InfoHub Logo

        «ەڭبەك قىلماس ەرىنشەك-ادام بولماس»،-دەپ ۇلى اقىن اباي قۇنانبايەۆ ايتپاقشى بۇگىنگى زاماندا يكەمىڭە قاراي ەڭبەك ەتپەسەڭ ءبىر كەم دۇنيە سوندا بولماق.ەڭبەك-راحاتتىڭ اتاسى.سوندىقتان دا،ەڭبەكپەن تاپقان ناننىڭ ءتاتتى بولارى وسىدان.قازاق ەرتەدەن-اق ونەرلىنىڭ ءورىسى كەڭ دەپ،ەڭبەكقور جاندى باعالاپ،ونەرىن ۇلىقتاپ،شىعارماشىلىق جۇمىسى سارقىلماسىن دەپ ەرەكشە قۇرمەتتەگەن.ءيا،ەلگە سىڭىرگەن ەڭبەك جاقسى،ەڭبەكتى ەلەگەن ەل جاقسى دەگەندەي بۇل ماقالادا ونەرىمەن تالايدى وزىنە باۋراي بىلگەن ايتجانوۆ باتىرقۇل اعايدى ارقاۋ ەتپەكپىن.

     ايتجانوۆ باتىرقۇل اسان ۇلى №21 ورتا مەكتەبىنىڭ تەحنولوگيا ءپانىنىڭ ءمۇعالىمى.اعايىمىز مەكتەپتىڭ بەتكە ۇستار ازاماتى،پەيىلى دارحان،كوڭىلى اق،سىرباز دا سابىرلى،بەساسپاپ،تابيعي دارىن يەسى دەسەم قاتەلەسپەگەنىم شىعار ءسىرا!ول كىسى قاراپايىمدىلىعىنان اينىمايتىن،ادامگەرشىلىگى مول،جۇرگەن ورتاسىنا سىيلى مەيىرىمدى دە قايىرىمدى ازامات.ەندەشە، «ءوز ءىسىنىڭ شەبەرى» بولعان ايتجانوۆ باتىرقۇل اعايدىڭ قىسقاشا ءومىر جولىنا ءۇڭىلىپ قارايتىن بولساق،اعايىمىز سىر ءوڭىرىنىڭ كيەلى ءبىلىم ورداسى سانالاتىن قورقىت اتا اتىنداعى مەملەكەتتىك ۋنيۆەرسيتەتىن ەڭبەك جانە بيزنەس فاكۋلتەتىن ءتامامداعان.ال،بۇگىندە  №21 ورتا مەكتەبىندە مەيىربان جۇزىمەن،پاراسات-اقىلىمەن شاكىرتتەرىن ەڭبەككە باۋلىپ ،بىلگەنىن ۇيرەتىپ تەحنولوگيا پانىنەن ساباق بەرىپ كەلەدى.اعايدىڭ تاڭداي قاقتىرارلىق تالانتى بارشا شاكىرتتەرىنە ۇلگى. باتىرقۇل اعايىمىز ونەر دەسە ىشكەن اسىن جەرگە قوياتىن، ءتۇرلى سايىستار بولسا توپتى كورسە تىپىرشىپ وتىرا الماي،قاتىسقان سايىسىندا شاشاسىنا شاڭ جۋىتپاي ۇنەمى جۇلدەلى ورىندى يەلەنىپ كەلەدى.ايتجانوۆ باتىرقۇل اۋداندىق «ءوز ءىسىنىڭ شەبەرى» سايىسىنا قاتىسىپ، «العىس حاتپەن» ماراپاتتالعان. «حالىق قولونەرى-اسىل قازىنا» اتتى اۋداندىق تەحنولوگيا ءپانى مۇعالىمدەرى اراسىندا وتكىزىلگەن بايقاۋدا II-ورىنمەن ماراپاتتالعان.تەحنولوگيا ءپانى مۇعالىمدەرىنىڭ «ونەگەلى سالتىڭ بار ونەر ۇرپاق» اتتى اۋداندىق سەميناردا جاڭا يدەياسى جانە شىعارماشىلىق قابىلەتىمەن I-ورىن يەلەنگەن.وقۋشىلاردىڭ «جاس دارىن» اتتى II رەسپۋبليكالىق عىلىمي جۇمىستار كونكۋرسىندا «ۇلتتىق ناقىشتا كادە سىي جاساۋ» تاقىرىبىنداعى زەرتتەۋ جۇمىسىنا قاشىقتىقتان قاتىسىپ، «تالاپتىڭ ءمىنىپ تۇلپارىن» نوميناسياسىندا وقۋشىسى وردابايەۆ نۇرتورە I-ورىنمەن ماراپاتتالدى.مىنە،اعايىمىزدىڭ وسىنداي جەتىستىكتەرى سەگىز قىرلى، ءبىر سىرلى ونەر يەسى ەكەندىگىنە دالەل بولا الادى.

   سايف سارايدىڭ مىناداي ۇلاعاتتى ءسوزى بار: «تازا ونەردىڭ يەسى جومارت كەلەدى».مىنە،بۇل قاناتتى ءسوزدىڭ ءوزى باتىرقۇل اعايىمىزعا ارنالعانداي كورىنەدى ماعان.ويتكەنى،اعايىمىزدىڭ جانى جومارت جان ەكەندىگى كوپكە شۋاق شاشقان نۇرلى ءجۇزىنىڭ وزىنەن بايقالادى.قورىتىندىلاي كەلە ايتارىم،ءار ۋاقىتتا دا ونەردىڭ شوقتىعى بيىك.سوندىقتان دا،باتىرقۇل اعايعا شىعارماشىلىق جۇمىسىڭىز سارقىلماسىن،ونەردىڭ ورىندە،ساحنانىڭ تورىندە ءجۇرىڭىز دەگىم كەلەدى.

---