وشاعان
وشاعان (دۋرنيشنيك، Xanthium) — بيىكتىگى 1 مەتردەن اساتىن، ءبىر جىلدىق، ءشوپ تەكتەس وسىمدىك. ساباعىن قىسقا تۇك باسقان، بۇتاقتارى كوپ. جاپىراقتارى ءۇش سالالى، تومەنگى جاعىنداعىلارى جۇرەك ءتارىزدى، شەتتەرى وتكىر ءتىستى. گۇلدەرى جاپىراقتارىنىڭ قۋىسىندا ماساق سياقتانىپ شوعىرلانىپ تۇرادى. ماۋسىم ايىنان تامىز ايىنا دەيىن گۇلدەيدى. باقشالاردا، ۇيلەردىڭ ماڭايىندا، جولداردىڭ جيەگىندە، سۋارمالى ەگىستىكتەردە ءارامشوپ رەتىندە شىعا بەرەدى.
ءدارى جاساۋ ءۇشىن وسىمدىكتىڭ جەر ۇستىندەگى بولىگىن (ءىرى ساباعىنان باسقاسىپ) گۇلدەگەن كەزىندە جيناپ الادى. قۇرامىندا يود جانە پيگمەنتتەر، اسكوربين قىشقىلى الكالويدتەر بار. حالىق اراسىندا بۇل وسىمدىكپەن جەمساۋ اۋرۋىن، ديزەنتەريانى، قۋىق اۋرۋلارىن، جۇتقىنشاق بەزدەرىنىڭ قابىنۋىن ەمدەيدى. ورتا ازيا حالىقتارى مەديسيناسىندا جاس وسىمدىكتىڭ ءسولىن الىپ، برونح دەمىكپەسىن، گەموررويدى ەمدەيدى.
جۇڭگو حالىق مەديسيناسىندا وسىمدىكتى تەر شىعاراتىن جانە دەنەنىڭ ىستىعىن باساتىن، نەرۆ جۇيەسىن تىنىشتاندىراتىن ءدارى رەتىندە قولدانادى. تۇقىمىمەن ەسەكجەمدى ەمدەيدى، ۋلى جاندىكتەر شاعىپ العاندا دا ەم ءۇشىن قولدانادى. جاپىراعى مەن جەمىسىن سال اۋرۋلارىن ەمدەۋگە پايدالانادى.
ءدارىنى دايىنداۋ جانە قولدانۋ ءتاسىلى
3 اس قاسىق ءشوپ ۇنتاعىن 3 ستاكان سۋعا سالىپ 10 مينۋت قايناتادى دا، تۇندىرىپ، ءار ىشكەندە 1 ستاكاننان كۇنىنە 3 رەت ىشەدى. تەرى اۋرۋلارىن ەمدەۋ ءۇشىن وسىمدىكتىڭ جاس جاپىراقتارىن ەزىپ، اۋىرعان جەرلەرگە جاعادى، بۇل ءۇشىن قىستا جوعارىدا ايتىلعان تۇنبانى پايدالانسا دا بولادى.
You Might Also Like
-
ساسىق مەڭدۋانا (دۋرمان وبىكنوۆەننىي، Datura stramonium L.) — ءبىر جىلدىق، ءشوپ تەكتەس وسىمدىك. بيىكتىگى 1 مەتردەن اسادى. ساباعىنىڭ سىرتى تەگىس، ءىشى قۋىس، تىك وسەدى. جاپىراقتارىنىڭ ۇشتارى ءسۋيىر،...
-
قىزىل بۇرىش — بيىكتىگى 60 سانتيمەترگە جۋىق، كوپ جىلدىق، ءشوپ تەكتەس وسىمدىك. ساباعى ءتۇزۋ، جاپىراقتارى كەزەكتەسىپ، جارىسا ورنالاسقان، پىشىندەرى جۇمىرتقا ءتارىزدى، ساعاقتارى ۇزىن، شەتتەرى تۇتاس، ...
