بۇلانتى شايقاسى
بۇلانتى–بىلەۋتى شايقاسى — 1727 جىلى ۇلىتاۋ وڭىرىندەگى بۇلانتى جانە بىلەۋتى وزەڭدەرى ارالىعىندا قازاق جاساقتارىنىڭ جوڭعار باسقىنشىلارىمەن بولعان شايقاسى. 1723–25 جىلدارى قازاق جەرىنىڭ شىعىسى مەن جەتىسۋدى، سىرداريانىڭ ورتا اعىسىنا دەيىنگى ءوڭىرىن باسىپ العان جوڭعارلار ۇلىتاۋعا قاراي بەت بۇردى. وسى ءقاۋىپتى كەزەڭدە ورداباسى جيىنىندا بىرىككەن بۇكىل قازاق قولىنىڭ باس قولباسشىلىعىنا ءابىلقايىرحان سايلاندى. بۇل جوڭعارلارعا قارسى ۇيىمداسقان شابۋىلعا شىعۋعا مۇمكىندىك تۋعىزدى. سونىڭ ناتيجەسىندە ۇلىتاۋ وڭىرىنە ەنۋدى كوزدەگەن جوڭعارلار 1726 جىلى شۇبارتەڭىز شايقاسىندا قازاق جاساقتارىنان ويسىراي جەڭىلىس تاپتى. مۇنىڭ ارتىنشا بۇلانتى مەن بىلەۋتى وزەندەرى اراسىنداعى كەڭ جازىقتا شەشۋشى ۇرىس بولدى. ول تاريحقا بۇلانتى–بىلەۋتى شايقاسى دەگەن اتپەن ەندى. وندا قازاق جاساقتارى جەڭىسكە جەتىپ، جوڭعارلار ۇلىتاۋعا جەتكىزبەي توقتاتىلدى. سول جەڭىستەن كەيىن مايدان كىندىگى بولعان توبە قالماق-قىرىلعان اتاندى. قانجىعالى قارت بوگەمبايدىڭ ۇسىنىسىمەن سوعىستا قازا بولعان قازاق جاۋىنگەرلەرىنىڭ دەنەسى تاۋدىڭ باسىنا شىعارىلىپ جەرلەندى. ءوزىنىڭ ماڭىزدىلىعى جونىنەن بۇلانتى–بىلەۋتى شايقاسى 1941 جىلى ماسكەۋ تۇبىندەگى جەڭىسپەن تەڭ. وسى وقيعادان كەيىن جوڭعارلار باسىپ العان قازاق جەرلەرىن ازات ەتۋ كەزەڭى باستالدى.
You Might Also Like
-
«№26 مەكتەپ-بالاباقشا» كمم تورەبەكوۆا دامەگۋل سەيپاتتال قىزى — پەداگوگ-حورەوگراف
-
الماتى وبلىسى بالقاش اۋدانى «№1 باقاناس ورتا مەكتەبى مەكتەپكە دەيىنگى شاعىن ورتالىعىمەن» مەملەكەتتىك كوممۋنالدىق مەكەمەسى 3 «ا» سىنىپ وقۋشىسى باۋىرجان ۇلى ءاليجان
