InfoHub Logo

كۇنسىز پلانەتامىزداعى ءومىردى ەلەستەتۋ مۇمكىن ەمەس. تاڭنىڭ اتۋى مەن كۇننىڭ باتۋىن تاماشالاعاندى جاقسى كورمەيتىن جان جوق شىعار. باسقا پلانەتالاردان كۇن قالاي كورىنەتىنىن ەلەستەتە الاسىز با؟ رون ميللەردىڭ (Ron Miller) جىلداپ قۇراستىرعان عارىشتىق كەڭىستىكتىڭ ساندىق سۋرەتتەرىنە نازار اۋدارىڭىزدار.

باسقا 8 پلانەتادا كۇن قالاي كورىنەتىنىن تومەندەگى سۋرەتتەردەن تاماشالاساڭىز بولادى.

 

مەركۋريي

^{© Ron Miller}  

مەركۋريي كۇننەن 60 ملن شاقىرىمدا ورنالاسقان. كۇن مەن جەر اراسىنداعى اراقاشىقتىقتىڭ 39%. مەركۋريدە تاڭنىڭ اتۋى جەرگە قاراعاندا 3 ەسە اشىعىراق.

 

شولپان

^{© Ron Miller}  

شولپاننان كۇن 108 ملن شاقىرىمدا ورنالاسقان. (جەر مەن كۇن اراسىنداعى اراقاشىقتىقتىڭ 72%). قويۋ گازدى بۇلتتاردان كۇن بۇلىڭعىر كۇندەگى داق سياقتى كورىنەدى.

 

مارس

^{© Ron Miller}  

قىزىل پلانەتادان كۇن 230 ملن شاقىرىم ۇزاقتىقتا ورنالاسقان. جەرمەن سالىستىرعاندا اراقاشىقتىق 1،5 ەسە كوپ. الايدا كۇننىڭ كورىنۋىنە اراقاشىقتىق ەمەس، اتموسفەراعا دەيىن كوتەرىلەتىن شاڭدى جەلدەر كەدەرگى.

 

يۋپيتەر

^{© Ron Miller}  

يۋپيتەردىڭ سەرىگىنىڭ ءبىرى، ەۆروپادان كۇننىڭ كورىنىسى. يۋپيتەر مەن كۇننىڭ اراقاشىقتىعى 779 ملن شاقىرىمدى قۇرايدى (بۇل دەگەنىمىز كۇن مەن جەردىڭ اراقاشىقتىعىنان 5،2 ەسە كوپ). كۇننىڭ جارىعى اتموسفەرا قاباتتارىنان ءوتىپ، قىزىل تۇسپەن جارىقتاندىرادى.

 

ساتۋرن

^{© Ron Miller}  

ساتۋرن ەڭ تانىمال پلانەتا. كۇن مەن ساتۋرندى 1،5 ملرد شاقىرىم بولۋدە. (ءبىزدىڭ پلانەتامىز بەن كۇننىڭ اراقاشىقتىعىنان 9،5 ەسە كوپ).  كۇننىڭ ساۋلەلەرى سۋ كريستاللدارى مەن گازداردىڭ اسەرىنەن سىنىپ، ساۋلە جيەكتەرى مەن جالعان كۇن سياقتى تاماشا وپتيكالىق اسەرلەر تۋدىرادى.

 

ۋران

^{© Ron Miller}  

ۋران سەرىگىنىڭ بىرىندە، اريەلدە تاڭنىڭ اتۋى سۋىق بولعانمەن وتە اۋقىمدى. كۇن 2،8 ملرد شاقىرىمدا ورنالاسقاندىقتان كۇننىڭ جىلۋى كەلمەيدى. كۇن مەن جەردىڭ اراقاشىقتىعىمەن سالىستىرعاندا 19 ەسە كوپ.

 

نەپتۋن

^{© Ron Miller}  

تريتونداعى كۇننىڭ كورىنىسى. تريتون نەپتۋن ايلارىنىڭ ءبىرى. اراقاشىقتىق 4،5 ملرد شاقىرىم (جەر مەن كۇننىڭ اراقاشىقتىعىنان 30 ەسە كوپ).  شاڭ مەن گازدى الىپ گەيزەرلەردەن كۇن ءجوندى كورىنبەيدى.

 

پلۋتون

^{© Ron Miller}  

ەڭ الىس ورنالاسقان پلانەتادان كۇن كىشكەنتاي جارقىراعان نۇكتە بولىپ كورىنەدى. پلۋتون مەن كۇننىڭ اراقاشىقتىعى 6 ملرد شاقىرىم. (جەر مەن كۇننىڭ اراقاشىقتىعىنان 40 ەسە كوپ.) پلۋتوندا جارىق جەرمەن سالىستىرعاندا 1600 ەسە كۇڭگىرت، ءبىراق جەردەگى تولىق اي جارىعىنان 250 ەسە جارىعىراق.  

---