تۇراقتى دامۋ جۋرناليستيكاسى - دۋالدى وقىتۋ جۇيەسىن تالاپ ەتەدى
ءال-فارابي اتىنداعى قازاق ۇلتتىق ۋنيۆەرسيتەتىندە «تۇراقتى دامۋ ماقساتىنداعى حالىقارالىق جۋرناليستيكانى وقىتۋ مودەلدەرى» تاقىرىبىمەن وتكىزىلگەن حالىقارالىق كونفەرەنسيادا ب ا ق وكىلدەرى، حالىقارالىق ۇيىمدار مەن عالىمدار وتاندىق جانە الەمدىك جۋرناليستيكانىڭ دامۋ ۇردىستەرىن جانە تاياۋ بولاشاعىن تالقىلادى.
اتالعان كونفەرەنسيا IV حالىقارالىق فارابي وقۋلارى جانە بۇۇ اكادەميالىق ىقپال حاب باعدارلاماسىنىڭ اياسىندا الماتىداعى يۋنەسكو كلاستەرلىك بيۋروسىنىڭ قولداۋىمەن جۋرناليستيكا فاكۋلتەتىندە بيىل ەكىنشى رەت وتكىزىلىپ وتىر. كونفەرەنسياعا قاتىسقان ەقىۇ، «ءادىل ءسوز» حالىقارالىق ءسوز بوستاندىعىن قورعاۋ ۇيىمى، "MediaNet" حالىقارالىق جۋرناليستيكا ورتالىعى، «تۇركى تىلدەس جۋرناليستەر قورى» قق، «مىنبەر» جۋرناليستەردى قولداۋ ورتالىعى وكىلدەرى قازاقستانداعى جۋرناليستىك ءبىلىم بەرۋدىڭ ماڭىزدى ماسەلەلەرىن، تۇراقتى دامۋ ماقساتىنداعى مىندەتتەرىن ايقىنداۋعا تىرىستى. تۇراقتى دامۋ سالاسىنداعى 17 ماقساتتىڭ ءتورتىنشىسى ءارى باسىم باعىتتاردىڭ ءبىرى رەتىندە بەلگىلەنگەن ساپالى ءبىلىم بەرۋ باعىتى جيىننىڭ نەگىزگى وزەگىنە اينالدى.
قازىرگىدەي ساندىق، مۋلتيمەديالىق ينتەراكتيۆتى كوممۋنيكاسيالىق تەحنولوگيالار داۋىرىندە حالىقارالىق دەڭگەيدە جۋرناليستەر دايىنداۋ، وقۋ باعدارلامالارىنىڭ ساپاسى اسا وزەكتى ماسەلەگە اينالدى. تۇراقتى دامۋ ماقساتىنداعى جۋرناليستيكا وبەكتيۆتى، تولىققاندى، جان-جاقتى اقپارات بەرۋمەن قاتار، ەكولوگيا، تەڭسىزدىكتى قىسقارتۋ، كليمات وزگەرىسى، قورشاعان ورتا ت.ب. ماسەلەلەردى جۋرناليستەردەن ءوز دەڭگەيىندە، ساۋاتتى جازۋدى قاجەت ەتسە، اقپارات الماسۋدىڭ جاڭا ادىس-تاسىلدەرى دامىپ، جاڭا مەديانىڭ ەل ومىرىنە دەندەي ەنۋى اقپارات بەرۋشىدەن ساپالى كونتەنت ءتۇزۋدى تالاپ ەتەدى. تەلەكوممۋنيكاسيالىق، كومپيۋتەرلىك جانە حابار تاراتۋ تەحنولوگيالارىنىڭ ءوزارا قىزمەتى كوممۋنيكاسيالىق ورتانى جەتىلدىردى.
قازاق ۇلتتىق ۋنيۆەرسيتەتى قىزمەتىنىڭ باسىم باعىتتارى رەتىندە ءبىلىم بەرۋ قىزمەتىنىڭ ساپاسىن ارتتىرۋ، عىلىمي-زەرتتەۋ جانە يننوۆاسيالىق قىزمەتتى دامىتۋ، جاڭا اقپاراتتىق تەحنولوگيالاردى ەنگىزۋ انىقتالدى. STEMء-بىلىم بەرۋ جاڭا تەحنولوگياسى ەنگىزىلدى. الەمدەگى باسەكەگە قابىلەتتى جەتەكشى جوو ءبىلىم بەرۋ باعدارلامالارىنا سايكەس وقۋ باعدارلامالارىن جەتىلدىرۋدى ماقسات ەتەدى. دۋالدى وقىتۋ، ياعني، ءبىلىم مەن ءوندىرىستىڭ ءتيىمدى ىقپالداسۋى، وقۋ باعدارلامالارىن تۇزۋدە جۇمىس بەرۋشىلەردىڭ تالاپ-تىلەگىن ەسكەرۋ اتالعان باسىم باعىتتاردىڭ وزەگىن قۇرايدى.
"قازاق گازەتتەرى" ج ش س باس ديرەكتورى، رەداكتورلار كەڭەسىنىڭ ءتوراعاسى ج. كەنجالين قۇرىلعانىنا 20 جىلدان استام ۋاقىت بولعان يۋنەسكو، حالىقارالىق جۋرناليستيكا جانە قوعامدىق مەديا كافەدراسىنىڭ وقۋ ۇدەرىسىن ۇيىمداستىرۋداعى، يننوۆاسيالىق تەحنولوگيالاردى ءبىلىم بەرۋ ىسىندە قولدانۋداعى اياق الىسىن باعالاي كەلىپ، كونفەرەنسيا جۇمىسىنا ساتتىلىك تىلەدى. حالىقارالىق جۋرناليستيكا ماسەلەسىنىڭ قازاق توپىراعىندا كەشە نەمەسە بۇگىن عانا كوتەرىلمەگەندىگىن، قازاق تىلىندەگى تۇڭعىش گازەتتەردە ("تۇركىستان ءۋالاياتىنىڭ گازەتى، "دالا ءۋالاياتىنىڭ گازەتى") سونداي-اق "قازاق" گازەتى، "ايقاپ" جۋرنالدارىندا قوزعالىپ، جۋرناليست بابالارىمىزدىڭ عالامدىق ماسەلەلەردى كوتەرىپ، تالقىلاعانىن اتاپ ءوتتى. "قازاق گازەتتەرىنىڭ" جۋرناليستەردى باپتاپ، تاربيەلەۋگە قوسقان ۇلەسىن ايتا كەلىپ، "اقيقات"، "مىسل" جۋرنالدارىندا جۋرناليستىك ءبىلىم بەرۋ ساپاسى ماسەلەلەرىنىڭ ءجيى جازىلاتىندىعىنا توقتالدى، ستۋدەنتتەردىڭ لابوراتوريالىق جۇمىستارىن وسى جۋرنالدار بازاسىندا وتكىزسەك دەگەن تىلەگىن ءبىلدىردى.
"قازاقستان 2050" ستراتەگياسى، "نۇرلى جول" مەملەكەتتىك باعدارلاماسى، 5 ينستيتۋسيونالدىق رەفورماسى ق ر بۇۇ قىزمەتىنىڭ "دامۋ ماقساتىنداعى ارىپتەستىك" (PFD) 2020 جىلعا دەيىن جۇزەگە اسىرىلاتىن باعدارلاماسىندا كورىنىس تاپتى. قازۇۋ اكادەميالىق ىقپال باعدارلاماسى بويىنشا تۇراقتى دامۋ سالاسىندا UNAI-حاب بولا وتىرىپ، كوشباسشى رەتىندە تانىلدى جانە قازاقستانداعى 20 جوو جۇمىسىن ۇيلەستىرەدى، الەمدەگى 3500 جوو-مەن بايلانىس جاسايدى"، - دەي كەلە، الماتى ق. يۋنەسكو كلاستەرلىك بيۋروسىنىڭ كوممۋنيكاسيا جانە اقپارات باعدارلاماسىنىڭ مامانى س. كارپوۆ تۇراقتى دامۋ ماقساتىنداعى ب ا ق قىزمەتىنە، پىكىر ەركىندىگىنە، كوممۋنيكاسيا سيپاتىنا توقتالىپ، بەيبىتشىلىككە نەگىزدەلگەن 16-شى باعىتىنا باسا كوڭىل ءبولدى. ب ا ق دامۋى سالاسىنداعى جاڭا جوبالارعا ەرەكشە توقتالدى. 3-مامىر دۇنيەجۇزىلىك باسپا ءسوز بوستاندىعى كۇنىنە وراي ۇيىمداستىرىلاتىن شارانىڭ وسى كونفەرەنسيادان باستاۋ الىپ وتىرعاندىعىن ايتا كەلىپ، ۇلتتىق ۋنيۆەرسيەتتىڭ اكادەميالىق ىقپال ەتۋدەگى ءرولىن اتادى.
استاناداعى ەقىۇ كەڭەسى باعدارلاماسىنىڭ ساياسي ماسەلەلەر جانە ب ا ق بويىنشا ۇلتتىق ۇيلەستىرۋشىسى م. دۋبوۆيسكايا جۋرناليستەردىڭ قۇقىقتىق ساۋاتتىلىعىن، ءبىلىم بەرۋ ادىستەرىن ۇنەمى جەتىلدىرۋ قاجەتتىلىگىن تىلگە تيەك ەتتى، قازاق تىلىنە اۋدارىلعان وقۋ باعدارلاماسىنىڭ ماڭىزىنا توقتالدى.
"قازىرگى تاڭدا ەرتەڭگى ەل باسقاراتىن جاستاردىڭ ساناسىن بلوگەرلەر قالىپتاستىرۋدا. ءبىز بىلەتىن وتاندىق بلوگەردىڭ 11 ميلليون جازىلۋشىسى بار. اقپاراتتىق ورتادا ماڭىزدى اقپارات بەرىپ، باسەكەگە توتەپ بەرۋگە قابىلەتتى بولۋىمىز كەرەك"، - دەدى "MediaNet" حالىقارالىق جۋرناليستيكا ورتالىعىنىڭ ديرەكتورى ا. جاليلوۆ.
«ءادىل ءسوز» حالىقارالىق ءسوز بوستاندىعىن قورعاۋ ۇيىمى قۇقىقتىق ساۋاتتىلىق بويىنشا جۋرناليستەردىڭ ءبىلىمىن جەتىلدىرۋمەن اينالىسىپ كەلەدى. اتالعان ۇيىمنىڭ ساراپشىسى ع. اجەنوۆا ب ا ق تۋرالى زاڭداعى جۋرناليستەردىڭ جۇمىسىن ەداۋىر قيىنداتاتىن وزگەرىستەرگە الاڭداۋشىلىق ءبىلدىردى.
جيىنعا قاتىسقان ن. جويامەرگەن قىزى («تۇركى تىلدەس جۋرناليستەر قورى») ، ب. اشىربايەۆ («زاڭ» گازەتى)، ج. ءابدىلدا («ۇلان» گازەتى)، ز.جۇمانوۆا («مەكتەپ مەرەيى" جۋرنالى)، ب. قابدولدانوۆا («گۇلستان» جۋرنالى) ت.ب. قازاق جۋرناليستەرىنىڭ حالىقارالىق دەڭگەيدە جۇمىس ىستەۋى، حالىقارالىق دەڭگەيدەگى شارالارعا قاتىسۋى، جاڭا مەديانىڭ مۇمكىندىكتەرىن پايدالانۋ، جۋرناليستىك ەتيكا، ادامي قۇندىلىقتاردى ەسكەرۋ ماسەلەلەرىن قوزعادى. بۇگىنگى زامان تالابى تەك جازۋ، اقپارات تاراتۋمەن شەكتەلمەيتىندىگىن، قازىرگى زاماناۋي قۇرالداردى مەڭگەرۋدىڭ قاجەتتىلىگىنە، سالالىق جۋرناليستيكانىڭ رولىنە توقتالدى.
قات-قابات جۇمىستارىمەن جيىن سوڭىندا ۇلگەرىپ كەلگەن يۋنەسكو كلاستەرلىك بيۋروسىنىڭ ديرەكتورى جانە قازاقستان، قىرعىزستان، تاجىكستانداعى يۋنەسكو ءتوراعاسى كريستا پيكاتت كونفەرەنسيا قاتىسۋشىلارىنا سەرتيفيكاتتار تاپسىردى.
ءتورت ساعاتقا سوزىلعان حالىقارالىق كونفەرەنسيانىڭ پلاتفورماسى جۋرناليستىك ءبىلىم بەرۋدەگى وزەكتى ماسەلەلەردى ايقىنداپ، شەشىلۋ جولدارىن ۇسىنۋعا، پىكىر الماسۋعا مۇمكىندىك بەردى. قىزۋ پىكىرتالاس ءوربىتتى. بارلىق پىكىر ءبىر ارناعا توعىستى. جۋرناليستىك ءبىلىم بەرۋدە جوعارى وقۋ ورىندارى مەن پراكتيك مامانداردىڭ بەرىك وداعى كاسىبي قۇزىرەتتىلىكتەردى قالىپتاستىرۋعا نەگىز بولارى داۋسىز.
You Might Also Like
-
2016 جىلى قازاقستاندا مەكتەپتەردەگى ورىن تاپشىلىعى 55 مىڭنان اسىپ ءتۇستى، دەپ حابارلايدى finprom.kz.
