مينيستر مەكتەپ ديرەكتورلارىنا ۇستەمەاقى تولەۋ ءتاسىلىن ءتۇسىندىردى
مەكتەپ ديرەكتورلارى 3 جىل سايىن اتتەستاسيادان ءوتىپ تۇرۋعا مىندەتتەلىپ وتىر. بۇل سىننان جاقسى ناتيجە كورسەتكەن باسشىلار اي سايىن ايلىعىنىڭ 100 پايىزى كولەمىندە ۇستەمەاقى الۋى مۇمكىن. ق ر ءبىلىم جانە عىلىم ءمينيسترى اسحات ايماعامبەتوۆ Facebook پاراقشاسىندا وسى وزگەرىستەردىڭ قالاي ەنگىزىلىپ جاتقانىن ءتۇسىندىردى.
اۋەلى ول ءبىر مەكتەپكە ۇزاق ۋاقىت بويى ديرەكتور بولۋ ۇردىسىنە رەسمي تۇردە شەكتەۋ قويىلعانىن ەسكە سالدى.
«ءبىر ۇيىمدا ۇزاق ۋاقىت جۇمىس ىستەيتىن مەكتەپ ديرەكتورلارى ءۇشىن العاش رەت روتاسيا جۇيەسى ەنگىزىلدى. ەندى ولار ءبىر ۇيىمدا 7 جىلدان ارتىق باسشى بولا المايدى. روتاسيا باستالدى جانە جىل بويى جۇرگىزىلەتىن بولادى.
سونداي-اق 2021 جىلى ءبىلىم بەرۋ ۇيىمدارى ديرەكتورلارى قۇرامىنىڭ ساپاسىن جاقسارتۋ ءۇشىن ناقتى مەرزىمدەر، كريتەرييلەر، تەستىلەۋدى ەنگىزە وتىرىپ، لاۋازىمعا تاعايىنداۋدىڭ جاڭا جۇيەسى ەنگىزىلدى»، - دەپ جازادى اسحات ايماعامبەتوۆ.
سونىمەن بىرگە، ول ديرەكتورلارعا ارنالعان بىلىكتىلىك ساناتتارى قالاي ىسكە اساتىنىن ءتۇسىندىردى.
«ولار ءوز جالاقىسىنان 30%-دان 100%-عا دەيىن اي سايىنعى ۇستەماقى الا باستادى. بۇل قالاي جۇمىس ىستەيدى؟ ءار 3 جىل سايىن ديرەكتور اتتەستاسيادان وتۋگە مىندەتتى. اتتەستاتتاۋ ناتيجەسى بويىنشا باسشى ساناتتاردىڭ ءبىرىن الادى، ونىمەن بىرگە 3 جىلعا جانە اي سايىنعى قوماقتى ۇستەمە اقى (جالاقىنىڭ 30%-دان 100%-عا دەيىن) تاعايىندالادى. جۇمىس تيىمدىلىگى وتە تومەن بولعان جاعدايدا باسشى جۇمىستان شىعارىلادى»، - دەدى ءبىلىم جانە عىلىم ءمينيسترى.
You Might Also Like
-
ءار حالىقتىڭ مىنەز-قۇلقى، ويى، بولمىسى ءوز زامانىنداعى ادەبيەتىنەن بىلىنەدى. بارلىق جاراتىلىستىڭ بۇكىل ءماندى ماعىناسى – ونىڭ يدەياسى بولسا، حالىقتىڭ تابيعاتىنا بايلانىستى ءمانى –ۇلتتىق يدەيا...
-
بىلتىردان باستاپ پەداگوگيكالىق ماماندىقتار بويىنشا وقۋعا ءتۇسۋ تالاپتارى قاتاڭداتىلىپ، مەجەلىك بالل كوتەرىلدى. دەگەنمەن، وسى قاتاڭ تالاپتان سۇرىنبەي وتكەن تالاپكەرلەر ستۋدەنت اتانعاننان كەيىن ەڭ جوع...
