ۇستازدىق ەتۋ-كەلەشەككە داڭعىل جول سالۋ
"ۇستاز بولۋ-جۇرەكتىڭ باتىلدىعى،
ۇستاز بولۋ-سەزىمنىڭ اقىندىعى"،-دەپ التى الاشتىڭ ارداقتىلارى جىرلاعانداي، سانالى ۇرپاقتى ءبىلىم نارىمەن سۋسىنداتىپ، ۇشقىر ويلى ەتىپ تاربيەلەۋ دە-ۇلى ءىس.بۇگىنگى سۇقباتىم ء-بىلىم ورداسىندا ەلەۋلى قىزمەت كورسەتىپ جۇرگەن قازاق ءتىلى جانە ادەبيەتى ءپانىنىڭ مامانى نازيرا بوپينايەۆامەن بولماق.
1. سالەمەتسىز بە؟! سۇقبات بەرۋگە كەلىسكەنىڭىز ءۇشىن العىسىمدى بىلدىرەمىن.سۇقباتىمىزدى ۇستازدىق قىزمەتتى تاڭداۋ سەبەبىڭىزدەن باستاساق..
-قايىرلى كۇن! جالپى العاندا، مەن ۇلاعاتتى ۇستازدىڭ وتباسىندا دۇنيەگە كەلدىم.وتباسىمداعى جاقىندارىمنىڭ بارلىعى دا-ۇلاعاتتى ۇستازدار.مەن سول كىسىلەرگە ەلىكتەپ ءوستىم.ۇستازدىق قىزمەتكە كەلۋىمنىڭ دە باستى سەبەبى-وسكەلەڭ ۇرپاققا ساپالى ءبىلىم، سانالى تاربيە بەرۋ بولاتىن.بۇل ماماندىق بىلىكتىلىكتى عانا ەمەس، سابىرلىلىق پەن جان-جاقتىلىقتى دا تالاپ ەتەدى ەكەن.ۇستازدىق ەتۋ-كەلەشەككە داڭعىل جول سالۋ.سوندىقتان دا مەن وسى قىزمەتتى تاڭدادىم.
2. ۇستازداردى ۇلىقتاۋ-ەڭ اسىل ءىس.قازىرگى تاڭداعى ۇستاز بەن وقۋشىنىڭ اراسىنداعى سىيلاستىققا كوڭىلىڭىز تولا ما؟
-بۇگىندە قوعام اراسىندا ءتۇرلى كەلەڭسىز جايتتار ورىن الىپ جاتقانى داۋسىز.كەيبىر مەكتەپ وقۋشىلارىنىڭ جاعىمسىز قىلىقتارى كوڭىلىمدى تۇسىرەدى.ۇستازعا سىيلاستىق تانىتۋ قاجەت.ءيا، ءمۇعالىم تاراپىنان قاتەلىك كەتپەيدى دەپ ايتا المايمىن.ءبىراق، بىلىكتى ۇستاز-شاكىرتىن جاقسىلىققا عانا جەتەلەيدى، ءبىلىم كوگىنە شىعارادى.مەنىڭشە، كەز-كەلگەن وقۋشىنىڭ بويىنداعى سىيلاستىق قاسيەتىن وياتۋى قاجەت.
3. ۇستازدىق قىزمەت نەنى ماقسات ەتەدى دەپ ويلايسىز؟
-ۇستازدىق ەتۋ-عيبراتتى ءىس.ءول-تالىم مەن تاربيەنى ۇشتاستىرۋ، شاكىرت بولاشاعىن كۇيتتەۋ جانە وقۋشىنى بيىك بەلەستەرگە جەتەلەۋ.كەلەشەك ۇرپاقتى ۇلتجاندىلىققا تاربيەلەۋ دە-ۇستازدىڭ پارىزى.ەرتەڭگى ەل جاقسىلارىن قالىپتاستىرۋ جولىندا ايانباي تەر توگەتىن دە-ۇستاز.سوندىقتان دا ونىڭ باعاسى بيىك.ۇستازدىق قىزمەتتىڭ مۇراتى سان قيلى دەپ بىلەمىن.
4. شاكىرتتەردى جەڭىس تۇعىرىنا شىعارۋ ءۇشىن ۇستاز تالماي ەڭبەك ەتەتىنى حاق.وقۋشى بويىنداعى قىزىعۋشىلىقتى وياتۋ ءۇشىن قانداي شارالاردى قولعا الۋ قاجەت؟
-شاكىرتىن بىلىمدىلىككە تاربيەلەۋ ءۇشىن ۇستازدىڭ بويىندا ەتيكا مەن ەستەتيكانىڭ بولۋى شارت.ءار ساباعىن قىزىقتى ءارى ەستە قالارلىقتاي ەتىپ وتكىزسە، وقۋشىنىڭ دا تالابى ويانادى.ۇستاز شاكىرتتەرىن ءبولىپ-جارماۋى كەرەك.وسى باعىتتى ۇستانامىز دەپ وقۋشىنىڭ قىزىعۋشىلىعىن جويامىز.بار كىنانى ونىڭ بويىنان ىزدەيمىز.ال، شاكىرتىن قاناتتاندىرۋشى-ۇستاز.ساباقتى ۇعىنىمدى تۇردە تۇسىندىرسەك-قىزىعۋشىلقتى دا وياتاتىنىمىز ايدان-انىق.
5. اڭگىمەمىزدى جەكە ومىرىڭىزگە ويىستىرساق، بالا كۇنىڭىزدەن كىمگە ەلىكتەپ ءوستىڭىز؟
-مىنا جارىق دۇنيەدەگى شۋاعىن توگەر جاقسىنى -اق ءسۇت بەرگەن اياۋلى انا ءتالىم بەرە وتىرىپ، بويىنا بار باعالىنى سىڭىرتەدى.بيىك باستامانى قالاۋىما سەبەپكەر بولعان دا-مەنىڭ ارداقتى انام.ەس بىلگەن شاعىمدا: "قىزىم، ەشۋاقىتتا ادامدىقتىڭ ارىنان اتتاما.كۇندەي كۇلىمدەپ، وزگەلەرگە ىستىق مەيىرىممەن قاراساڭ، نۇر ۇستىنە نۇر بولادى.كەز-كەلگەن ءىستى بايىپپەن باستا.سىناقتارعا ءمۇجىلىپ، ءوزىڭدى قۇردىمعا كەتىرمە.جاقسىلىق جاساۋدان جالىقپا." دەپ اسىل سوزدەرىن جادىما توقيتىن.وسىنداي تۇنىپ تۇرعان دانالىقتىڭ يەسى-انامداي ءقادىرلى ادام اتانعىم كەلەدى.
6.كەرەمەت! ال، مىنا ومىردە نە نارسەگە العىس ايتار ەدىڭىز؟
-ەڭ اۋەلى، جاراتۋشىنىڭ سىيلاعان ءاربىر تاڭىنا العىسىمدى بىلدىرگىم كەلەدى.جاقىن جاندارىم مەن اياۋلى شاكىرتتەرىمنىڭ قامقورلىعى مەن قۇرمەتى جانىمدى ەرەكشە جادىراتادى.كوڭىلىمدى كوكتەمدەي قۇبىلتاتىن ۇستازدىق قىزمەتىمە ايتار العىسىم ءبىر توبە.
سۇقباتىڭىزعا كوپ راقمەت! سىزگە شىعارماشىلىق تابىستار تىلەيمىن.
ارۋجان ساميدين
You Might Also Like
-
اقان سەرى قۇلاگەرى ءولىپ، قايعىنىڭ قاماۋىندا كەلە جاتقان ۋاقىتىندا ءوز ەلىنىڭ حالقى تايلى-تاياعىمەن قىلىشپاي اۋلىنا كەلىپ توسقان ەكەن. حالقى كەلىپ، قىلىشپاي اۋىلىنا ءتۇسىپ، قوي سويدىرىپ، اس دايىنداتىپ ...
-
ءبىلىم سالاسىندا وتەتىن حالىقارالىق مادەني، سپورتتىق شارالار ەكىنشى جارتى جىلدىققا شەگەرىلدى. بۇل تۋرالى ق ر ءبىلىم جانە عىلىم ءمينيسترى اسحات ايماعامبەتوۆ ايتتى.
