InfoHub Logo

ءار ادام ءومىردىڭ ءمانىن، ونىڭ قۇندىلىقتارىن ءتۇرلى ماعىنادا ەلەستەتەدى. بىرەۋ ءۇشىن ول – كوپ اقشا، ەكىنشىلەر ءۇشىن قىمبات كولىك نەمەسە شەتەلگە ساياحاتتاۋ، تاعى بىرەۋلەر ءۇشىن باعاسى ادام قۇنىنان دا ارتىق اشەكەي بۇيىم. مەن جوعارىدا اتالعانداردى ءومىردىڭ قۇندىلىقتارى دەپ ايتپاس ەدىم. سەبەبى ولار – ماتەريالدىق قۇندىلىق. كەيدە وسى ەكەۋىنىڭ اراسىن اجىراتا الماي، تالاي ادامنىڭ قاتەلەسىپ جۇرگەنىنە كۋا بولامىز. بۇل دۇنيە بۇگىن بار دا، ەرتەڭ جوق. مەنىڭ ءومىرىمنىڭ ءمانى – وتباسىم. ولار ماعان ميللياردتاعان اقشادان دا قىمبات، باعاسىنا نەشە كارات گاۋھار جۇزىكتەر دە جەتپەيدى. وسى ومىردەگى مەن ارقا سۇيەيتىن ادامدار – اكەم، انام جانە باۋىرلارىم. «ءبىرىنشى كورنەكتىلىك – وتباسى، وشاق قاسى» دەگەندەي مەنىڭ بار بايلىعىم، اي، كۇنىم وسى جاندار. جاڭا تۋعان جاس بالاعا ايتىلاتىن ءالدي سياقتى، مەن دە وسى كۇنگە دەيىن اسىل اكەم مەن ارداقتى انامنىڭقامقور الديىندە تەربەلىپ كەلەمىن. ءقازىر اتا-انام مەن ءۇشىن بارىن سالىپ، كۇن-تۇن دەمەي ەڭبەك ەتىپ ءجۇر. مەنىڭ تاماعىمنىڭ توق، كويلەگىمنىڭ كوك بولۋى ءۇشىن ۋاقىتپەن دە ساناسپايدى. كىشكەنتاي بولسام دا اتا-انامنىڭ ماعان كورسەتكەن قامقورلىعىن، وتباسى جىلۋىن سىيلاعانىن، بالالىق شاعىمنىڭ باقىتتى ءوتىپ جاتقانىنىڭ سەبەپشىسى بولعانىن جۇرەگىممەن سەزىنەمىن. جۇدىرىقتاي جۇرەك بۇگىنگى ەڭبەكتىڭ وتەۋىن ەشقاشان قايتارا الماسىن بىلەدى، سەبەبى انانىڭ ۇيقىسىز وتكەن ءبىر ءتۇنىن ماڭداي تەرمەن تاپقان ميلليون اقشاعا دا ساتىپ الا المايسىڭ، اكەنىڭ ءبىر اقىلىننەشە كىتاپ وقىساڭ دا اكەدەي بەرە المايتىنىن بىلەسىڭ.

---