ماجىلىسمەن: قازاقستاندا ەستۋ قابىلەتى شەكتەۋلى مۇگەدەكتەر ماگيستراتۋراعا نەگە تۇسە المايدى
پارلامەنت ءماجىلىسىنىڭ جالپى وتىرىسىندا ماجىلىسمەن يرينا سميرنوۆا ەستۋ قابىلەتى ناشار ادامداردىڭ ءومىرىن جاقسارتۋ باعىتىندا ۇسىنىس ءبىلدىردى.
«بۇگىنگى تاڭدا قازاقستانداعى بىردە-بىر جوو-دا نەمەسە كوللەدجىندە ىم ءتىلىنىڭ ماماندارى جوقتىڭ قاسى. بۇل جاعداي (مۇمكىندىگى شەكتەۋلى جانداردىڭ - اۆت.) ورتا جانە جوعارى ءبىلىم الۋدا ايتارلىقتاي كەدەرگى بولىپ تۇر. سونىمەن بىرگە، اتالعان احۋال مۇگەدەكتەردىڭ قۇقىعى بويىنشا بۇۇ كونۆەنسياسىنا قاراما-قايشى. ەستۋ قابىلەتىندە كەمشىلىگى بار ءبىر عانا مۇگەدەك بەلگىلى ءبىر جوو-دا وقيتىن بولسا، وندا ول وقۋ ورنىندا ىم ءتىلىن مەڭگەرگەن مامان بولۋى كەرەك. ۇبت تاپسىرعاندا ىم ءتىلىنىڭ اۋدارماشىلارى قاراستىرىلماعان. دەمەك، ەستۋ بويىنشا مۇگەدەكتىگى بار ابيتۋريەنتتەر تولىق اقپارات الا الماي وتىر»، - دەيدى يرينا سميرنوۆا ق ر ءبىلىم جانە عىلىم ءمينيسترى ەرلان ساعادييەۆكە دەپۋتاتتىق ساۋال جولداي وتىرىپ.
دەپۋتات قازاقستاندا بۇگىنگى تاڭدا ىم ءتىلىن مەڭگەرگەن اۋدارماشى مامانداردى دايارلايتىن بىردە-بىر جوو جوعىن العا تارتتى.
«ەستۋ قابىلەتى بويىنشا مۇگەدەكتەردى ماگيستراتۋراعا قابىلداۋ قاراستىرىلماعان. سەبەبى، شەت ءتىلى بويىنشا ەمتيحاندا اۋديوجازبادان ەستىلەتىن ءماتىن بويىنشا جۇمىس ىستەۋگە مىندەتتەلەدى. ال ەستۋ قابىلەتى ناشار مۇگەدەكتەرگە ول ەمتيحاننان ءوتۋ جولدارى قاراستىرىلماعان. بۇل كەمسىتۋشىلىك سەكىلدى. سوندىقتان، اۋديوماتىندەردى جازباشا تۇرگە اۋىستىرعان ابزال. وسى ماسەلەلەردىڭ بارلىعى بەلگىلى ءبىر شەشىمدى تالاپ ەتەدى»، - دەيدى يرينا سميرنوۆا.
قازاقپارات
You Might Also Like
-
ق ر ءبىلىم جانە عىلىم مينيسترلىگى جاڭا اتتەستاسيالاۋ جۇيەسىن ەنگىزۋگە بايلانىستى، مۇعالىمدەر جالاقىسىنا ۇستەمە قوسۋ ءتارتىبىن ءتۇسىندىرىپ بەردى.
-
دۇنيەدەگى ماماندىق اتاۋلىنىڭ تورەسى - ۇستازدىق، دەمەكشى، شاكىرت بويىنا ەرەكشە ىنتا-جىگەردى، شىعارماشىلىق قابىلەتىن شىڭداۋعا داعدىلاندىرىپ كەلە جاتقان ۇلاعاتتى دا ۇلگىلى ۇستازىم تولەگەنوۆا مەيرامكۇل...
