ونەر، شەبەرلىك، ۇستالىق تۋرالى ماقال-ماتەلدەر
ەر ءقادىرىن ەر بىلەر،
زەر ءقادىرىن زەرگەر بىلەر.
*** *** *** ***
جىگىت ادامعا جەتپىس ونەر دە از.
*** *** *** ***
جىگىت كوركى — ونەر.
*** *** *** ***
قىز ەركەم كەستەسىمەن كوركەم،
ۇل ەركەم ونەرىمەن كوركەم.
*** *** *** ***
اتا ونەرى — بالاعا مۇرا.
*** *** *** ***
ۇستانى سوققان پىشاعىنان تانيدى.
*** *** *** ***
شەبەرلىككە شەك جوق.
*** *** *** ***
قازانشىنىڭ ءوز ەركى
قايدان قۇلاق شىعارسا.
*** *** *** ***
كۇشىڭە سەنبە، ىسىڭە سەن.
*** *** *** ***
قولى بىلگەن قۇم ۇستىنەن كەمە جۇرگىزەر.
*** *** *** ***
كيىم پىشسەڭ كەڭ ءپىش،
تارىلتۋىڭ وڭاي.
تەمىر كەسسەڭ قىسقا كەس،
ۇزارتۋىڭ وڭاي.
*** *** *** ***
ونەرلىگە ەسىك اشىق.
*** *** *** ***
كولەڭكەگە قاراپ كويلەك پىشپەس بولار.
*** *** *** ***
شەبەردىڭ قولى كوپكە ورتاق.
*** *** *** ***
قالاۋىن تاپسا، قار جانار.
*** *** *** ***
بولات ءبىز قاپ تۇبىندە قالماس.
*** *** *** ***
التىندى الا بىلگەن بولە دە بىلەدى.
*** *** *** ***
ەڭبەك ەپتىلىكتى سۇيەدى.
*** *** *** ***
وتپەس پىشاق قول كەسەر.
*** *** *** ***
ونەرلىنىڭ وزەگى تالماس.
*** *** *** ***
ونەرپازدىڭ ون قولى بار.
*** *** *** ***
قول ونەرى — كىلەمدە،
ءسوز ونەرى — ولەڭدە.
*** *** *** ***
ويماق پىشسەڭ دە ويلاپ ءپىش.
*** *** *** ***
ءار نارسەگە اسىق بولعانشا،
ءبىر نارسەگە ماشىق بول.
*** *** *** ***
كۇش جاقسى، كۇشتەن ءىس جاقسى.
*** *** *** ***
جىگىتكە جەتى ونەر از، جەتپىس ونەر كوپ ەمەس.
*** *** *** ***
شەبەردى شەگە قاعىسىنان تانى.
*** *** *** ***
ونەرلىنىڭ ءورىسى ۇزاق.
*** *** *** ***
ونەرلىنىڭ قولى التىن،
ولەڭشىنىڭ ءسوزى التىن.
*** *** *** ***
اسىل تاستان شىعادى،
ونەر جاستان شىعادى.
*** *** *** ***
ونەر ورگە جۇزگىزەدى.
*** *** *** ***
اقىل كوپكە جەتكىزەر،
ونەر كوككە جەتكىزەر.
*** *** *** ***
ونەرلى جىگىت وردە وزار،
ونەرسىز جىگىت جەر سوعار.
*** *** *** ***
جانتاقتان ينە، جاڭقادان تۇيمە جاساعان.
*** *** *** ***
تەمىرگە ءتىل، جاڭقاعا جان بىتىرەتىن.
*** *** *** ***
شەشەننىڭ ءسوزى مەرگەن، شەبەردىڭ كوزى مەرگەن.
*** *** *** ***
ەرىنبەگەن ەتىكشى بولادى.
*** *** *** ***
ونەرلىگە ءولىم جوق.
*** *** *** ***
قايراتىڭا ءادىسىڭدى جولداس ەت.
*** *** *** ***
قولىڭ ۇستا بولسىن، ءسوزىڭ قىسقا بولسىن.
*** *** *** ***
تامىزىعىن تاپساڭ، تاس تا جانادى.
You Might Also Like
-
قورشاعان ورتانىڭ مونيتورينگى دەرەكتەرى بويىنشا باقىلاۋ جۇيەسىنە ەنگەن قالالاردىڭ كوبىندە لاستانۋ دەڭگەيى بۇرىنعىداي سانيتارلىق-گيگيەنالىق نورمالاردان جوعارى. اۋا لاستانۋىنىڭ ەڭ جوعارى دەڭگەيى 2007 ...
-
ءبىرىنشى بايلىق — دەنساۋلىق، ەكىنشى بايلىق — اق جاۋلىق، ءۇشىنشى بايلىق — ون ساۋلىق. *** *** *** ***
