مەن تاڭداعان ۋنيۆەرسيتەت
ءال-فارابي اتىنداعى قازاق ۇلتتىق ۋنيۆەرسيتەتى (قازۇۋ) – قازاقستان رەسپۋبليكاسىنداعى جوعارعى وقۋ ورنى. 1934 جىلى س.م.كيروۆ اتىنداعى قازاق مەملەكەتتىك ۋنيۆەرسيتەت بولىپ العاش اشىلدى.
ءال-فارابي اتىنداعى قازۇۋ QS WORLD UNIVERSITY RANKINGS رەيتينگىندە 150-ورىنعا يە بولدى
شىعىس ەۋروپا جانە ورتالىق ازيا ەلدەرى بويىنشا QS World University Rankings (QS World University Rankings EECA 2020) رەيتينگىندە قازۇۋ 16-ورىندى يەلەندى. ءال-فارابي اتىنداعى قازۇۋ تۇلەكتەردى جۇمىسقا ورنالاستىرۋ رەيتينگىندە (QS Graduate Employability Rankings) 550 جوو-نىڭ ىشىنەن 201-251-ورىندى العان ورتالىق ازياداعى العاشقى جوو بولدى.
بريتاندىق "Times Higher Education" اگەنتتىگىنىڭ زەرتتەۋ ناتيجەلەرى بويىنشا قازۇۋ 1001-1200 پوزيسياسىن ساقتاپ قالدى، Asia University Rankings رەيتينگىندە 401-500 - ورىن، THE Emerging Economies rankings-351-400-ورىن، the Impact Rankings رەيتينگىندە-801-1000 ورىندى يەلەندى.
ەڭ ەكولوگيالىق ۋنيۆەرسيتەتتەردىڭ "UI Green Metric Ranking of World Universities" جاھاندىق رەيتينگىندە ۋنيۆەرسيتەت 212ء-شى ورىنعا يە بولدى.
Quacquarelli Symonds (QS) بەدەلدى حالىقارالىق رەيتينگتىك اگەنتتىگى جۇرگىزگەن تاۋەلسىز باعالاۋ قورىتىندىسى بويىنشا ءال-فارابي اتىنداعى قازاق ۇلتتىق ۋنيۆەرسيتەتى جوعارى باعا الىپ، «QS Stars Rating System» حالىقارالىق رەيتينگىسىندە «بەس جۇلدىز» جوعارى ماراپاتىنا يە بولدى. قازۇۋ – «بەس جۇلدىز» ماراپاتىنا يە بولعان ورتالىق ازيا ايماعىنداعى العاشقى جانە جالعىز جوعارى وقۋ ورنى.
ۋنيۆەرسيتەتتە 16 فاكۋلتەت بار. سونىڭ ىشىندە مەن تاڭداعان ماماندىق ول - جۋرناليستيكا سالاسى.
ءال-فارابي اتىنداعى قازۇۋ-دىڭ جۋرناليستيكا فاكۋلتەتى قازاقستانداعى جۋرناليستەر دايىندايتىن بىردەن-بىر جەتەكشى وقۋ ورنى. ول العاش رەت 1934 جىلى قۇرىلعان، سونىمەن قاتار تمد ەلدەرى بويىنشا ەڭ ءىرى فاكۋلتەتتىڭ ءبىرى. العاشىندا قازاق كومۋنيستىك جۋرناليستيكا ينستيتۋتى بولىپ قۇرىلعان. اۋەلىدە ەكى جىلدىق وقىتۋ مەرزىمىمەن قۇرىلىپ، كەيىننەن ءۇش جىلدىققا وزگەرتىلدى جانە ءبىر جىلدىق كۋرسى بولدى. وسى فاكۋلتەتتە وقىعان تۇلەكتەردىڭ كوبىسى ۇلكەن زيالى قاۋىم مۇشەلەرى، دارا تۇلعالار. فاكۋلتەتتى بىتىرگەن تۇلەكتەر رەسپۋبليكالىق، وبلىستىق، اۋداندىق مەرزىمدى باسپاسوزدەردە، راديودا، تەلەديداردا، وتاندىق جانە شەتەلدىك باسپالاردا، ۇكىمەت سالالارىندا قىزمەت ەتۋدە. سولاردىڭ قاتارىندا ق.سۇلتانوۆ، م.قۇل-مۇحاممەد، س.ابدراحمانوۆ، ە.بەكحوجين، ج.كەنجالين، ن.وراز، ت.ب. سىندى بۇگىندە ءىرى تۇلعالارادى ماقتانىشپەن اتاپ وتۋگە بولادى.
قازىرگى تاڭدا ءال-فارابي اتىنداعى قازۇۋ الەم ەلدەرىن قىزىقتىراتىن ۋنيۆەرسيتەت قاتارىنا جاتادى. بۇعان دالەل، ءار ەلدەن جىل سايىن كەلەتىن ستۋدەنتتەردى ايتساق بولادى. ول ستۋدەنتتەر: جۇڭگو، وڭتۇستىك كورەيا رەسپۋبليكاسى، ءۇندىستان، بانگلادەش، تاجىكستان، ازەربايجان جانە دە ت.ب. ەلدەردەن كەلگەن ۇلت وكىلدەرى. ولار شەت ەلدە وقۋ ءۇشىن ءتۇرلى الەم ۋنيۆەرسيتەتتەرىنىڭ رەيتينگىسىنە كوز جۇگىرتە وتىرىپ، تاڭدايدى. تەك قانا شەتەل ازاماتتارى عانا ەمەس، وزىمىزدەن دە تۇلەپ ۇشقان تۇلەكتەر وتە كوپ.
قازۇۋ ساپالى، جوعارى دەڭگەيدە ءبىلىم ۇيرەتىپ قانا قويماي، جان-جاقتى دامۋدى، ۇلكەن ورتادا ءوز-وزىڭدى قالاي ۇستاۋ كەرەكتىگىن، ۇلكەن الەۋمەتتىك ورتامەن بايلانىستى جاقىنداتا تۇسەتىن كيەلى ورتا.
بۇل ۋنيۆەرسيەتتە جارتى جىل وقي وتىرىپ، ءوز ورتامدى، قىزىعۋشىلىعىمدى تابا الدىم دەسەمدە بولادى. ورتامداعى ادامداردان ۇلگى الدىم، ولاردان اقىل-كەڭەس ەستىدىم. ونىڭ ءوزى ۋنيۆەرسيتەتكە العاش قادام باسقان ستۋدەنتتەرگە ۇلكەن قولداۋ. اپكەنى اپكە دەپ، اعانى اعا دەپ، ءىنىنى ءىنى دەپ، قارىنداستى قارىنداس دەپ بىلەتىن ۇلكەن ورتا مەن جۇركەتەرى مەيىرىمگە تولى بۇل فاكۋلتەت مەن ءۇشىن جانىما جاقىن. ءارتۇرلى ۇيىمدار ارقىلى ءوزىڭدى دامىتۋ جولىنا، قىزىققان باعىتقا بارۋ ارقىلى تاجىريبەدەن وتۋگە بولادى. تەك قانا وسىمەن شەكتەلمەيدى، بىلىكتى ۇستازدار قاۋىمى مەن جۋرناليستەر جينالعان كيەلى مەكەن. ءار ءبىر ۇستاز، پروفەسسورلار، اعا وقىتۋشىلار ءوز تاجىريبەسىمەن ءبولىسىپ، ساپالى ءبىلىم بەرۋدە. بار بىلگەندەرىمەن ءبولىسىپ قانا قويماي، جان-جاقتى دامۋعا، دارا تۇلعالارمەن كورىسۋگە، ولارمەن اقپارات بولىسۋگە ترەنينگ وتكىزىپ وتىرادى. ءاربىر ساباقتا ماماندىقتى ۇمىتپاي، ءارتۇرلى تىلدە بولسىن سۇقبات الۋ، ماقالا جازۋ، كورىنىس قويۋ سىندى قابىلىتكە باۋليدى. بولاشاققا باستار جولدى، ۇلكەن مۇحيتتا كەمەنى قالاي جۇرگىزۋگە بولاتىندىعى جايلى پسيحولوگيالىق قولداۋلار مەن ۇستازداردىڭ جان-جاقتى كومەگى ەرەكشە. تەك قانا بۇلار ەمەس، تاجىريبە الماسۋعا ارنالعان تەلەستۋديالار، ۇلكەن كىتاپحانا، كومەك كورسەتۋ ورتالىعى، ينتەرنەت ورتالىعى، جاتاقحانا سىندى بارلىق جاعداي جاسالعان قازمۇۋ قالاشىعى دەپ اتالاتىن بۇل ەل ىشىندەگى تاعى ءبىر قالاشىق.
قازمۇۋ-دا باسپا ءۇيى، لاباراتوريا، زەرتحانالىق جۇمىستار جاسايتىن ورتالىق پەن قاتار مەملەكەتتىك دەڭگەيدە جۇمىس جاسايتىن ورتالىقتار دا بار. رەسپۋبليكالىق، دۇنيەجۇزىلىك دەڭگەيدە سپورت جەڭىستەرى، ءتۇرلى بايقاۋلاردان ماراپاتتار دا يەلەنگەن. ءاربىر سالانى قامتيتىن، ولاردى بىر-بىرمەن ۇشتاستىرا بىلەتىن بۇل ۋنيۆەرسيتەت قازاقستانداعى ەڭ مىقتى جانە دە جوو-لار ىشىندە ءبىرىنشى بولىپ تابىلادى.
مەن، قازۇۋ- دى بالا كەزدەن تاڭداعانىما، وسى ۋنيۆەرسيتەتكە تۇسكەنىمە ەش وكىنبەيمىن. سەبەبى، ۋنيۆەرسيتەت ماعان مۇمكىندىك بەردى جانە ءالى دە مۇمكىندىك بەرەدى دەپ سەنەمىن.
ءال-فارابي اتىنداعى قازۇۋ
جۋرناليستيكا فاكۋلتەتى 1-كۋرس ستۋدەنتى
ۇلدانا نۋرادين (وسپانوۆا گ.ت.)
You Might Also Like
-
باتىس قازاقستان وبلىسى تەرەكتى اۋدانى گوسپلەمستانسيا جالپى ورتا ءبىلىم بەرەتىن مەكتەپ جانىنان اشىلعان «بالبوبەك» شاعىن ورتالىعى ۋميرزاكوۆا اسەم ەسەنجولوۆنا
-
مۋزىكا-بەلگىلى بيىكتىكتەگى دىبىستاردان تۇراتىن، ادامعا سازدى اۋەنىمەن اسەر ەتەتىن، دىبىستىق كوركەم بەينەگە نەگىزدەلگەن ونەر ءتۇرى. مۋزىكا ادام سەزىمىن، ويىن، ونىڭ ەرىك-كۇشىن دىبىستىق فورمادا سۋرەتتە...
