InfoHub Logo

وقىتۋعا وزگەرىس ەنگىزۋدى دايىنداۋ بارىسىندا 8 «گ» سىنىبىنىڭ پسيحولوگيالىق- پەداگوگيكالىق سيپاتتاماسىن جازدىم: سىنىپتاعى وقۋشىلار سانى: 23، جاسى: 13-14. سىنىپتىڭ قۇرامى: ەر بالالار- 9، قىزدار -14. سىنىپ 2006 جىلى قالىپتاستى. سىنىپ جەتەكشىسى: اليمبايەۆا التىناي 2010جىلدان بەرى سىنىپ وقۋشىلارىمەن جۇمىس جاساۋدا. قازىرگى ۋاقىتتا بىر-بىرىنە كومەكتەسۋگە نەگىزدەلگەن قارىم- قاتىناس قالىپتاستىرۋعا بەيىمدىلىك بايقالادى. ءوزارا سىيلاستىق، كوشباسشىلىق اقساۋدا. قيىنعا بەيىم بالالار قاتارى كوپ. كوپشىلىگى كوپ بالالى، تۇرمىسى ناشار، الەۋمەتتىك جاعدايلارى تومەن وتباسىنان شىققاندار. ۇلگەرىمى: ۇزدىك وقۋشى جوق. ەكپىندىلەر سانى:6. سىنىپ وقۋشىلارىنىڭ جاراتىلىس ماتەماتيكالىق باعىتتاعى پاندەرگە قاراعاندا، گۋممانيتارلىق باعىتتاعى پاندەردەن ۇلگەرىمى جاقسى. وقۋعا كوزقاراسى: وقۋشىلار قابىلەتىنە قاراي بەرىلگەن تاپسىرمالاردى ورىندايدى. سىنىپتىڭ تورتتەن ءبىر بولىگى عانا ۇلگەرەدى. ءبىلىم دەڭگەيى وتە تومەن. جارسىپ وقيتىن بالالار جوقتىڭ قاسى. بىلىمدەگى ولقىلىقتارى كوپ. كولليگرافياسى ناشار؛ ەستە ساقتاۋ قابىلەتى تومەن؛ قابىلداۋى باياۋ؛ سپورتسمەن وقۋشىلار كوپ. تاقتادان قورقادى.ءۇي جۇمىسىن ۇنەمى ورىندامايتىن وقۋشىلار وتە كوپ. سەبەبىن سۇراسام، تۇسىنبەدىم دەپ جاۋاپ بەرەدى. ءار ساباققا جاڭا داپتەر ارنايتىن وقۋشىلار دا بارشىلىق.تەگىن ۇشتىكتى الىپ ۇيرەنگەن. ءمۇعالىم ءوزى ءۇشىن قويادى، قويماسا مەيلى دەپ بەيقام وتىراتىن وقۋشىلار دا جوق ەمەس. ساباقتا بەلسەندىلىك تانىتپايدى. ءتارتىپ: كوپ شۋىلدايدى. ارتقى پارتاعا وتىرۋعا قۇمار. سەن تيمەسەڭ مەن تيمەيمىن ءپرينسيپىن ۇستانادى. ءۇزىلىستىڭ بولۋىن كۇتەدى. سىنىپ جەتەكشىسىنىڭ ورنالاستىرۋى بويىنشا وتىرعىلارى كەلمەيدى. ءمۇعالىم جوق بولسا نەمەسە شىعىپ كەتسە، ۋدا شۋ بولىپ بورلىگىپ جاتادى. ولاردى ءوز بەتىنشە تاستاپ كەتۋ مۇمكىن ەمەس. جاۋاپكەرشىلىگى جوق وقۋشىلار، ۇنەمى قاداعالاۋدى تالاپ ەتەدى. قىزىعۋشىلىقتارى: ولاردىڭ كوپشىلىگى ۇيالى تەلەفونداردىڭ جاڭا مودەلدەرىن بەلسەندى تالقىلايدى. كەيبىر وقۋشىلار مۋزىكامەن جانە سپورتپەن شۇعىلدانادى. ساباقتان بوس ۋاقىتىندا كوپشىلىگى اتا- اناسىنا قول جاردەمىن بەرەدى. كەيبىر وقۋشىلار قىش قالاپ، ءۇي شارۋاشىلىعىندا بارلىق دەرلىك جۇمىستى اتقارادى. سىنىپتاعى قارىم-قاتىناس: قارىم -قاتىناستار ەكى ادامنان ءتورت ادامعا دەيىنگى شاعىن توپتاردا جۇرەدى. شاعىن توپتارعا كىرمەيتىن بارلىعىمەن بىرگە ارالاساتىن وقۋشىلار دا بار. فيزيكا ءپانى ءمۇعالىمى: ايپەيسوۆا ب.م. 8 «گ» سىنىبىنداعى جەتىستىگىم سىنىپتاعى وقۋشىلار سانى: 23، جاسى: 13-14. سىنىپتىڭ قۇرامى: ەر بالالار- 9، قىزدار -14. سىنىپ وقۋشىلارىمەن تىعىز بايلانىس ورنادى. ولاردىڭ ماعان دەگەن سەنىمدىلىك كوزقاراسى پايدا بولدى. سىنىپ جەتەكشىسىنە اشىلىپ ايتا المايتىن دۇنيەلەرىن، ماعان ايتا باستادى.تاقتادان قورقۋ ۇرەيى جوعالدى.فيزيكا پانىنە دەگەن قىزىعۋشىلىقتارى ارتتى. مەنى كۇتىپ، ىزدەيتىن بولدى. توپ، شاعىن مەملەكەت، سىنىپ دەگەن ۇعىمداردىڭ ءمانىن تۇسىنە باستادى. اۋىزبىرشىلىك، ىنتىماقتاستىق، ءبىر ء-بىرىن قولداۋ پايدا بولدى. وقۋشىلار ءوز جۇمىستارىنىڭ ساپاسىن كوتەرۋگە تىرىساتىن بولدى جانە ونى جاقسارتۋدىڭ مۇمكىندىكتەرىن ىزدەي باستادى.ارينە بۇل مەنىڭ جۇمىسىمدى جەڭىلدەتتى. ولار ساباق ءۇشىن تەك ءمۇعالىم عانا جاۋاپتى ەمەس ەكەندىگىن ءتۇسىندى. ساباقتىڭ قىزىقتى وتۋىنە وزدەرىنىڭ تىكەلەي قاتىسى بارىن ءتۇسىندى. جاڭا فورماتتاعى ساباقتاردى قۋانا قابىلدادى. وقۋشىلاردىڭ شىعارماشىلىق ويلاۋ قابىلەتى ارتتى. ولار ءوز ويلارىن سۋرەت ارقىلى بەرە ءبىلدى. ولاردىڭ «سۋرەتتەر سويلەيدى» سيكلى بويىنشا جۇمىستارى جيناقتالعان. بۇل - وقۋشىنى جاڭا قىرىنان كورسەتەتىن جۇمىستار بولىپ تابىلادى. مەنىڭ ءوزىم ولاردىڭ جۇمىستارىنا تاڭقالىپ، ءپان مۇعالىمدەرىنە كورسەتتىم.سوندا كەيبىر مۇعالىمدەر: بۇلاي ويلاي الادى ما؟ دەپ تاڭىرقاعان. جاڭا فورماتتاعى ساباقتارعا بايلانىستى قىسقامەتراجدى فيلم دە ءتۇسىردى. ءوز ويلارىن اشىق ايتا باستادى. 13-جەلتوقساندا 8د جانە 8گ سىنىپ وقۋشىلارىمەن بىرىگىپ «ەلەكتر توعىنىڭ جىلۋلىق اسەرى. دجوۋل -لەنس زاڭى» تاقىرىبىندا ونلاين ساباق وتكىزدىم. ساباق جوعارى دەڭگەيدە ءوتتى. ءوزىمنىڭ دە كوڭىلىمنەن شىقتى.ارينە جوعارى دەڭگەيدەگى تاپسىرمالاردىڭ باسىم كوپشىلىگىن 8د سىنىپ وقۋشىلارى ورىندادى. ءبىراق 8گ سىنىپ وقۋشىلارى دا، تومەنگى جانە جەتكىلىكتى دەڭگەي تاپسىرمالارىن ورىنداۋدا ايتارلىقتاي جەتىستىكتەرگە جەتىپ وتىردى. پراكتيكالىق تاپسىرمانى ورىنداۋدا ەكى سىنىپ تا بەلسەندىلىك تانىتتى. بۇرىن سوڭدى مۇنداي ءىس-شارالارعا قاتىسپاي قاشقاقتاپ، تىپتە ۇلگەرەتىن وقۋشىلاردىڭ وزدەرى قورقا سوعا ۇرەيلەنە قارايتىن. بۇل ساباققا وزدەرى نيەت ءبىلدىرىپ قاتىسۋلارىن سۇراندى. مەن ءۇشىن بۇل ۇلكەن ناتيجە. اقپان ايىندا وتكىزىلگەن اپتالىقتا ماتەماتيكادان «كۆادرات تەڭدەۋلەردى شەشۋ» تاقىرىبىندا اشىق ساباق وتكىزدىم. ساباق مەن ءۇشىن قاراپايىم ستاندارتقا ساي بولدى. ال وقۋشىلار ءۇشىن كەرەمەت ساباق بولدى.سەبەبى ساباقتى وزدەرى دايىنداپ، بارلىق دەرلىك وقۋشى وسى ساباقتى وتكىزۋگە اتسالىستى. مەن ايتار بولسام، ولار ءبىر ۇلكەن توي وتكىزگەندەي قۋانىشتا بولدى.ولار ءۇش توپقا ءبولىنىپ، جۇمىلا جۇمىس جاسادى. ساباقتان سوڭ بەرگەن كەرى بايلانىستا: «بىزبەن ەشقانداي ءمۇعالىم اشىق ساباق وتكىزبەگەن ەدى؛ ءبىز جۇمىلعان جۇدىرىق سەكىلدى بىرىگىپ جۇمىس جاسادىق؛ ەندى ءبىز 8د سىنىبىمەن جارىسامىز؛ ءبىزدىڭ دە قولىمىزدان كەلەدى ەكەن؛ ءبىرىنشى رەت تاقتادا جۇمىس جاسادىم؛ توپتا مەن گرافيكتى سالدىم جانە ءوزىمنىڭ سوزدەرىمدى قولدانىپ تۇسىندىرە العانىما قۋانىشتىمىن، ت.ب.». ولار وزدەرىن باعالاۋدى ۇيرەندى. مەن ءۇشىن «5 مينۋتكا» باعالاۋدى ۇيرەتۋدىڭ بىردەن- ءبىر ءتيىمدى ءتاسىلى بولدى.ولارعا بەس تاپسىرما بەرىلەدى. تاپسىرمانىڭ دەڭگەيىنە قاراي باعاسى مەن ۇپاي سانى بەلگىلەنەدى. كەيىن وقۋشىلاردىڭ وزدەرى باعاسى مەن ۇپايىن كورسەتەتىن بولدى. تاپسىرمانىڭ ورىندالۋىنا قاراي وزدەرىنىڭ باعالارىن بىلەتىن بولدى. بۇل ەڭ قاراپايىم ءتاسىل. ولار ۇشتىك باعانىڭ ءقادىرىن ءتۇسىندى. اۋزىن اشپاي ۇشتىك قويىلمايتىنىن ءبىلدى. دايىندىقپەن كەلىپ العان ۇشتىككە قۋاناتىن حالگە جەتتى. ءار ساباقتان سوڭ ۋاقىت قالدىرۋدى تالاپ ەتە باستادى. كەي كەزدەردە ۋاقىتتىڭ جەتىسپەۋشىلىگىنە بايلانىستى مەن كەرى بايلانىستى جاسامايتىنمىن، ماعان قاراماستان قوڭىراۋ كەزىندە ءبىر- بىرىنە كەرى بايلانىس بەرىپ جاتاتىن. مەن ارينە وعان قۋاناتىنمىن. ولار ءۇشىن كەرى بايلانىس، جاڭا فورماتتاعى ساباقتىڭ ەڭ ماڭىزدى ەلەمەنتى بولىپ تابىلادى. جوعارعى سىنىپ وقۋشىلارىنىڭ قوسىمشا ساباقتارىندا (تەرموديناميكا؛ ەلەكتر قۇبىلىستارى؛ دجوۋل -لەنس زاڭى؛ وم زاڭى؛ ەلەكتر زاريادى؛ ەلەكتر كەرنەۋى؛ەلەكتر تىزبەگى ت.ب.) 8د جانە 8گ سىنىپ ىشىندەگى فيزيكاعا ىنتالى وقۋشىلاردى قاتىستىرا وتىرىپ ەسەپتەر شىعاراتىن بولدىق. بۇل ەكسپەريمەنتكە قاتىسقان وقۋشىلار وزدەرىن كوشباسشى رەتىندە ساناپ، كەلەسى وسىنداي ساباقتارعا دايىندىقپەن كەلەتىن بولدى. كوكىرەكتەرىن ماقتانىش كەرنەپ، فيزيكاعا قۇشتارلىقتارى ارتتى. بۇل ءتاسىل ولاردى شىڭداي ءتۇستى. وزدەرى «ديالوگ» ساباعىن ۇسىنىپ، ونى ىسكە اسىرا ءبىلدى. وسى ساباقتاردىڭ ارقاسىندا، ءوزىمنىڭ دە كەمشىلىكتەرىمدى تۇسىنە باستادىم. تاقتاعا شىقپاق تۇگەلى، اۋزىن اشپايتىن وقۋشىلار دا، وسى ساباقتار توپتاماسىنا بەلسەنە قاتىستى. ءدال وسى «ديالوگ» ساباقتارىنىڭ توپتاماسىنا كوپتەگەن باسقا مۇعالىمدەر دە قىزىعۋشىلىق تانىتىپ وتىردى. وسى زەرتتەۋ ناتيجەلەرىن باسىلىمدا جاريالاپ، ۇستاز ۆەب سايتىنان انىقتاما الدىم. ولاردىڭ جەتىستىكتەرىن ارىپتەستەرىممەن ءبولىستىم. مۇعالىمدەردىڭ وسى سىنىپقا كوزقاراسىنىڭ وزگەرگەندىگىن مەن دە، وقۋشىلار دا بايقادى. سىنىپ وقۋشىلارى «ديالوگ» ساباعىن بيولوگيا ءپانى ءۇشىن دە وتكىزگەن بولاتىن.2-3 ساباقتارىنا قاتىسىپ ءدال سول فيزيكاداعى قولداناتىن ادىس-تاسىلدەردىڭ بيولوگيادا الدە قايدا وڭاي جانە قولجەتىمدى ەكەندىگىن كوردىم. بۇل ساباقتاردا وقۋشىلار ايتارلىقتاي بەلسەندى بولدى. ولاردان سۇحبات الۋ بارىسىندا، بيولوگيانىڭ مەنىڭ پانىمە قاراعانداعى ارتىقشىلىعىن بايقادىم. سەبەبىن سۇراعانىمدا، بيولوگيادا ەسەپ جوق دەپ جاۋاپ بەردى.سوندا وقۋشىلار ءۇشىن فورمۋلانى تۇرلەندىرۋ، شامالاردى اينالدىرۋ جانە ماتەماتيكالىق ەسەپتەۋ جۇمىستارىنىڭ قيىندىق تۋدىراتىندىعى بەلگىلى بولدى. ارينە، فيزيكا – قيىن ءپان. فيزيكانى ءبىلۋ ءۇشىن حيميا، بيولوگيا جانە گەوگرافيا پاندەرىن مەڭگەرۋ قاجەت. ال، ماتەماتيكاسىز فيزيكانى وقىپ-ۇيرەنۋ ءتىپتى دە مۇمكىن ەمەس. مەن بەلسەندى سىنىپ قۇرا الدىم دەپ ەسەپتەيمىن. وقۋشىلار ءبىر –بىرىمەن سويلەسەدى. ولار مۇعالىمگە جانە سىنىپتاستارىنا سۇراق قويادى. وزدەرىنىڭ سىنىپتاستارىمەن جۇمىس جاساۋ ءۇشىن كابينەت ىشىندە قوزعالادى. وزدەرى تۇسىندىرەدى جانە كورسەتەدى. وقۋشىلار وزدەرىن ەركىن ۇستايدى جانە ءبىر –بىرىمەن وي بولىسەدى. بۇل جايتتەر بەلسەندىلىكتىڭ كورىنىسى ەكەندىگى داۋسىز. مەنىڭ ماقساتىم وقۋشىلاردىڭ فيزيكا پانىنە قىزىعۋشىلىعىن ارتتىرۋ بولاتىن. مەن ماقساتىما جەتتىم.

---