InfoHub Logo

...بۇل ويىندارمەن ءوزىڭىز دە ويناعىڭىز كەلىپ كەتەدى

بۇرىنىراقتا بالالار ارى كەتسە «جاس تەحنيك» جيناعىمەن وينايتىن، ال ءقازىر ءار وقۋشى جيىرما جىل بۇرىن عالىمدارعا ارمان بولعان قۇرىلعىلارعا قول جەتكىزە الادى. ءبىز بالانى قۋانتىپ قويماي، پايدالى ادەتتەرگە ۇيرەتەتىن توعىز گادجەتتى توپتاستىردىق.

Lego Mindstorms

Lego كومپانياسىنان Mindstorms روبوتى

Lego كونسترۋكتورلارى — ءوز بەتىنشە دامىتاتىن تاماشا ويىنشىق، ال Mindstorms روبوتتار سەرياسى قۇراستىرۋدى عانا ەمەس، پروگراممالاۋدى دا ۇيرەتەدى. پروگراممالار كومپيۋتەردە ۆيزۋالدى رەداكتوردا جاسالادى نەمەسە ءداستۇرلى پروگراممالاۋ تىلدەرىنىڭ بىرىندە جازىلادى، ال كەيىن باسقارۋشى مودۋلگە بەرىلەدى. وعان كەز كەلگەن بولشەكتەردى قوسۋعا بولادى جانە ارمانىڭداعى روبوتتى جاساۋعا بولادى. Mindstorms-تى كەيدە ينجەنەرلىك جانە كوركەمدىك جوبالار سياقتى سالماقتى ماقساتتارعا دا پايدالانادى. سوڭعى مودەل EV3 دەپ اتالادى جانە ءۇش ءتۇرلى روبوت جاساۋ ءۇشىن بولشەكتەر جيناعىمەن جابدىقتالعان.

ساندىق ميكروسكوپ

Bresser Junior ساندىق ميكروسكوبى

قاراپايىم ۆەب-كامەراعا ۇقسايتىن بۇل كىشىگىرىم گادجەت كومپيۋتەردى ميكروالەمدى زەرتتەۋگە ارنالعان تاماشا قۇرالعا اينالدىرادى. ساندىق ميكروسكوپتىڭ كومەگىمەن ۇلپالاردىڭ جاسۋشالارىن ءوز كوزىڭمەن كورىپ قانا قويماي، سۋرەتىن نەمەسە ۆيدەوسىن ساقتاپ الۋعا مۇمكىندىك بەرەدى. قاراپايىم ميكروسكوپ سياقتى قولدانۋعا بولاتىن مودەلدەرمەن (كامەرا قاجەت بولسا كوزگە كيىلەدى) قاتار، تولىقتاي ەلەكتروندىق مودەلدەر بار. مودەلدەردىڭ، باعالاردىڭ جانە جيناق جەتكىزىلىمدەرىنىڭ بىر-بىرىنەن ايىرماشىلىعى جوعارى. شەتەلدە My First Lab ماركاسى تانىمال، بىزدە — Bresser Junior مەن EVA.

پروگراممالاناتىن روبوت

Anki فيرماسىنىڭ Cozmo روبوتى

جىل سايىن روبوتتالعان ويىنشىقتاردىڭ سانى ارتىپ كەلەدى. وكىنىشكە قاراي، ولاردىڭ كوبى جاي عانا راديومەن باسقارىلاتىن ماشينالاردىڭ جەتىلدىرىلگەن (ءساتى تۇسسە) نۇسقاسى جانە ولاردىڭ ءبىلىم بەرۋگە ۇلەسى از. ءبىراق بۇدان دا قىزىق زاتتار بارشىلىق. مىسالى، Sphero روبوشارلارى تەلەفون كوماندالارىنا باعىنىپ، ەدەندە دومالاپ قانا قويمايدى. ولار پروگراممالاۋدىڭ ۆيزۋالدى تىلىندە سيپاتتالاتىن كۇردەلى ارەكەتتەردى جاساي الادى. سول سالادان تاعى ءبىر قىزىقتى جۇمىس — بۇل Anki فيرماسىنىڭ Cozmo روبوتى. ونىڭ فۋنكسيونالدىعى جايلى جانە تاماشا ميميكاسىنا ازىرشە تەك ۆيدەودان تامسانۋعا بولادى، ءبىراق Cozmo وسى جىلى ساتىلىمعا ءتۇسۋى كەرەك.

اسىراندى-روبوت

روبوجانۋار Furby

ەگەر بالا پروگراممالاۋعا قىزىقپاسا، وندا بالكىم وعان بالالارعا ارنالعان روبوتتاردىڭ باسقا ساناتى قىزىقتىرۋى مۇمكىن. بۇل ەمپاتيانى دامىتۋعا كومەكتەسەتىن جانە ادەتتە اتجالماندار مەن تاسباقالاردىڭ بەينەتىن وزىنە الاتىن روبوتتار. ولار وزدەرىنە جاسالاتىن بارلىق ارەكەتكە جاۋاپ بەرە الاتىنداي كوپتەگەن سەنسورلارمەن جابدىقتالعان. ءساتتى مىسالداردىڭ ىشىندە — قالقانقۇلاق دومالاق كوزدى Furby روبوجانۋارلارىنىڭ تانىمال سەرياسى. بۇل كوڭىل ەلجىرەتەتىن بوگدەپلانەتالىقتار جاساندى ينتەللەكتىگە يە: بۇل ولارعا وزدەرىن ءاردايىم جەتىلدىرىپ وتىرۋ ءۇشىن ءبىلىم الۋعا جانە دامۋعا مۇمكىندىك بەرەدى. اباي بولىڭىز: قۇلاتىپ العان جانە قۇلاعىنان سۇيرەلەگەن Furby قىڭىر جانە مەيىرىمسىز بولىپ وسەدى. ەسكىلەردىڭ، ءبىراق ءوز زامانىنىڭ وزىعى بولعان ءارى ءالى كۇنگە دەيىن بەدەلىن جوعالتپاي كەلە جاتقانداردىڭ ىشىنەن Pleo روبودينوزاۆرىن ۇسىنۋعا بولادى. ول سويلەمەيدى جانە جۇگىرمەيدى، ەسەسىنە ونى سيپالاعاندا پىرىلداپ، ناعىز ءۇي جانۋارى سياقتى كوزىن دومالاتادى.

3D-قالام

3Doodler 3D-قالامى 

ءۇش جىل بۇرىن الەمدە «3D-قالام» دەپ اتالاتىن گادجەتتەردىڭ جاڭا كلاسى پايدا بولدى. مۇنداي قالامنىڭ ىشىندە تەز كەبەتىن پلاستيكتىڭ ەكسترۋدەرى ورنالاسقان. باتىرماعا باسۋ ارقىلى ونىمەن جازىقتىقتا نەمەسە ءتىپتى ونىڭ استىندا قاتتى زاتتاردى سالۋعا بولادى. مۇنداي قالاممەن جۇمىس ىستەۋ شىدامدىلىق پەن ءبىرشاما شەبەرلىكتى قاجەت ەتەدى، ەسەسىنە ناتيجەسىندە ناعىز مۇسىندەر شىعادى. 3Doodler مۇنداي قۇرالداردىڭ العاشقىسى بولدى، كەيىن وسىعان ۇقساس ءتۇرلى قۇرالدار شىقتى: 3DYAYA، Myriwell جانە ت.ب.3D قالامدار بالالارعا ۇنايدى دەۋدىڭ قاجەتى بار ما؟ شىن مانىندە، بۇل فلوماستەر، پلاستيلين مەن اعاشقا ويىپ جازاتىن قۇرالدىڭ جيىنتىعى دەسە بولادى، ءبىراق ءبىرشاما جەتىلدىرىلگەن نۇسقاسى.

ەلەكتروندىق كومپونەنتتەردىڭ جيىنتىعى

«ميكرونيك» جيناعى

ەلەكتردىڭ قاسيەتتەرى مەن ەلەكترتىزبەكتەرىنىڭ قۇرىلۋ پرينسيپتەرىن زەرتتەۋ ءۇشىن ەشقانداي جيناقتاردىڭ قاجەتى جوق: تاجىريبەلەرگە قاجەتتىنىڭ بارلىعى راديوبولشەكتەر دۇكەنىندە ساتىلادى. دەگەنمەن، كومپونەنتتەر ءبىر قوراپتا نۇسقاۋلىعىمەن بىرگە جيناقتالعاندا ءتۇسىنۋ الدەقايدا وڭاي. شەتەلدە Littlebits فيرماسىنىڭ تاماشا جيناقتارى بار، بىزدە، مىسالى، «ميكرونيك» جيناعىنا نازار اۋدارۋعا بولادى. جىلتىلدايتىن وتتار، قاراپايىم مۋزىكالىق قۇرالدار، تايمەرلەر مەن سيگناليزاسيالار — مۇنىڭ ءبارىن ءوز قولىڭمەن جيناۋ قيىن ەمەس.

ميكروكومپيۋتەر

Arduino ميكروكومپيۋتەرى 

ەلەكتروتەحنيكا پرينسيپتەرىن مەڭگەرگەن جوعارعى سىنىپ وقۋشىلارىنا ءوز جوبالارىندا زاماناۋي ميكروكونتروللەرلەر مەن ميكروكومپيۋتەرلەردى پايدالانۋعا ءوتۋدى ۇسىنۋعا بولادى. مۇندا تاڭداۋ كەڭ، ءبىراق العاشىندا اسا تانىمال قۇرالداردى تاڭداعان ءجون، ولار ءۇشىن كوپتەگەن دايىن پروگراممالار مەن نۇسقاۋلىقتار بار. ءبىرىنشى كەزەكتە بۇل Arduinoمەن Raspberry Pi. ەكەۋى دە كىرگىزۋ-شىعارۋ پورتتارى دانەكەرلەنگەن كىشىگىرىم پلاتالارعا ۇقساس. مۇندا ءوز كومپونەنتتەرىڭدى قوسۋعا بولادى: داچيكتەر، موتورلار، شامدار جانە ت.ب. Arduino-نى مەڭگەرۋ وڭاي جانە اقىلدى ەلەكترونيكامەن بايلانىستى كەز كەلگەن جوبالارعا جارايدى. Raspberry Pi — بۇل Linux وپەراسيالىق جۇيەسى بار تولىققاندى كومپيۋتەر. وعان ءتىپتى پەرنەتاقتا مەن مونيتوردى دا قوسۋعا بولادى جانە قاراپايىم دەسكتوپتا جۇمىس ىستەگەندەي ىستەي بەرۋگە بولادى.

ويىنشىق كۆادروكوپتەر

Parrot كومپانياسىنان Airborne Cargo Drone سەرياسىنىڭ ويىنشىق كۆادروكوپتەرى

وزدەرىن اۋەدە ۇستاي الاتىن روبوتتالعان ۇشاتىن اپپاراتتار سوڭعى جىلدارى ۇلكەن تانىمالدىلىققا يە بولدى. كۆادروكوپتەرلەردىڭ اۋەسقوي، كاسىپقوي مودەلدەرى بار، سونىمەن قاتار وتە قاراپايىمدارى — بالالارعا ارنالعانى بار. ەگەر ەلەكتروندىق كونسترۋكتورلارعا قىزىعۋشىلىق — بۇل راديواۋەسقويلىقتىڭ بالاماسى بولسا، وندا كۆادروكوپتەرلەردى باسقارۋ — بۇل اۆيامودەلدەۋ. وراۋىن شەشىپ، ۇشقىشسىز قۇرىلعىنى قۋاتتاپ العان سوڭ ۇشىرۋدى باستاپ كەتۋگە بولادى. ەڭ كىشكەنتاي مودەلدەردى ءۇي ىشىندە ۇشىرۋعا دا بولادى، ءبىراق ولاردىڭ ءوزى ءقازىر كامەرامەن جابدىقتالىپ، اسپاننان تاماشا كورىنىستەردى تۇسىرە الادى. مىسالى، Cheerson CX–10 كۆادراكوپتەرى ءتىپتى الاقانعا سىيىپ كەتەدى. ال Parrot فيرماسىنىڭ Airborne Cargo Drone قىزىقتى سەرياسى بار — بۇل ۇشقىشسىز باسقارىلاتىن قۇرىلعىلاردىڭ دەنەسى Lego-نىڭ بولشەكتەرگە ارنالعان جالعاستىرعىش تەتىكتەرمەن جابدىقتالعان. وقۋعا، ارينە، مۇنداي ويىنشىقتار كومەكتەسپەيدى، ەسەسىنە كوپ قۋانىش سىيلاپ، بۇدان دا ءىرى كۆادراكوپتەرلەردى باسقارۋعا دايىندايدى.

اقىلدى قالامۇش

WacomBambooSpark جيناعى

اقىلدى قالامۇشتار («اقىلدى قالامدار»، «ساندىق قالامدار») سىرتىنان اۋىستىرمالى جازاتىن بولىگى بار قاراپايىم قالامساپقا ۇقسايدى. بار قۇپيا ىشىندە جاسىرىلعان كىشىگىرىم كومپيۋتەردە. ول قاعازعا جاناسقانداعى بارلىق مالىمەتتى جازىپ الادى. قالامساپپەن داپتەرگە نەمەسە پاراققا جازامىز دا، كەيىن جازىلعان نەمەسە سالىنعاننىڭ ءبارىن كومپيۋتەرگە جىبەرەمىز. بۇل كونسپەكتىنى سەنىمدى ساقتاۋعا، سۋرەتتىڭ ساندىق كوشىرمەسىن الۋعا نەمەسە مەكتەپ شىعارماسىن جاسىرىن الىپ شىعۋعا مۇمكىندىك بەرەدى. مودەلدەر باعاسىمەن عانا ەمەس، سىرتقى كەلبەتىمەن، جۇمىس پرينسيپتەرىمەن دە ەرەكشەلەنەدى. Ritmix برەندىنىڭ ارزان جۇڭگو قالامساپتارى، مىسالى، تۇرىقتاندىرۋ ءۇشىن پاراققا ارنايى شامشىراق جابىستىرۋدى تالاپ ەتەدى. Wacom Bamboo Spark — بۇل ىشىنە قاراپايىم بلوكنوت بەكىتىلگەن قالامساپ پەن پلانشەت قاپتاماسىنان تۇراتىن جيناق. Livescribe قالامدارى ساپاسىمەن كوزگە ءتۇستى، ءبىراق ونىمەن جۇمىس ىستەۋ ءۇشىن پاراقتارىندا ميكروبەلگى جاسىرىلعان فيرمالىق داپتەرلەردى ساتىپ الۋ قاجەت. ەسەسىنە Livescribe Echo مودەلدەرى جازىلعاندى ساقتاپ قانا قويماي، جازىلعاندى سالىستىرۋعا مۇمكىندىك بەرەتىن دىبىستى دا جازىپ الا الادى.

---