم جەڭىسكە جەتكەندە قۋانىشىم قوينىنا  سيماعان جۇرەگىمنىڭ  تۇسىنا وڭ قولىمدى قويىپ ءانۇراندى تىڭداعانعا نە جەتسىن،شىركىن!

مەن وسى ۇستازدىق ماماندىقتى تاڭداعان سوڭ  تەك قانا ءوز ماقساتىمدى كوزدەپ، نان تاپسام بولدى دەيتىن ويلاردان اۋلاقپىن، كەرىسىنشە  ءوز كاسىبىمە شىن بەرىلىپ، قىر-سىرىن يگەرىپ، جۇمىسىمدا  ايانباي قىزمەت ەتىپ، وقۋشىلارعا سپورتتىق  ءبىلىم بەرىپ قاراڭعىدا قالعان وي-ساناسىنا ءبىلىمنىڭ شامىن شاعىپ جارىققا الىپ شىعامىن. اعارتۋشى، اقىن سۇلتانماحمۇت تورايعىروۆ ايتقانداي:  "قاراڭعى  قازاقتىڭ كوگىنە ورمەلەپ شىعىپ، كۇن بولۋعا تىرىسامىن.

توقسان اۋىز ءسوزىمنىڭ توبىقتاي ءتۇيىنىن تۇيەر بولسام: «شابىتىندى شارىقتات، سوندا عالام سەن ءۇشىن بۇرىن قامال تۇرعان جەرلەردەن جول اشادى»  دەپ دانالارىمىز ايتقانداي  مەن ءوزىم ۇناتقان ماماندىقتى  يەسىمىن. ەندى وسى ماماندىعىممەن باقىتتىمىن!

 

---