نۇرلى اسپانعا تىرىسىپ وسكەنسىڭ سەن،
مەنمەن، كەردەڭ، قايعىسىز ەر كوڭىلمەن،
ءجازعىتۇرىم جاسىرىپ جەردىڭ بەتىن،
جاسىل شوپپەن، بوي جەتكەن ەگىنمەن تەڭ.

سونان بەرى راحىمسىز كوپ جىل ءوتتى،
وراق كەلەر، ورىلار مەزگىل جەتتى.
جىلى مەنەن سۋىقتىڭ ءبارىن كورىپ،
قايران كوڭىل قايىسپاي قايرات ەتتى.

اۋىر ويدى كوتەرىپ اۋىرعان جان،
قايعى، قاسىرەت جۇزىڭە بەلگى سالعان.
ءدانى تولىق، باسى ۇلكەن ەگىندەي-اق
سەنىڭ دە باسىڭ يمەك جەرگە تامان.

ولەيىن دەپ ولمەيدى ولەرلىك جان،
استە ولمەسىن بىلگەندەي قىلىق قىلعان.
اجال كەلىپ باس سالسا، جاندى ءۇرلاسا،
ءومىر قايدا، سەن قايدا، سونى دا ويلان.

ادامزات — بۇگىن ادام، ەرتەڭ توپىراق،
بۇگىنگى ءومىر جارقىلداپ الدار ءبىراق.
ەرتەڭ ءوزىڭ قايداسىڭ، بىلەمىسىڭ،
ولمەك ءۇشىن تۋعانسىڭ، ويلا، شىراق.

---