InfoHub Logo

الماتى وبلىسى بالقاش اۋدانى
«№1 باقاناس ورتا مەكتەبى مەكتەپكە دەيىنگى شاعىن ورتالىعىمەن»
مەملەكەتتىك كوممۋنالدىق مەكەمەسى
3 «ا» سىنىپ وقۋشىسى باۋىرجان ۇلى ءاليجان

 

ءبىلىمنىڭ جولباسشىسى، شاكىرت­ءتىڭ قولباسشىسى – ۇستاز. ەلدى باسقارعان باسشىنى، ايگىلى ءانشىنى، ۇلى اقىندى، ەڭبەك سۇيگەن ەگىنشىنى دە تاربيەلەيتىن ۇستاز. ءبىلىمدى عالىمدار، ويشىل دارىندار، الىپ  باتىرلار دا وسى ۇستازدىڭ تالىمىمەن العا قاراي قادام باسىپ، تالاي بيىكتەردى باعىندىرعان.  سوندىقتان، ۇستازعا ارتىلار جاۋاپكەرشىلىك وراسان زور.

ۇستاز مەن ءۇشىن ارداقتى ەسىم. ۇستاز ءبىزدىڭ ەكىنشى انامىز. ۇستاز ءوز شاكىرتتەرىنىڭ بويىنداعى جاقسى قاسيەتتەرىن اشۋعا كوپ ەڭبەك ەتەدى. سول ۇستازداردىڭ ءبىرى ماعان ءبىلىم بەرىپ جاتقان ۇستازىم -  داريا ءجۇمادىل قىزى. ۇستازىمنىڭ ادەمىلىگى، ساباق ءتۇسىندىرۋى، كىشىپەيىلدىلىگى مەنى قاتتى قىزىقتىرادى. ول كىسى ءار ساباعىن قىزىقتى ەتىپ وتكىزەدى. ءمۇعالىمىمنىڭ بەرگەن ءبىلىمىن ىنتامەن ۇعىپ، ساناما قۇيۋعا تىرىسامىن.

ول ەشكىمگە ۇقسامايتىن ەڭبەكقور، ءبىلىمدى جانە مەيىرىمدى جان. ءبارىمىزدى ءوز بالاسىنداي كورەدى، اقىل ايتىپ وتىرادى، كوپ نارسەلەردى ۇيرەتىپ ءجۇر. ونىڭ ءاربىر ساباعى قىزىقتى دا، ساپالى بولىپ وتەدى. ومىردە ءوز اناڭنان كەيىنگى ءقادىرلى تاعى ءبىر ادام بولسا، ول — العاشقى ۇستاز. مەن العاشقى ۇستازىمدى  ماقتان تۇتامىن!

ءقازىر مەن 3-سىنىپتا وقيمىن. ءبىلىم مەن تاربيە بەرگەن ۇستازىمنان كوپ نارسە ۇيرەندىم. جەتىستىكتەرگە جەتۋىمە ۇستازىمنىڭ سىڭىرگەن ەڭبەگى زور. ول وتە اقىلدى، دارىندى، مەيىرىمدى، پاراساتتى جان. ءاربىر ءسوزى بىزدەردى ادەپتى، مەيىرىمدى بولۋعا تاربيەلەيدى. اپايىمىز ءبىزدىڭ بىلىمىمىزگە، تارتىبىمىزگە، كيىم كيىسىمىزگە، تازالىعىمىزعا قاتتى ءمان بەرەدى. بىزگە اپتا سايىن سىنىپ ساعاتتارىن، ءار مەرەكە سايىن مەرەكەلىك تاربيە ساعاتتارىن وتكىزەدى. ماعان تالىم-تاربيە بەرىپ جۇرگەن ۇستازىمىزدى اتا-انام دا قاتتى قۇرمەتتەيدى.ۇستازىما العىسىم شەكسىز. ماعان ءارقاشان قامقورشى بولىپ، ءبىلىم شىڭىنا جەتەلەيتىن – ۇستازىم. سوندىقتان، ۇستاز ەڭبەگىن زايا كەتىرمەي، ءۇمىتىن اقتاۋ – بورىشىم.

---