InfoHub Logo

ساباقتىڭ تاقىرىبى: م. اۋەزوۆ «كوكسەرەك» اڭگىمەسى
ساباقتىڭ ماقساتى:
1. اڭگىمە مازمۇنى ارقىلى كەيىپكەرلەر ءىس - ارەكەتىنە، اۆتور كوزقاراسىنا بويلاۋ؛
2. وقۋشىلاردىڭ تاقىرىپقا قىزىعۋشىلىعىن وياتۋ، ماعىنانى تانىپ بىلۋگە، اجىراتۋعا، وي تولعاۋعا ىسكەرلىك داعدىسىن قالىپتاستىرۋ، شىعارماشىلىق قابىلەتىن دامىتۋ؛
3. تابيعاتتى قورعاۋعا، ايالاپ باپتاپ كۇتۋگە، ادامگەرشىلىككە تاربيەلەۋ؛

ساباقتىڭ ءتۇرى: ءبىلىمدى بەكىتۋ، سىن تۇرعىسىنان ويلاۋ ساباعى
ساباقتىڭ ءادىسى: سۇراق - جاۋاپ، تالداۋ، ىزدەنۋ ت. ب
ساباقتىڭ كورنەكىلىگى: ينتەر. تاقتا، سىزبالار، ۇلەستىرمەلى قاعازدار ت. ب
ءپانارالىق بايلانىس: تاريح

ساباقتىڭ بارىسى:
ءى. ۇيىمداستىرۋ كەزەڭى:
وقۋشىلارمەن امانداسۋ، تۇگەلدەۋ، وقۋ قۇرالدارىن تەكسەرۋ، سىنىپتىڭ تازالىعىنا كوڭىل ءبولۋ. وقۋشىلاردىڭ زەيىنىن ساباققا اۋدارۋ.
ەپيگراف
سەن جانباساڭ لاپىلداپ،
مەن جانباسام لاپىلداپ
اسپان قالاي اشىلماق.
نازىم حيكمەت

ءىى. بەكىتۋ. بۇگىنگى ساباعىمىز 3 كەزەڭنەن تۇرادى.
ءى. تالداۋ.
ءىى. جالعاۋ.
ءىىى. سامعاۋ.

ءى كەزەڭ. تالداۋ.
• شىعارمانىڭ اۆتورى كىم؟ مۇحتار اۋەزوۆ.
(تىرەك – سىزبا بويىنشا سويلەۋ)
• شىعارمانىڭ تاقىرىبى مەن يدەياسىن انىقتاۋ
تاقىرىبى: قاسقىردىڭ مىنەز - قۇلقى، وزىنە ءتان تابيعي قاسيەتتەرى
يدەياسى: تابيعات پەن ادام اراسىنداعى بايلانىس، تۇسىنىستىك
• تاقىرىبى بويىنشا ۆيدەو ماتەريال كورۋ «قاسقىرلار» (العان اسەرلەرىمەن ءبولىسۋ)
• تىرەك – سىزبا بويىنشا سويلەۋ.
• شىعارمانىڭ كومپوزيسيالىق جوسپارىن قۇرۋ.
1. وقيعانىڭ باستالۋى — قاسقىر مەكەنى. بولتىرىكتەر تاعدىرى.
2. بايلانىسى - كوكسەرەكتىڭ ۇيالاستارىمەن تابىسۋى.
3. دامۋى - قارادىر ەلىندەگى مازاسىزدىق
4. شارىقتاۋ شەگى - قۇرماشتىڭ قازاسى
5. شەشىمى - كوكسەرەكتىڭ جازاسىن تارتۋى.

ءىى كەزەڭ. جالعاۋ.
• ۆيدەو ماتەريال «كوكسەرەك» 1 مينۋت
كوكسەرەك اڭگىمەسى جەلىسى بويىنشا كوركەم فيلم تۇسىرىلگەن بولاتىن.

زاڭعار جازۋشى مۇحتار اۋەزوۆتىڭ «كوكسەرەك» شىعارماسى جەلىسىمەن تۇسىرىلگەن "كوكسەرەك" كوركەم ءفيلمى 1973 جىلى كورەرمەندەرگە جول تارتتى. بۇكىلوداقتىق تۇساۋكەسەرى 1974 جىلى 8 ساۋىردە ماسكەۋ قالاسىندا ءوتتى.
1974 جىلى ءازىربايجان استاناسى باكۋدە وتكەن بۇكىلوداقتىق كينوفەستيۆالدىڭ ءبىرىنشى جۇلدەسىنە يە بولىپ، شۆەيساريانىڭ لوكورنو قالاسىندا وتكەن كينوفەستيۆالىندە قۇرمەت گراموتاسىمەن ماراپاتتالدى.
قىزىقتى دەرەكتەر:
فيلمگە حايۋاناتتار باعىنان جاس قاسقىرلار الىنعان. كوكسەرەك بولىپ ەكى قاسقىر ويناعان، ەكەۋىن دە فيلمگە ءتۇسىرۋ ءۇشىن ماسكەۋ قالاسىنان ارنايى اكەلگەن.
«قويعا قاسقىر شابۋ» كورىنىسىنە تۇسكەن قىلشىق ءجۇندى، تەگەن قۇيرىقتى قويلار مال شارۋاشىلىعى ينستيتۋتىنىڭ تاجىريبە وتارىنان الىنعان.
فيلم قىرعىز تاۋلارىنىڭ باۋرايىندا، ىستىقكول جاعالاۋىندا تۇسىرىلگەن.

وقيعانىڭ مازمۇنىنا توقتالۋ.
1. كوكسەرەك قاراادىر اۋىلىندا.
2. كوكسەرەك – ءتۇز تاعىسى.
3. جەكپە – جەك.

• توپتىق تاپسىرمالار ورىنداۋ. (جەكە وقۋشىلار كارتوچكامەن جۇمىس جاسايدى)
1 - توپ.
كۋبيزم. كۋبيزم ءادىسى بويىنشا مىنا كۋبيكتى ەكى توپقا كەزەكپە - كەزەك يىرەمىن. قاي قىرىنىڭ سۇراعى تۇسسە سوعان جاۋاپ بەرەسىز.
1. سۋرەتتە. كوكسەرەكتىڭ پورترەتىن سۋرەتتەڭىز.
2. سالىستىر. دالا قاسقىرى مەن كوكسەرەكتى سالىستىرىڭىز.
3. زەرتتە. قاسقىر تۋرالى تاعى قانداي شىعارما بىلەسىز؟
4. قولدان. كوكسەرەك تۋرالى ەل ادامدارى نە دەيدى؟
5. دالەلدە. كوكسەرەكتى جاۋىزدىققا يتەرمەلەگەن دە، قۇرماشقا اۋىز سالدىرعان دا قانداي جاعداي؟
6. تالدا. كوكسەرەكتىڭ قاتىگەزدىگىن قاي تۇستاردا بايقادىڭىز؟

2 - توپ. بەس جول ولەڭ ستراتەگياسى. سينكۋەي ءادىسى بويىنشا «قاسقىر»، «اڭشى» سوزدەرىنە بەس جولدى ولەڭ جازىپ كورەيىك.
1. قاسقىر
2. جىرتقىش، قوماعاي.
3. ۇليدى، شابۋىلدايدى، جورتۋىلدايدى
4. قاسقىر - ءتۇز تاعىسى، پەرزەنتى.
5. ءبورى، كوكجال.
1. اڭشى
2. قىراعى، ساق
3. اتادى، كوزدەيدى، اۋلايدى،
4. اڭشى قانسوناردا اڭعا شىعادى.
5. مەرگەن.

3 - توپ. ۆەنن دياگرامماسى.
ءىىى كەزەڭ. سامعاۋ.
ەندى ساباعىمىزدىڭ سوڭعى بولىمىنە كەلدىك. جازۋشىمەن، ونىڭ شىعارماسىمەن تانىستىق، تالدادىق، باعا بەردىك. ال سوندا بۇدان قانداي اسەر الدىق؟ ەندى سول تۋرالى اڭگىمەلەيىك.
تاقىرىپتار:
1. جازۋشىمەن سىرلاسۋ،
2. تابيعاتقا ءتىل قاتۋ،
3. ادامدارعا ءۇن قاتۋ.

ءىىى. باعالاۋ. توپ باسشىلارى باعالايدى.
ءىۇ. ۇيگە تاپسىرما بەرۋ. «كوكسەرەك – تابيعاتىڭ تاعى پەرزەنتى» شىعارما جازۋعا دايىندالۋ.

تىرشىلىك يەسىمىز ءبارىمىز دە،
سۇرۋگە ءومىر قۇقىلىمىز ءالى ءبىز دە.
ساقتايىقشى تابيعات زاڭدىلىعىن
ساباق بولسىن كوكسەرەك تاعى بىزگە!
شاتتىققا شىرقالسا ەكەن ءانىمىز دە!