مەنىڭ العاشقى ۇستازىم
ءبىلىمنىڭ جيناي بىلسەك بۇگىن ءنارىن،
ۇستازدىڭ ەڭبەگى دەپ ۇعىنعانىم.
العاشقى ۇستاز، ءبىر ءسىزدىڭ ارقاڭىزدا،
بۇل كۇندە شارلاي الساق ءبىلىم باعىن.عابيدەن قوجاحمەت
ۇستاز –دەگەن ۇلاعاتتى ءسوز. «ۇستاز» سوزىندە قانشاما ماعىنا، قۇدىرەتتى كۇش،قاسيەتتى ۇعىم جاتىر. ومىردە ءوز اناڭنان كەيىنگى ءقادىرلى تاعى ءبىر ادام بولسا، ول-العاشقى ۇستاز.ۇستاز ء-بىزدىڭ ەكىنشى انامىز.ءار بالانىڭ سۇيىكتى ۇستازى بولادى.مەنىڭ العاشقى دا سۇيىكتى ۇستازىم- ماليكا باقتيار قىزى.
ەڭ العاش بۇل ءسوزدى مەكتەپ تابالدىرىعىن اتتاعان كەزىمدە ۇيرەندىم.مەنىڭ ۇستازىم قولىمنان جەتەكتەپ سىنىپقا كىرگىزدى.
ەسىمدە الىپپەنى جاتتاتقىزىپ،
ەڭ العاش قولعا قالام ۇستاتقانىڭ،-دەپ ولەڭ سوزدەرىندە جازىلعانداي ماليكا اپايدىڭ ماعان الىپپە مەن قالامدى العاش ۇستاتىپ،كۇلىمسىرەپ وقۋشى اتانعانىمىزبەن بايىپتىلىقپەن قۇتتىقتاعانى ءالى ەسىمدە. ماليكا باقتيار قىزى ەڭ العاش ماعان پارتاعا وتىرۋدان باستاپ، الىپپە وقۋلىعىن قولىما ۇستاتىپ، ءارىپ تاني ءبىلۋدى ۇيرەتتى.سونداي-اق ءان ايتۋدى، دۇنيەنى تانىپ ءبىلۋدى، ەسەپ شىعارۋدى ۇيرەتتى. ءومىردىڭ قىر-سىرىن بىلۋگە،سان قيلى قۇبىلىستاردى تەرەڭ تۇسىنۋگە، ادامگەرشىلىككە باۋلىدى.
مەنىڭ ۇستازىم وتە كورىكتى،اقىلدى، مەيىرىمدى. ول- كەرەمەت ءمۇعالىم.مەن اپايىمدى جاقسى كورەمىن، ونىڭ ايتقانىن مۇقيات تىڭدايمىن، رەنجىتپەۋگە تىرىسامىن.ۇستازىمىز بىزگە ەشقاشان داۋىس كوتەرىپ سويلەمەيدى.قانشا قاتەلىك جىبەرسەك تە شىدامدىلىقپەن، ىجداعاتپەن ۇيرەتەدى.ءبىز تۇسىنبەگەنىمىزدى سۇرايمىز. ءبارىمىزدى ءوز بالاسىنداي كورىپ،اقىل ايتادى. بارلىعىمىز بىردەي «اپايلاعاندا» ۇستازىمىزدىڭ مەيىرىمدى جىميىسىن ۇمىتۋ مۇمكىن ەمەس. ۇستازىم- كۇلىمدەگەن، كۇنىم دەگەن، جۇرەگىمىزگە بولاشاققا ماقسات قويا بىلۋگە سەنىم ۇيالاتقان زور تۇلعا.
ۇستازىمىز، ماليكا اپايىمىز ءبىز قۋانساق،قۋانىپ، ال قايعىرساق قايعىرادى.مەن ءۇشىن ماليكا اپايدىڭ بەينەسى –ادامگەرشىلىكتىڭ ەڭ جوعارى ۇلگىسى.شاكىرتتەرىنىڭ سۇيىسپەنشىلىگىنە بولەنگەن ۇستازىمىزعا، ەكىنشى انامىزداي بولىپ كەتكەن ماليكا باقتيارقىزىنا العىسىم شەكسىز.ۇستازىمىزدىڭ ەڭبەگى زور.ماليكا باقتيار قىزى، سىزگە زور دەنساۋلىق،ەڭبەگىڭىزگە شىعارماشىلىق تابىس تىلەيمىن.ءوز شىعارمامدى عابيدەن قوجاحمەتتىڭ مىنا تاماشا ولەڭ جولدارىمەن اياقتايمىن:
ورنىعىپ سىزدەن ۇلگى ساناعا نىق،
سول ءتالىم بويدان جولىن تابادى انىق.
قانداي ءبىر قۇرمەتكە دە لايىقسىز،
جاتسا ەگەر ەڭبەگىڭىز باعالانىپ.
ءبۇلدىرشىن تاربيەسى - تابىسىڭىز،
بۇگىن دە قارىزدارمىز ءبارى ءۇشىن ءبىز.
شاكىرتتەن العىس الىپ قاشاندا دا،
جەمىستى بولا بەرسىن ءار ءىسىڭىز!
شىمكەنت قالاسى №3 جوببم
6 «د» سىنىپ وقۋشىسى گايبۋللايەۆ دياربەك
You Might Also Like
-
ەرتەدە اتى جالپاق الەمگە ايگىلى تارحان دەگەن پاتشا قارتايىپ، توسەك تارتىپ جاتىپ، قاسىنا بارلىق ءۋازىرلەرىن جينايدى.
