مەنىڭ ەلىم - ماڭگىلىك ەل!
ءاربىر ادام ءۇشىن ەڭ اسىل قازىنا- وتانىن، تۋعان ەلىن ءسۇيۋ. حالىق باتىرى باۋىرجان مومىش ۇلى بىلاي دەگەن ەكەن: «ءبىزدىڭ تاريحىمىز باتىرعا باي تاريح، حالقىمىز باتىرلىقتى بيىك دارىپتەپ، ازاماتتىق پەن كىسىلىكتىڭ سيمۆولى، ۇلگىسى ساناعان. باتىرلىق ، ەرلىك دەگەن ۇرپاقتان ۇرپاققا اتا ءداستۇر بولىپ قالا بەرمەك. وتكەنىن بىلمەگەن، ءتالىم — تاربيە، عيبرات الماعان حالىقتىڭ ۇرپاعى — تۇل، كەلەشەگى تۇرلاۋسىز. ءبىزدىڭ قازاق حالقى — باتىر حالىق».
ەلىمىزدە كوپتەگەن ۇلت وكىلدەرى تۇرادى.ولار ءوزارا ءتاتۋ-تاتتى ءومىر سۇرۋدە.ەلىمىزدەگى ىنتىماق پەن بىرلىك ماقتان ەتۋگە تۇرارلىقتاي.ىنتىماق بار جەردە باقىت بار.ءبىز باقىتتىمىز.قازاقستان رەسپۋبليكاسى – ءوزىنىڭ تاۋەلسىز مەملەكەت ەكەندىگىن بۇكىل الەمگە دالەلدەدى. ەندى باستى مىندەت – وسى مەملەكەتتىڭ وركەندەپ ءوسۋى.
مىنا التىن كۇن الاۋلاعان زەڭگىر اسپاننىڭ اياسىندا باياۋ قالىقتاعان دالا بۇركىتى-قازاقتىڭ قىران كوڭىلىن، دارقان، ءبىتىمشىل بەيبىت كوڭىلىن شىرقاۋ بيىككە الىپ شىققانداي.مازمۇنىنا ورنەگى جاراسقان تاۋەلسىزدىكتىڭ قاسيەتتى تۋى ماڭگى جەلبىرەسىن، كۇنىمىز ماڭگى سونبەسىن! قازاق ءومىرىنىڭ ۇلى بەلگىسى-شاڭىراقتان تاراعان تاڭ شاپاعىنداي ۋىقتار اياسىنداعى اي ءمۇيىزدى، التىن قاناتتى عاجايىپ پىراقتار حالقىمىزدىڭ بولاشاققا ۇمتىلعان اسقاق ارماننىڭ بەينەسىندەي بولىپ كورىنەدى.قوس پىراقتىڭ ورتاق شاڭىراقتى قاناتىمەن قورعاپ تۇرعانى دا كوپ وي سالادى.ەلتاڭبادا ۇلى يدەيا-ەركىندىك يدەياسى ءبىزدىڭ ەسىمىزگە قازاقتىڭ: «وتان ءۇشىن كۇرەس-ەرگە تيگەن ۇلەس» دەگەن قاناتتى ءسوزىن ەسكە سالىپ تۇراتىن بولسىن»،-دەگەن.
تاۋەلسىزدىككە قول جەتكىزگەن ساتتەن باستاپ، ءوز ەلىن جارقىن بولاشاققا جەتەلەگەن العاشقى كوشباسشىمىز نۇرسۇلتان نازاربايەۆ. قازاق ەلى از ۋاقىت ىشىندە تاريحتا بۇرىن-سوڭدى بولماعان تابىستارعا قول جەتكىزدى. بۇگىنگى قازاقستاننىڭ باستى ماقساتى - ەكونوميكانى دامىتۋ، ەڭ دامىعان 30 ەلدىڭ قاتارىنان كورىنۋ، ماڭگىلىك قازاقستان جوباسى وسى ماقساتقا جەتكىزەتىن ۇلى باستاما. ماڭگىلىك ەل بولۋ- ءبىزدىڭ ءوز قولىمىزدا. ول ءۇشىن ءوزىمىزدى ۇنەمى قامشىلاپ ۇدايى العا ۇمتىلۋىمىز كەرەك. بايلىعىمىز دا، باقىتىمىز دا بولعان ماڭگىلىك تاۋەلسىزدىگىمىزدى كوزدىڭ قاراشىعىنداي ساقتاي ءبىلۋىمىز كەرەك. ماڭگىلىك ءسوزى اتا- بابالاردان كەلە جاتقان ماڭگى ولمەيتىن اسىل قازىنا. ول انا تىلمەن دە تىعىز بايلانىستى. انا ءتىلىمىز ماڭگىلىك ەلىمىزبەن بىرگە ماڭگىلىك ءتىل بولادى. ەلىمىزدىڭ ەرتەڭى - جاستاردىڭ قولىندا.ولاي بولسا ماڭگىلىك ەلدىڭ ونىمەن قاتار جاساپ بىرگە دامىعان ماڭگىلىك ءتىلى بولۋى دا شارت. بىلىكتى مىڭدى جىعار دەگەندى ءومىردىڭ ءوزى دالەلدەۋدە. سوندىقتان دا وركەنيەتتى ەلدەردىڭ قاتارىنا ەنۋ ءۇشىن ساپالى ءبىلىم الىپ، ونى ەل مۇراتىنا پايدالانا ءبىلۋىمىز كەرەك. بۇل ءبىزدىڭ، ياعني، وقۋشىلاردىڭ الدىنا قويعان ماقساتى. ولاي بولسا انا ءتىلىمىزدى دە ماڭگىلىك ءتىل ەتۋ - ءوز قولىمىزدا. سوندىقتان دا رۋحى بيىك ەل بولايىق! ەلدىگىمىز بەن تۋعان ءتىلىمىز ماڭگىلىك جاساي بەرسىن.
اقتوبە وبلىسى، حرومتاۋ اۋدانى
تاسوتكەل ورتا مەكتەبىنىڭ 9 سىنىپ وقۋشىسى
اسان اياجان
You Might Also Like
-
كوكتەمدە ۇشىپ كەلىپ، كۇز تۇسە جىلى جاققا قايتاتىن جىل قۇستارىنىڭ ىلعي الدىن باستاپ، قارقارا تارتا ۇشىپ وتىراتىن قىزىلقان اتتى ءبىر قۇس بولىپتى دەيدى. قىزىلقان ءوزىنىڭ سوڭىنداعى مىڭ سان قۇستى نەبىر قا...
-
ءبىر جىلدارى جيرەنشەنىڭ ايەلى ولەدى. «ەل قۇلاعى ەلۋ» دەگەن ەمەس پە. پالەنشەنىڭ اۋلىندا ءبىر شالدىڭ قىزى بار، ءوزى سۇلۋ، ءوزى اقىلدى، شەشەن، تاپقىر دەگەنگە ىزدەپ شىعىپ، شالدىڭ اۋلىنا جاقىندا...
