InfoHub Logo

يتاليالىق سۋپەركار وندىرۋشىلەرى جاڭا ونىمدەرىن ۇسىندى. ولاردىڭ بۇل ۇسىنىستارى ءبىرقاتار ينجەنەرلىك شەشىمدەرمەن بۇگىنگى بارلىق اۆتوونەركاسىپتى مىڭجىلدىققا وزىپ تۇر. كومپانيا كەم دەگەندە، ءوز ونىمدەرىن ءۇشىنشى مىڭجىلدىقتىڭ جوباسى تۇرىندە تانىستىرۋدا.

Terzo Millenio - اتىنىڭ ءوزى ايتىپ تۇرعانداي، كولىكتىڭ اتاۋى يتاليان تىلىنەن اۋدارعاندا «ءۇشىنشى مىڭجىلدىق» دەگەن ماعىنانى بىلدىرەدى. بۇل اۆتوكولىكتىڭ باستى جاڭالىعى — اسا جەڭىل كۋزوۆى بولىپ تابىلادى، ويتكەنى ول وزدىگىنەن قالپىنا كەلەتىن ەرەكشە كاربوننان جاسالعان.

Lamborghini مەن MITء-تىڭ بىرلەسىپ شىعارعان ەرەكشە تەحنولوگيا كۋزوۆقا كەلگەن زاقىمدى تاۋىپ، ونى ءوزىنىڭ ارنايى حيميالىق قۇرامى ارقىلى «ەمدەي» الالادى.

بۇل كۋزوۆتىڭ كەرەمەت ەرەكشەلىكتەرىنىڭ نەگىزگىسى ەمەس. سۋپەركار ءتورت ەلەكتروموتورمەن قوزعالادى، ولاردىڭ قۋاتى ازىرشە جاسىرىن. ءبىراق، ارينە، قۋاتتارى از ەمەس ەكەنى انىق. ەندى وسى جەردە كۋزوۆتىڭ باسقا ەرەكشەلىگى الدىڭعى پلانعا شىعادى، سەبەبى ول ەلەكتروموتورلار ءۇشىن باتارەيا دا بولىپ تابىلادى.

باتارەيا بلوگى نانوتۇتىكتەردى قولدانۋ ارقىلى يننوۆاسيالىق ماتەريالدان جاسالعان. ول وتە جىڭىشكە بولىپ، كۋزوۆتىڭ ىشىندەگى ىشكى جانە سىرتقى باتارەيالاردىڭ اراسىنا قۇيىلعانداي.

سونىمەن قاتار، Terzo Millenio ءبىر زاريادپەن ۇزاققا ءجۇرۋ جانە ەنەرگيا قورلارىن تەز تولتىرۋمەن قامتاماسىز ەتە الاتىن سۋپەركوندەنساتورلارمەن جانە كينەتيكالىق ەنەرگيانى قالپىنا كەلتىرۋ جۇيەسىمەن جابدىقتالعان.

اتالعان سۋپەركار سەريالىق شىعارىلىمدى بولماۋى مۇمكىن. ءبىراق جاقىن ارادا ءبىرقاتار ينجەنەرلىك شەشىمدەر اۆتوونەركاسىپتە قولدانىس تابا الۋى ابدەن مۇمكىن.

Lamborghini كومپانياسىنىڭ جەتەكشى مەنەدجەرلەرىنىڭ ءبىرى ماۋريسيو رەگگيانيدىڭ ايتۋىنشا، كەيبىر كومپونەنتتەر سەريالىق شىعارىلىمعا ەنۋىنە جاقىن، ال كەيبىرەۋىنە ءالى ۋاقىتى كەلمەدى.

قالاي بولعانىمەن Terzo Millenio جوباسى اۆتوموبيل تۇرىندە بولماسا دا، ينجەنەرلىك شەشىمدەر سەرياسى رەتىندە ىسكە اسىرىلاتىنى انىق.

دەرەككوزى: auto.vesti.ru

---