ۋاق
ۋاق دەگەن ەل ەسكى شەجىرەلەردە جوق، ابىلاي حان زامانىندا عانا ايتىلادى. ورىس جازۋشىلارى كەرەيدەن شىققان ەل بولسا كەرەك دەيدى. سەبەبى ورىس اسكەرى العاش جولىققاندا كەرەي، ۋاق ارالاس ەكەن جانە تاڭباسى دا - كەرەيدىڭ كرەش تاڭباسى. بالكاشين دەگەن كىسى «ۋاق اتاسى - ەركوكشە، ول ايدارحاننىڭ بالاسى، ول قامبارحان ناسىلىنەن» دەيدى. بۇل ءسوز قازاقتىڭ دالەلسىز ءسوزى سىقىلدى كورىنەدى. ليەۆشين مەنەن بالكاشين ۋاقتىڭ «سارباعىس دەگەن تابى - 1750 جىلدان اسقان كەزدە ابىلاي حان قارا قىرعىزدى شاۋىپ الىپ كەلگەن تۇتقىندارىنىڭ ءناسىلى» دەيدى. مەنىڭ ويىمشا، ۋاق دەگەن - ۇساق ەل دەگەن سوزدەن. ارعىن، نايمان، كەرەي ىشىندە ۇساق اتا جيىلعان بولار.
ءبىزدىڭ بىلگەنىمىز، مۇنداعى ۋاق اتالارى - سارمان، شۇعا. سارماننىڭ ەكى بالاسى - قاراگوز، كوكشەگوز؛ شۇعانىڭ بەس بالاسى - ساربايان، ياكي سارباعىس، سارشا، بايىمبەت، مۇرات، سىرگەلى.
جانە ءبىر ءسوز: اريستوۆ سوزىنشە، ماۋرەناھارداعى وزبەك ىشىندەگى نايمان اتانعان ءۇش رۋ بار - سادىربەك، قوستامعالى، ۋاقتامعالى. سولار «قازاقپىن، قوڭىراتپىن نايماننان بولىنگەن» دەيدى، سول ۋاقتامعالى ۋاق بولۋعا مۇمكىن.
You Might Also Like
-
ابىل بايماعامبەتتى دە اشكەرەلەيتىن ءسوز ايتىپ، ەل اكىمدەرىنەن ءبىراز كۋعىن كورەدى. سول كەزدە قايىپالدى تاعى كەزدەسىپتى. قاسىندا حيۋا نوكەرلەرى بار ەكەن.
-
استانا. قازاقپارات - قازاقستان تاريحى مەكتەپتەردە مەملەكەتتىك تىلدە وقىتىلادى. بۇل تۋرالى ورتالىق كوممۋنيكاسيالار قىزمەتىندە 2015-2020 جىلدارعا ارنالعان ءۇشتىلدى ءبىلىمدى دامىتۋدىڭ جول كارتاسىن تانىس...
