مۇعالىمدەر جالاقىسىنا ۇستەمە قوسۋ ءتارتىبى قانداي
ق ر ءبىلىم جانە عىلىم مينيسترلىگى جاڭا اتتەستاسيالاۋ جۇيەسىن ەنگىزۋگە بايلانىستى، مۇعالىمدەر جالاقىسىنا ۇستەمە قوسۋ ءتارتىبىن ءتۇسىندىرىپ بەردى.
مينيسترلىكتىڭ حابارلاۋىنشا، قازىرگى ۋاقىتتا بىلىكتىلىكتى راستاۋدىڭ جاڭا جۇيەسى ازىرلەنىپ جاتىر. جاڭا جۇيە ەكى كەزەڭنەن قۇرالادى. الدىمەن پەداگوگتار ۇلتتىق بىلىكتىلىك تەستىن تاپسىرادى. ودان كەيىن پەداگوگ قىزمەتىنىڭ قورىتىندىلارىن كەشەندى جالپىلاۋ جۇمىسى جۇرگىزىلەدى. وسىلايشا، ءوز بىلىكتىلىگىن دالەلدەگەن قازاقستاندىق ءمۇعالىمنىڭ ەڭبەكاقىسى 20-50% ارالىعىندا كوبەيەدى.
وتكەن جىلى جانە الدىڭعى جىلدارى ءوز بىلىكتىلىكتەرىن راستاعان ماماندار ءۇشىن ۇستەمەاقىنىڭ ەسكى جۇيەسى ساقتالاتىن بولادى.
«قازىرگى زاڭناماعا سايكەس، بۇل بىلىكتىلىكتەر 5 جىلعا دەيىن جارامدى جانە زاڭدى ەشكىم وزگەرتپەيدى. سوندىقتان، بارلىق ەسكى ساناتتار مەن ولارعا تاعايىندالعان ۇستەمەاقىلار ساقتالادى»، - دەپ ءتۇسىندىردى ق ر ءبىلىم جانە عىلىم ۆيسە-مينيسترى اسحات ايماعامبەتوۆ.
سونداي-اق، مۇعالىمدەر ءوز قالاۋىمەن جاڭا جۇيەگە سايكەس بىلىكتىلىكتەرىن كوتەرىپ، جاڭا كەستە بويىنشا ۇستەمە اقى الۋىنا مۇمكىندىك بار.
ەسكە سالا كەتسەك، ق ر پرەزيدەنتىنىڭ تاپسىرمالارىنا سايكەس، 2018 جىلى ۇلتتىق بىلىكتىلىك تەستىن ەنگىزۋ جوسپارلانعان.
قازاقپارات
You Might Also Like
-
پارلامەنت ءماجىلىسىنىڭ جالپى وتىرىسىندا ماجىلىسمەن يرينا سميرنوۆا ەستۋ قابىلەتى ناشار ادامداردىڭ ءومىرىن جاقسارتۋ باعىتىندا ۇسىنىس ءبىلدىردى.
