س.ق.نۇرماعامبەتوۆ اتىنداعى “Sagadat Batyr - QTT” سپورت كلۋبى
فورۋمدى ۇيىمداستىرۋشى الماتى وبلىستىق ماسليحات دەپۋتاتى، س.ق.نۇرماعامبەتوۆ اتىنداعى سپورت كلۋبىنىڭ نەگىزىن قالاۋشى نۇرسۇلتان ورىنباساروۆ سپورتتى كاسىبي دەڭگەيدە دامىتۋداعى فورۋمنىڭ ماڭىزدىلىعىن ايتتى.
“ءبىز دامىعان ەلدەردەگىدەي سپورتقا عىلىم رەتىندە قاراۋ كەرەكپىز. بۇل ماسەلەنى ارينە وزىمەن باستاعانى دۇرىس. وسىعان وراي بۇل فورۋمعا ساعادات باتىر سپورت كلۋبىنىڭ باپكەرلەرى مەن سپورتشىلارى جانە اتا-انالاردىڭ بىلىكتىلىگىن ارتتىرۋ ماقساتىندا باسىن قوستىق. الداعى ۋاقىتتا سپورتشىلاردىڭ سپورتتىق مادەنيەتىن قالىپتاستىرۋ ءۇشىن وسىنداي فورۋمداردى ءجيى وتكىزەمىز”.
سپورت فورۋمنىڭ مودەراتورى س.ق.نۇرماعامبەتوۆ اتىنداعى “Sagadat Batyr - QTT” سپورت كلۋبىنىڭ پرەزيدەنتى ەربولات ساپار ۇلى كەلگەن قوناقتاردى تانىستىرىپ، جەكە-جەكە ءسوز تىزگىنىن ۇسىندى.
فورۋمنىڭ باستى سپيكەرىنىڭ ءبىرى كۋۆەيتتەن ارنايى كەلگەن قوناق سپورت مەنەدجەرى ابدۋللا الدابوۋس “سپورتتىق مەديسينا” تاقىرىبى بويىنشا ءوز تاجىريبەسىمەن ءبولىستى. سونداي اق، سپورتتىق مەديا تاقىرىبىن بويىنشا يۆان چەرۆينسكيي مەن PR مامانى سەرىك نويانباي ۇلى تالدادى.
سپورتتىق ماماندىقتار بويىنشا ءبىلىم الۋ تۋرالى قازاق سپورت جانە تۋريزم اكادەمياسىنىڭ پرورەكتورى ەسقالييەۆ مۇحتار زاينولدا ۇلى ءوز اقىل كەڭەستەرىن ايتىپ، جاس سپورتشىلارعا باعىت-باعدار بەردى. سپورتتىق تۋريزم تۋرالى گرەپلينگ AIGA بويىنشا الماتى قالاسى فەدەراسياسىنىڭ پرەزيدەنتى اقمارال جارىلقاسىن قىزى قاناتبايەۆا ءوز ويىن ورتاعا سالدى.
سونىمەن قاتار ق ر قورعانىس ءمينيسترى، سپورت كوميتەتى ورتالىق سپورت كلۋبىنان اسكەري دارىگەرلەر پولكوۆنيك كۋدروەدوۆ سەرگەي اناتوليەۆيچ پەن كاپيتان كانجيگيتوۆ پەرنەحان بەريكوۆيچ قاتىستى.
جاس باپكەرلەر مەن سپورتشىلار سپيكەرلەرگە اتالعان تاقىرىپتار اياسىنداعى وزدەرىنىڭ سۇراقتارىن قويىپ، ءبىلىم كوكجيەگىن كەڭەيتتى.
You Might Also Like
-
30 تامىز – كونستيتۋسيا كۇنى
