نەگە كەي ادامدار تىم كوپ سەريال كورەدى؟
ءسىز سەريال كورگەندى جاقسى كورەسىز بە؟ ءار ادامنىڭ جاقسى كورەتىن 2-3 سەريالى بار شىعار. ءبىراق، سەريالداردى جانرىن تالعاماستان قاتارىنان كورەتىن بولساڭىز، ءار كەيىپكەر ءۇشىن الاڭداپ، ونىڭ كەشكەن ءحالىن باستان وتكەرسەڭىز، سىزدە ويلانارلىق ماسەلە بار دەگەن ءسوز.
قۇمارلىق (بايلانىپ قالۋ) تەورياسىنا سايكەس، ادام بالا كەزىندە اتا-اناسىنان نەمەسە قامقورشىسىنان كورگەن قارىم-قاتىناس فورماسىن جۇبايىمەن قارىم-قاتىناستا دا ۇستانادى. مىسالى، اۋرۋ اناسىنا قاراعان بالا قارىم-قاتىناستا سوعۇرلىم قامقور بولادى. ءبىراق، اتا-اناسىنان جاقسى قارىم-قاتىناس كورىپ وسپەگەن بالا اقىل توقتاتاتىن جاسقا جەتكەندە ۇنامسىز نارسەلەرگە ءۇيىر بولۋى مۇمكىن. ولار ءۇش تۇرگە بولىنەدى:
— مازاسىز. ادامدارمەن قارىم-قاتىناس كەزىندە جارالانىپ قالماۋ ءۇشىن ۇنەمى الاڭداۋمەن بولاتىندار.
— قارىم-قاتىناستان قاشاتىن. جاقىن ارالاسۋدان ءوزىن تەجەيتىن ادام.
— قورقىنىشتان قاشاتىن. جاقىن قارىم-قاتىناستان قاشاتىن ادامدار بۇل قورقىنىشتى ادامدارمەن قاتىناستا قاشىقتىق ساقتاي وتىرىپ جەڭە الادى.
وسى ءۇش ءتۇردىڭ كەز كەلگەنى بويىندا ەركىنەن تىس كەزدەسەتىن ادامدار، ادەتتە، فيلم مەن سەريالداردىڭ ويدان شىعارىلعان الەمىندە وزدەرىنە تىنىشتىق تاباتىن جەر ىزدەيدى.
زەرتتەۋشىلەر (A safe space for self-expansion: Attachment and motivation to engage and interact with the story world) 1039 ەرەسەك ادام اراسىندا ساۋالناما جۇرگىزۋ ارقىلى وسىنداي قورىتىندىعا كەلدى. زەرتتەۋدەگى كەي سۇراقتار ولاردىڭ جاقىن قارىم-قاتىناستان ءوزىن تەجەۋىن جانە قازىرگى قارىم-قاتىناستارى ءۇشىن قانشالىقتى الاڭدايتىنىن باعالاۋعا باعىتتالعان. سونىمەن قاتار ارالاساتىن شەكارانى كەڭەيتۋگە قاتىستى بەيىمدىلىگى دە باعالاندى. مىسالى، ادامدارعا «سەريال كورگەندە ومىردە كەزدەسپەيمىن دەپ ويلايتىن ادامدارمەن جۇزدەسۋ قانداي بولاتىنىن ەلەستەتەمىن» دەگەن مالىمدەمەنى ماقۇلداۋ نەمەسە تەرىسكە شىعارۋ ۇسىنىلعان. وسىدان سوڭ تاڭقالارلىق زاڭدىلىق انىقتالدى.
ءوز قارىم-قاتىناستارىنا الاڭدايتىن ادامدار كوبىنەسە سەريالدار مەن فيلمدەردىڭ كەيىپكەرلەرىمەن بولاتىن قارىم-قاتىناستى قالىپتاستىرۋعا بەيىم بولعان. ولار كوبىنەسە سەريال قاراۋ ارقىلى ناقتى ءومىر تۋرالى بىلۋگە، ءوزىنىڭ قاجەتتىلىكتەرىن وسىلاي جويۋعا تىرىسادى. قارىم-قاتىناستا قاشىقتىق ساقتاۋعا تىرىساتىن ادامدار ءبىرىنشى توپتاعى ادامدار سياقتى سەريالدارداعى وقيعالار تۋرالى وي قورىتىپ تولعانۋعا قابىلەتسىز ەكەنى انىقتالعان. ولار ەكراننان كورگەن نارسە ارقىلى ەموسيالىق تۇرعىدا كوڭىلدەرىن باسقا جاققا بۇردى. قارىم-قاتىناستان قاشاتىن جانە جاقىن ارالاسۋدان قورقاتىن ادامدارعا سەريالداردىڭ تاريحى مەن كەيىپكەرلەرى جاقسى اسەر ەتكەن.
وسىنداي ءۇش تيپتەگى ادامدارعا سەريالداعى ويدان شىعارىلعان الەم ءقاۋىپسىز كەڭىستىك بولىپ كورىنەدى. ەكرانداعى الەم ولارعا الاڭسىز جانە قارىم-قاتىناستان قاشپاۋعا بولاتىن جەر سياقتى. سونىمەن قاتار، زەرتتەۋدە ايتىلعانداي، ولار ءوزىن دامىتۋعا جانە ءقاۋىپتى بايلانىس تۋدىرتقان ناقتى ماسەلەلەردى شەشۋگە كومەكتەسە الادى.
You Might Also Like
-
اۋا ميللياردتاعان بولشەكتەردەن قۇرالادى، ءبىراق ءبىز ولاردى كورمەيمىز. نەگىزگى بولشەكتەر — ازوت پەن سۋتەگى. وسى تيتتەي عانا ەلەمەنتتەردىڭ ارقاسىندا قۇيىندار مەن داۋىلدار پايدا بولىپ تۇرادى.
