مۇعالىمدەر سمارتفون ارقىلى باعا قويادى
ق ر ءبىلىم جانە عىلىم مينيسترلىگى مۇعالىمدەردىڭ باعا قويۋ جۇمىسىن جەڭىلدەتۋ ءۇشىن ەلەكتروندىق كۇندەلىكتىڭ ءموبيلدى قوسىمشاسىن شىعارۋدى كوزدەپ وتىر.
ق ر ءبىلىم جانە عىلىم ۆيسە-مينيسترى اسحات ايماعامبەتوۆ ورتالىق كوممۋنيكاسيالار قىزمەتىندە وتكەن باسپا ءسوز ءماسليحاتىندا وسىلاي ءمالىم ەتتى.
«ەلەكتروندىق جۋرنالدار مۇعالىمدەردىڭ جۇكتەمەسىن ازايتۋ ماقساتىندا ەنگىزىلگەن. قازىرگى ۋاقىتتا قاراعاندى وبلىسى مەن الماتى قالاسىندا سىنالىپ جاتىر. ايتسە دە، ەلەكتروندى جۋرنالدى تولتىرۋدىڭ قاعاز جۋرنالدى قوسا تولتىرۋدى قاجەت ەتپەيتىنىن قانشا جازساق تا، كەي مەكتەپتەردە قوس جۋرنالدى قاتار تولتىرۋ جاعدايلارى كەزدەسكەن. سول سەبەپتى، ق ر بعم بۇيرىعىنا كەڭ جولاقتى ينتەرنەت قولجەتىمدى بولسا، ءبىلىم بەرۋ ۇيىمى جۋرنالدى تەك قانا ەلەكتروندى تۇردە جۇرگىزەدى دەگەن وزگەرىس ەنگىزدىك»، - دەدى اسحات ايماعامبەتوۆ ورتالىق كوممۋنيكاسيالار قىزمەتىندە وتكەن باسپا ءسوز ءماسليحاتىندا.
وعان قوسا، مينيسترلىك مۇعالىمدەردىڭ باعا قويۋ جۇمىسىن جەڭىلدەتۋ ءۇشىن ءموبيلدى قوسىمشا جاساۋ جانە مەكتەپتەردەگى ينتەرنەت ساپاسىن جاقسارتۋ ماسەلەلەرىن شەشۋدە.
«ەلەكتروندى جۋرنالدى وڭاي پايدالانۋ ءۇشىن ءموبيلدى قوسىمشانىڭ بولۋى ماڭىزدى. سىنامالى جوبالار قوسىمشالاردىڭ مۇعالىمدەرگە وتە ىڭعايلى ەكەنىن كورسەتتى. شامامەن كوكتەمدە موبيلدىك قوسىمشالار دايىن بولادى جانە كوپشىلىككە تانىستىرىلادى. وسىلايشا، مۇعالىمدەر موبيلدىك قۇرىلعىلارى ارقىلى وقۋشىلارعا باعا قويادى»، - دەپ ءوز ءسوزىن تۇيىندەدى ۆيسە-مينيستر.
قازاقپارات
You Might Also Like
-
الىستان كورمەۋشىلىك – جاسوسپىرىمدەر اراسىندا ءجيى كەزدەسەتىن كوز كەمشىلىگى. ساناق دەرەكتەرى بويىنشا، ورتا مەكتەپتى بىتىرگەن ءار بەس بالانىڭ بىرەۋى كوزى الىستان كورمەيتىندىكتەن قالاعان ماماندىعى...
-
يتاليالىق سۋپەركار وندىرۋشىلەرى جاڭا ونىمدەرىن ۇسىندى. ولاردىڭ بۇل ۇسىنىستارى ءبىرقاتار ينجەنەرلىك شەشىمدەرمەن بۇگىنگى بارلىق اۆتوونەركاسىپتى مىڭجىلدىققا وزىپ تۇر. كومپانيا كەم دەگەندە، ءوز ونىمدەرىن...
