سارىمساق
سارىمساق — بيىكتىگى 1 مەترگە دەيىن جەتەتىن، ەكى جىلدىق، ءشوپ تەكتەس وسىمدىك. جەر استىنداعى ءتۇبىر ءتۇيىنى اق نەمەسە سۇر ءتۇستى بىرنەشە مايدا بولىكتەردەن تۇرادى. ساباعى جۇمىر، ۇزىنشا كەلگەن، جىڭىشكە، ۇشتارى ءسۇيىر. گۇلدەرى مايدا، اقشىل سۇر ءتۇستى، ساباقتارىنىڭ ۇش جاعىندا قولشاتىر تارىزدەنىپ ورنالاسقان. گۇل ءتاجى ءۇش گۇل جاپىراقشاسىنان تۇرادى. شىلدە-تامىز ايلارىندا گۇلدەيدى. ەلىمىزدىڭ بارلىق تۇكپىرلەرىندە مادەني داقىل رەتىندە قولدان ەگىلەدى. دارىلىك ماقساتقا وسىمدىكتىڭ ءتۇيىنىن پايدالانادى. قۇرامىندا ەفير مايلارى، ازوتتى قوسىلىستار، فيتوستەريندەر، گاللين گليكوزيدى، س، د، ۆ ۆيتاميندەرى بار.
حالىق مەديسيناسىندا سارىمساقتى تاماققا تابەت شاپتىرىپ، اس قورىتۋ جۇمىستارىن جاقسارتۋ ءۇشىن پايدالانادى. سونىمەن قاتار سارىمساقتىڭ ميكروبتاردى جوياتىن، نەسەپ ايدايتىپ، ىشەك قۇرتتارىن تۇسىرەتىن، جۇرەكتىڭ بۇلشىق ەتتەرىنىڭ كۇشىن كوبەيتەتىن قاسيەتتەرى بار. وسىعان بايلانىستى بۇل وسىمدىكتەن جاسالعان دارىلەردى ءىش وتكەندە، سوقىر ىشەككە، جوعارعى تىنىس جولدارى جانە وكپە قابىنعاندا ەمدەۋ ءۇشىن پايدالانادى. برونح دەمىكپەسىن، شەمەندى، تۇماۋدى، قان قىسىمىنىڭ كوتەرىلۋىن ەمدەۋ ءۇشىن حالىق اراسىندا سارىمساق كەڭىنەن قولدانىلادى. بۇيرەكتىڭ جانە قۋىقتىڭ كوپتەگەن اۋرۋلارىن، قۇرقۇلاقتى، بەزگەكتى كوپ ۋاقىتتاردان بەرى حالىق مەديسيناسىندا سارىمساقپەن ەمدەپ كەلگەن. ال بۇيرەككە جانە قۋىققا تاس بايلانعاندى، ريەۆماتيزمدى، پوداگرانى سارىمساقتىڭ ءسپيرتتى تۇنباسىمەن ەمدەيدى.
قوپتەگەن زەرتتەۋلەردىڭ ناتيجەسىندە سارىمساقتىڭ قۇرامىنان تابىلعان فيتونسيد دەگەن ۇشپالى زاتتاردىڭ كوپتەگەن ميكروبتاردى جوياتىنى انىقتالدى. سارىمساقتىڭ ۇنتاقتالعان ءتۇبىر تۇيىنىندەگى فيتونسيدتەردى يىسكەۋ ارقىلى گريپتى جانە تاماق بەزدەرىنىڭ قابىنۋىن ەمدەيدى. سونداي-اق دەنە سىرتىنداعى كوپتەگەن جازىلماي جۇرگەن جارالاردى، ەسەكجەمدى، سۇيەلدى ەمدەۋدە سارىمساقتىڭ شيپالىق قاسيەتى مول. ول كوپشىلىككە بەلگىلى ءوت ايدايتىن اللاحول دەگەن ءدارىنىڭ دە قۇرامىنا كىرەدى. سارىمساقتى بۇيرەكتىڭ كەنەتتەن پايدا بولعان جەدەل قابىنۋىن ەمدەۋ ءۇشىن پايدالانۋعا بولمايدى.
ءدارىنى دايىنداۋ جانە قولدانۋ ءتاسىلى
مايدالاپ تۋرالعان سارىمساقتىڭ 10 ءتۇبىر ءتۇيىنىن 1 بوتەلكە اراققا سالىپ 10 كۇن تۇندىرادى دا، جارتى شاي قاسىقتان كۇنىنە 3 رەت ىشەدى.
وقۋعا كەڭەس بەرەمىز:
سارىمساق — ەڭ جاقسى انتيبيوتيك
پراكتيكالىق مالىمەتتەر (اسحانا)
ءبىر رەت ساتىپ الىپ، ءاردايىم وسىرۋگە بولاتىن 8 كوكونىس
You Might Also Like
-
ءسابىز ساباعىنىڭ بيىكتىگى 1 مەترگە دەيىن جەتەتىن، ەكى جىلدىق، ءشوپ تەكتەس وسىمدىك. ءبىرىنشى جىلى جۋان، ەتتى تامىرىنان بىرنەشە جاپىراقتار شىعادى. ەكىنشى جىلى ساباعى ءوسىپ گۇلدەپ، جەمىس بەرەدى. ساباعى ءتى...
-
ولار — بيىكتىگى 4-5 مەترگە دەيىن جەتەتىن، اعاش ءتارىزدى وسىمدىك. بۇتالارىنىڭ قابىعى جىلتىر قوڭىر، ۇزىندىعى 3-4 سانتيمەتردەي، جۋان ءارى ءتۇپ-تۋزۋ تىكەنەكتەرى بولادى. جاپىراقتارى قىسقا ساعاقتى، جۇ...
