وقۋعا تۇسە الماعان جۇمىسسىز جاستاردى جاپپاي اعىلشىن تىلىنە وقىتۋ جوسپارلانۋدا
بۇگىن ق ر ۇكىمەتىنىڭ وتىرىسىندا ق ر دەنساۋلىق ساقتاۋ جانە الەۋمەتتىك قورعاۋ ءمينيسترى تامارا دۇيسەنوۆا جۇمىسسىز جاستاردى «جۇمىسپەن قامتۋ» باعدارلاماسى اياسىندا اعىلشىن تىلىنە جانە كومپيۋتەرلىك ساۋاتتىلىققا وقىتۋدى ۇسىندى.
«ءبىز وقۋعا تۇسە الماعان، وقۋ بىتىرگەن سوڭ جۇمىسقا ورنالاسا الماعان جاستاردى كومپيۋتەرلىك ساۋاتتىلىققا، اعىلشىن تىلىنە جانە كاسىپكەرلىك نەگىزدەرىنە ۇيرەتۋدى ۇسىنامىز»، - دەدى ت. دۇيسەنوۆا.
ونىڭ ۇستىنە مينيستر، جاستار تاجىريبەسى اياسىندا بەرىلەتىن جالاقىنى 38 مىڭ تەڭگەدەن 50 مىڭ تەڭگەگە دەيىن جوعارىلاتۋدى ۇسىندى.
«ۇشىنشىدەن، ۇبت-نىڭ شەكتى دەڭگەيىن الا الماعان مەكتەپ بىتىرۋشىلەرى ءۇشىن كاسىبي جۇمىسشى ماماندىقتارى بويىنشا، جۇمىس بەرۋشىلەردىڭ ۇسىنىسىمەن تولەنەتىن 12 ايلىق وقىتۋدى ەنگىزۋ قاجەت دەپ سانايمىز»، - دەدى دەنساۋلىق ساقتاۋ جانە الەۋمەتتىك دامۋ ءمينيسترى.
ونىڭ ايتۋى بويىنشا، اتالعان ۇسىنىستاردى قابىلداۋ ءۇشىن قاجەتتى ءتيىستى ەسەپتەۋ جۇمىستارى ءبىر اپتا ىشىندە دايىن بولاتىنىن xابارلادى.
«تاعى ءبىر ۇسىنىس، تەxنيكالىق جانە كاسىبي ءبىلىم بەرۋ مەكەمەلەرىنە، كوللەدجدەرگە تۇسە الماعان جاستاردى ەلىمىزدىڭ قارۋلى كۇشتەرىنە تارتۋ بويىنشا جۇمىستى قورعانىس مينيسترلىگىمەن جاساقتاۋ قاجەت دەپ ويلايمىن. وسىنىڭ اياسىندا قۇرىلىس باتالوندارىن قۇرۋ تاجىريبەسىن جانداندىرۋعا بولار ەدى جانە سونىڭ اياسىندا ماماندارىمىز جەتپەي جاتقان سالالارعا باعىتتاۋعا بولادى»، دەدى ت. دۇيسەنوۆا.
You Might Also Like
-
El Ateneo Grand Splendid - بۋەنوس-ايرەستە ورنالاسقان الەمدە تەڭدەسى جوق كىتاپ دۇكەنى.
-
جيىرما بەس قالايى سولدات بولىپتى. ءبارىنىڭ دە اناسى ءبىر قالايى قاسىق، ءاعالى-ىنىلى باۋىرلار ەدى. ءبارى دە قاراسا كوز تويماتىن سىمباتتى سۇلۋ بولاتىن: ءبارىنىڭ دە قىزىل ءادىپتى ءمۋنديرى، يىعىنا اسقان مىلتى...
