InfoHub Logo

تەرەڭدە جاتقان ءتول تاريحىمىزدى قانشا اقتارىپ جاتساق تا، تەڭىز تۇبىندە تاپجىلماي جاتقان باعالى تاستاي، تامىرى كەڭگە جايىلىپ، تانىس بولماعان دۇنيەگە تاعى كەزىگەمىز. تاريح قويناۋى قۇپيالى سىر مەن جۇمباققا تولى بولسا كەرەك-تى.

تاريحىن بىلمەگەن، دارىپتەمەگەن ۇلتتىڭ بولاشاعى بۇلىڭعىر بولارى ءسوزسىز. تاۋەلسىزدىكتىڭ تاڭى اتقالى تۋعان تاريحىمىزدى تەرەڭدەپ زەرتتەپ، رۋحاني جاڭعىرۋ داۋىرىندە اسىل مۇرامىزعا لايىقتى باعا بەرىپ تە ءجۇرمىز. تاريح بەتتەرىندە اۋمالى-توكپەلى زاماندا ۇلتتىق رۋحىن جوعالتپاي، ازاتتىق پەن تەڭدىكتى تۋ ەتكەن تالاي تارلاندارىمىزبەن قاتار، حالىقتىڭ تۇتاستىعى مەن ەلدىڭ ەگەمەندىگىن قورعاعان ۇلتتىق باسىلىمداردىڭ شوقتىعى قاشان دا بيىك تۇرادى.

بىرلىكتى تۋ ەتكەن قايراتكەردىڭ ەلى ءۇشىن ەتكەن ەرەن ەڭبەگىنىڭ ءبىرى-«بىرلىك تۋى» گازەتىن شىعارۋى بولاتىن. بۇل الاششىل يدەولوگيانى جاقتاعان، كەڭەس وتارشىلدارىنا قارسى باعىتتالعان، تاۋەلسىزدىك پەن تۇتاستىقتىڭ نەگىزىن سالعان، حالىقتىڭ جەتىلۋ، ويانۋ جولىندا قىزمەت ەتكەن، سول زامانداعى ۇلتتىڭ اجىراماس بولىگىنە اينالعان ساپالى باسىلىم بولدى.  العاشقى سانىنا م.شوقاي جەتەكشىلىك جاساعان بولاتىن. باسىلىم ادەبي-مادەني، قۇندى تاريحي دەرەكتەرىمەن ەرەكشەلەنگەن.  الايدا، مەرزىمدى باسىلىم كەڭەس ۇكىمەتىنىڭ اسەرىنەن جابىلىپ قالعان.

ازاتتىق ءۇشىن باس تىككەن ۇلى قايراتكەر مۇستافا شوقايدىڭ ءومىر جولى مۇنىمەن اياقتالىپ قالمايدى. ونىڭ تۇركى جۇرتىن بىرىكتىرىپ، تۇركىستان اۆتونومياسىن قۇرۋ جولىنداعى ەڭبەگى مەن ماقسات – مۇددەسى كەشەگى وتارشىل ساياساتتىڭ تۇسىندا جاۋلىق ارەكەت دەپ تانىلدى. «ۇلكەن تۇركىستاننىڭ كۇيرەۋىن» شىعارىپ، ۇلتشىل ارىسىمىزدى ۇلتىنا قاس دەپ تە شىعاردى.تۇعىرلى تاۋەلسىزدىكتىڭ تاڭىندا مۇستافا شوقايدىڭ ەڭبەگى قايتا باعالانىپ، تۇركى بولىپ توبەمىزگە كوتەرۋگە جەتتىك. ۇلتتىق باسپا ءسوز تاريحىمىزدى ۇلتتىق مۇددە تۇرعىسىنان قاراپ، ءتول تاريحىمىزدى تولىقتىرىپ، تىڭ دەرەكتەرمەن تانىسا تۇستىك. ءبىر ءداۋىردىڭ كوسەمىنە اينالعان مۇستافا شوقايدىڭ ەسىمى قازاق تاريحىنىڭ بەتتەرىندە كوگىندەگى جۇلدىزىنداي جارقىراي بەرمەك.

ءال-فارابي اتىنداعى قازاق ۇلتتىق ۋنيۆەرسيتەتى جۋانقان ايتولقىن 

---