InfoHub Logo

ساباقتىڭ تاقىرىبى: مەنىڭ دوستارىم
ساباقتىڭ ماقساتى: بالانىڭ ءوزىن - ءوزى تانۋىنا، دوستارىن باعالاۋعا، قۇرمەتتەۋگە ۇيرەتۋ، دوسىنىڭ ايتقانىن اياعىنا دەيىن تىڭداۋعا، كەز كەلگەن ۋاقىتتا كومەكتەسە بىلۋگە تاربيەلەۋ. ويىندار ارقىلى ەستە ساقتاۋ، ويلاۋ قابىلەتىن، سوزدىك قورىن دامىتۋ.
كورنەكىلىكتەر: سۋرەتتەر، شارلار، گۇلدەر، جۇمساق ويىنشىقتار، كىرپىشتەر (سۋرەت جاپسىرىلعان)، بەتپەردە (يت)، كەسپە ارىپتەر، اينا، ءتۇرى - ءتۇستى بوياۋلار، ديداكتيكالىق، قيسىندى ويىندار.
ءادىس – تاسىلدەرى: ءتۇسىندىرۋ، كورسەتۋ، سۇراق – جاۋاپ، ءار ءت ۇلى ويىندار، توسىن ءسات، پسيحولوگيالىق جاتتىعۋ، سيقىرلى حات، جۇمباقتار، ماقال - ماتەلدەر، تاقپاقتار، سەرگىتۋ ءسات، ساحنالاۋ.
ساباقتىڭ بارىسى: ۇيىمداستىرۋ. شاتتىق شەڭبەرى.
بالالار: ارمىسىڭ شۇعىلالى نۇرلى كۇن!
ارمىسىڭ مەيىرىمدى جەر – انا!
سالەمەتسىزدەر مە قوناقتار.
ءبارىمىز كۇندەي جارقىرايىق!
ءبارىمىز تاتۋ – ءتاتتى بولايىق!

تاربيەشى: بالالار بۇگىنگى ساباقتىڭ تاقىرىبى «مەنىڭ دوستارىم» - دەپ اتالادى.
دوس، دوستىق دەگەنىمىز ادامدار اراسىندىعى جاقسى قارىم - قاتىناستى، ءبىر - بىرىنە دەگەن سۇيىسپەنشىلىك، جاناشىرلىق سەزىمىن ايتامىز.
دوستار ءبىر - ءبىرىن رەنجىتپەيدى، كەرىسىنشە ناعىز دوستار ءبىر - ءبىرىن قۇرمەتتەيدى، سىيلايدى، كەشىرىمدى بولادى.
دوستىق سەزىم تەك قانا ادامدار اراسىندا ەمەس، ەل مەن ەلدىڭ اراسىندا دا بولادى. مىسالى ءبىزدىڭ قازاقستان رەسپۋبليكاسى باسقا مەملەكەتتەرمەن دوستىق قارىم - قاتىناستا. بالالار سەندەر دە ءبىر - بىرلەرىڭدى رەنجىتپەي تاتۋ - ءتاتتى ويناساڭدار، ءبىر - بىرىڭە سىيلى بولىڭدار، سەندەردە دە دوستىق سەزىم پايدا بولادى.
تاڭعاجايىپ ءسات: (وسى كەزەڭدە توپقا ەسىكتى قاعىپ دىمبىلمەس كىرىپ كەلەدى)
تاربيەشى: بالالار قاراڭدار بىزگە قوناق كەلىپتى. بۇل كىم بولدى ەكەن؟
بالالار: دىمبىلمەس.
تاربيەشى: دىمبىلمەس سەن نەگە ەسىكتى قاتتى قاقتىڭ؟. سەنى بىرەۋ رەنجىتتى مە؟
دىمبىلمەس: مەنىمەن ەشكىم سويلەسپەيدى، وينامايدى، ەشكىم دوس بولمايدى. (دىمبىلمەس جىلايدى).
تاربيەشى: بالالار قالاي ويلايسىڭدار. دىمبىلمەسپەن نەگە ەشكىم دوس بولمايدى؟
بالالار: ول بالالاردى ۇرادى، مازاق ەتەدى، جامان سوزدەر ايتادى.
تاربيەشى: بالالار دۇرىس ايتادى. وسىنداي جامان قىلىقتارىڭ ءۇشىن ەشكىم دوس بولمايدى. سەن جاڭا بالالارمەن امانداسقان جوقسىڭ عوي.
دىمبىلمەس: مەن سالەمدەسۋدى بىلمەيمىن. ماعان ونى ەشكىم ۇيرەتكەن جوق.
تاربيەشى: بالالار دوستىق سالەمدەسۋدەن باستالادى. قانەكەي ءبىز دىمبىلمەستى سالەمدەسۋگە ۇيرەتەيىك.

ويىن: «سالەمدەسۋ»
بالالار ەكى - ءۇش جۇپتان ءبىر - بىرىنە قاراپ، ءار ءتۇرلى ەلدىڭ، ادامداردىڭ سالەمدەسۋ ءراسىمىن كورسەتەدى.
راحىم: - اسسالاۋماعالەيكۋم.
ەرداۋلەت: - الەكۋماسسالام.
زارينا: - زدراۆستۆۋيتە.
نازيرا: - زدراۆستۆۋيتە.
ەراسىل: جۇرەگىنىڭ تۇسىنا قولىن قويىپ يىلەدى.
تاربيەشى: راحمەت بالالار.
وتە جاقسى بالالار، دوستار ءبىر - بىرىمەن قالاي تانىسادى، امانداسادى.
مەنىڭ اتىم ارينا، سالەم!
سالەم، مەنىڭ اتىم گۇلناز.
دىمبىلمەس: و، قانداي كەرەمەت!. مەن سەندەردەن تانىسۋدى، دوس بولۋدى ۇيرەندىم. ەندى دوستارىما بارىپ، وسىنىڭ ءبارىن كورسەتەمىن. راحمەت بالالار.
تاربيەشى: دىمبىلمەس بالالارمەن بىرگە ويىنىن كورىڭىز، ساباققا قاتىسىڭىز.

سەرگىتۋ ءساتى: «شاڭىراق»
بالالار: كوتەرىلىپ شاڭىراق،
ۋىقتارى شانشىلار.
كەرەگەلەر كەرىلىپ،
ورىمدەي بوپ ورىلەر.
ءبارىمىز جۇرسەك اينالىپ،
كيىز ءۇي بوپ كورىنەر.
تاربيەشى: بالالار ءبىز بۇگىن دوستىق تۋرالى اڭگىمە ايتىپ وتىرمىز. بالالار ۇستەلدىڭ ۇستىندە كىرپىشتەر قويىلعان، كىرپىشتەردىڭ ىشىندە سيقىرلى ءسوز جازىلعان سول ءسوزدى تابۋىمىز كەرەك. ونى تابۋىمىز ءۇشىن مەن سەندەرگە جۇمباق جاسىرامىن. سەندەر جۇمباقتى شەشسەڭدەر بارلىق ارىپتەر اشىلادى.
سول اياقپەن – وڭ اياق،
كەزەك ونى تەبەدى،
ول تىنىمسىز دومالاپ،
زىر جۇگىرە بەرەدى.
(دوپ)
تاربيەشى: دوپ سوزىندە ءبىرىنشى قانداي دىبىس ەستىلىپ تۇر؟
بالالار: د – دىبىسى. (د - دى دىبىسى اشىلادى)
اجەم كورپە تىگەدى،
بەتىنە ورنەك سالادى.
(ويۋ) (و - دى دىبىسى اشىلادى)

سىرت - سىرت ەتەدى،
ۋاقىت وتەدى.
(ساعات) (س - دىبىسى اشىلادى)
اق كويلەكتى كوك جەلەك،
ورماندا ورنى ءبىر بولەك.
(تال) (ت - دىبىسى اشىلادى)

كەسە، شىنى، پيالا،
ونسىز ءشاي قۇياما؟
قاسىقسىز تاماق ىشپەيمىز،
ونىڭ ءبارىن نە دەيمىز.
(ىدىستار) (ى - دىبىسى اشىلادى)

ءىشى جۇمساق، سىرتى قاتتى،
ەتى قىزىل، ءسۇتى ءتاتتى.
(قاربىز) (ق - دىبىسى اشىلادى)

تاربيەشى: بالالار قاراڭدارشى قانداي سيقىرلى ءسوز شىقتى.
بالالارمەن بىرگە وقيمىز د و س ت ى ق.
تاربيەشى: - دوستىق دەگەنىمىز نە؟
- سەنىڭ دوسىڭ كىم؟
- سەن كىممەن دوس بولعىڭ كەلەدى؟
بالالار جەكە - جەكە سۇراققا جاۋاپ بەرەدى.
تاربيەشى: بالالار وتكەن ساباقتا «ادال دوس» اڭگىمەسىن سەندەرگە اڭگىمەلەپ بەردىم. ەندى وسى اڭگىمەنى وزدەرىڭ ساحنالاپ كورىنىس كورسەتەسىڭدەر.
«ادال دوس»، اڭگىمەسىن بالالار ساحنالايدى.
تاربيەشى: راحمەت بالالار ناعىز دوستار وسىنداي بولادى.
تاربيەشى: بالالار بىزگە سيقىرلى حات كەلىپتى. قانە اشىپ وقىپ كورەيىك. بۇل حاتتا سۇراقتار، دوستىققا بايلانىستى سيقىرلى سوزدەر جازىلعان.

1 - ءشى سۇراق: بالالار سەندەر دوستىق تۋرالى تاقپاق بىلەسىڭدەر مە؟
زارينا: دوس دەگەنىڭ ومىردەگى تىرەگىڭ،
دوس دەگەنىڭ كەۋدەدەگى جۇرەگىڭ.
ەگەر دوسىڭ ادال نيەت جان بولسا،
ورىندالار ارمانداعان تىلەگىڭ!.
ەراسىل: بالدىرعان بالامىز،
دوستى كوپ تابامىز.
قاشان دا، قايدا دا،
سەنىمدى بولامىز.
اليبەك: بالدىرعان بالالار،
دوستى باعالار.
ەسىڭدە ساقتا،
ادال بول، شىنشىل بول،
وتىرىك ايتپا، سوزىڭنەن قايتپا.

2 - ءشى سۇراق: دوستىق تۋرالى ماقال - ماتەلدەر ايتىپ كورەيىك.
نازيرا: دوسى كوپتى جاۋ المايدى،
اقىلى كوپتى داۋ المايدى.
راحىم: جاقسى دوس جانعا – سەرىك،
جامان دوس – مالعا سەرىك.
ەرداۋلەت: جولداسى باردىڭ ولجاسى بار.
سالتانات: ءجۇز تەڭگەڭ بولعانشا، ءجۇز دوسىڭ بولسىن.

ويىن: «مەنىڭ ايتۋىم بويىنشا».
ويىن شارتى: بالالار مەن ءبىر بالانى سۋرەتتەپ ايتامىن، سەندەر سول بالانى تابۋلارىڭ قاجەت (ول كىم؟) 2 – 3 بالانى سۋرەتتەپ ايتۋ.
تاربيەشى: بالالار ەندى ءارى قاراي ويىنىمىزدى جالعاستىرامىز. «ايناعا قاراشى».
ايناعا قاراپ كوڭىلسىز ادامداردى كورسەتەمىز، ەندى كۇلىپ كوڭىلدى، قۋانامىز، ويلانىپ وتىرامىز. جاقسى، ەندى كوڭىل كۇيلەرىڭدى الدارىڭداعى شارعا بەينەلەڭدەر. ول ءۇشىن مىنا سۋرەتكە قاراڭدارشى.
تاربيەشى: مىناۋ قانداي ادام؟
بالالار: كوڭىلدى ادام. (كوڭىلسىز ادام)
تاربيەشى: بالالار ەگەر سەندەرگە ساباق ۇناسا كوڭىلدى ادامدى، ۇناماسا كوڭىلسىز ادامدى بەينەلەيسىڭدەر.
ءبارىڭ شارلارىڭدى سول قولدارىڭا الىپ ۇستاپ وتىرىڭدار، وڭ قولدارىڭمەن ماركەرمەن سۋرەتتى قاتتى باسپاي سالىڭدار. ەندى جۇمىسقا كىرىسىڭدەر، ءار بالانىڭ قاسىنا بارىپ باعىت بەرۋ.
تاربيەشى: سۋرەت سالىپ بولساڭدار - اسەم شارلارىڭدى قولدارىڭا ۇستاڭدار. بالالار سەندەر قانداي ادامنىڭ كەلبەتىن سالدىڭدار.
- بالالار كەزەكپەن جاۋاپ بەرەدى
- كۇلىپ تۇر، كوڭىلدى تۇر، اشۋلى.
تاربيەشى: بالالار شارلارىمىزدى جوعارى ۇستاپ، كۇن شۋاعىنىڭ اينالاسىنا تۇرىپ، تىلەكتەرىن ايتادى.
- دەنىڭ ساۋ بولسىن!.
- ءاردايىم كۇلىپ جۇرەيىك!.
- ءارقاشان كۇن سونبەسىن!.
- ەلىمىزدە تىنىشتىق بولسىن!.
- دوسىمىز كوپ بولسىن!.

تاربيەشى: بالالار ەندى ساباقتان العان جاقسى كوڭىل كۇيلەرىمىزبەن قولىمىزداعى شارىمىزدى قوناقتارعا سىيلايمىز.
بالالار ءان اۋەنىمەن شارلارىن اتا - انالارىنا، تاربيەشىلەرگە سىيلايدى.
ساباقتى قورىتىندىلاۋ. «ءوزىڭ جاقسى بولساڭ دوسىڭ دا كوپ بولادى».
«جولداسى كوپتىڭ ولجاسى كوپ» دەگەن وسىدان شىققان، ءبارىمىز دوس بولىپ، قۋانىشىمىزدى بىرگە بولىسەيىك.
بالالار كەلگەن قوناقتارمەن قوشتاسادى