InfoHub Logo

موبيليزاسيالانعان ساربازدىڭ ءبىرى 27 قىركۇيەكتە كوز جۇمعانى بەلگىلى بولدى. زۆەزدنىي اۋىلىنىڭ تۇرعىنى بوريس شاۆايەۆ كاباردين-بالقاردا، اسكەري بازادا ساپقا تۇرۋ كەزىندە جۇرەك تالماسىنان كوز جۇمعان. 

قىركۇيەكتىڭ 28ء-ى كۇنى تومەن ماڭىنداعى اندرەيەۆسكيي ەلدى-مەكەنىندە موبيليزاسياعا شاقىرىلعان ەر ادام قايتىس بولدى. 11 قازاندا تومەن گارنيزونى بويىنشا تەرگەۋ كوميتەتىنىڭ اسكەري تەرگەۋ باسقارماسى ەر ادامنىڭ ولىمىنە قاتىستى قىلمىستىق ءىس قوزعالىپ، تەرگەلىپ جاتقانىن حابارلادى، ءبىراق ەگجەي-تەگجەي ناقتى اقپارات ايتىلمادى.

28 قىركۇيەكتە زابايكالە ولكەسىنىڭ وڭتۇستىك-شىعىسىنداعى اسكەري بولىمدە دە ەر ادامنىڭ ءمايىتى تابىلدى. ءولىم فاكتىسى اسكەري تەرگەۋ دەپارتامەنتىندە جۋرناليستەرگە راستالدى، ءبىراق سودان بەرى باسقا مالىمەتتەر ايتىلعان جوق.

3 قازاندا ءنوۆوسىبىر جوعارى اسكەري كوماندالىق ۋچيليششەسىندە موبيليزاسيالانعان ەر ادامنىڭ قازا تاپقانى تۋرالى حابارلاندى. بۇل تۋرالى اقپاراتتى ءنوۆوسىبىر وبلىسىنداعى ادام قۇقىقتارى جونىندەگى ۋاكىل نينا شالابايەۆا راستادى. ونىڭ ايتۋىنشا، ەر ادام ۇيىقتاپ جاتقاندا قايتىس بولعان. كەيىنىرەك مارقۇمنىڭ 35 جاستاعى براتسك قالاسىنىڭ تۋماسى الەكساندر كولتۋن ەكەنى انىقتالدى.

3 قازاندا سۆەردلوۆ وبلىسىندا موبيليزاسيالانعان ءۇش ادامنىڭ قايتىس بولعانى بەلگىلى بولدى. ەكى ادام پوروشينو اۋىلىنداعى قورعانىس مينيسترلىگىنىڭ وقۋ-جاتتىعۋ ورتالىعىنىڭ ەلان گارنيزونى اۋماعىندا كوز جۇمعان. تاعى بىرەۋى اۋىرىپ، ۇيىنە جىبەرىلگەننەن كەيىن قايتىس بولعان. بيلىك ۇشەۋىنىڭ ولىمىنە قاتىستى قىسقاشا عانا "تەرگەپ، زەرتتەپ جاتىرمىز" دەپ جاۋاپ قاتتى.

4 قازاندا ب ا ق ومبى اسكەري بولىمىندە موبيليزاسياوانعان كراسنويارسك ازاماتى دميتريي ۆ-نىڭ (ءاتى-جونى بەلگىسىز) قايتىس بولعانىن حابارلادى.

5 قازاندا موبيليزاسيالانعانداردىڭ ءبىرى پەنزاداعى پوليگوندا وقۋ-جاتتىعۋ جيىندارى كەزىندە قايتىس بولدى. ءالى كۇنگە دەيىن 41 جاستاعى مارقۇمنىڭ ءاتى-جونى جاريالانعان جوق. 11 قازاندا پەنزا وبلىسىنداعى ادام قۇقىقتارى جونىندەگى ۋاكىل ەلەنا روگوۆا ربك-عا موبيليزاسيالانعان ادامنىڭ قازا تاپقانىن راستادى.

اسەمحان ارۋجان

---