وتىرار قورعانىسى
1218 جىلى جازدا وتىرار قالاسىنا شىڭعىس حان جىبەرگەن 500 تۇيە، 450 ادامنان تۇراتىن ساۋدا كەرۋەنى كەلەدى. قايىر حان ساۋداگەرلەردىڭ اراسىندا تىڭشىلار بار دەگەن كۇدىكپەن كەرۋەندى توناپ، ادامدارىن ولتىرەدى. كەرۋەن قۇرامىنان تەك ءبىر ادام امان قالىپ، وتىرارداعى قىرعىن تۋرالى شىڭعىس حانعا جەتكىزەدى. بۇل شىڭعىس حاننىڭ ورتا ازياعا شاپقىنشىلىق جاساۋىنا سىلتاۋ بولدى. شىڭعىس حاننىڭ مۇحاممەد حورەزمشاحقا كىنالى ادامدى ۇستاپ بەرسە بەيبىتشىلىك ساقتالاتىنىن ايتىپ جىبەرگەن ەلشىلەرى دە ولتىرىلەدى. وسىدان كەيىن ەكى جاق تا سوعىسقا ازىرلەنەدى.
1219 جىلى شاعاتاي مەن ۇگەدەي بىرنەشە تۇمەنمەن وتىراردى قورشاۋعا الادى. قايىر حان اقىرىنا دەيىن قورعانۋعا بەل بۋادى. قايىر حاننىڭ 20 مىڭ اسكەرى بولعان، حورەزم شاحى وعان 50 مىڭ اسكەر قوسادى. وتىرار بەس اي بويى قورعانادى. الايدا بەسىنشى ايدىڭ سوڭىندا ءوزىنىڭ ون مىڭ اسكەرىمەن كومەككە كەلگەن قاراشا-حاجيب قالا قاقپاسىن موڭعولدارعا اشىپ بەرەدى. شاعاتاي مەن ۇگەدەي ونى العاشقىدا جاقسى قارسى الىپ، سودان سوڭ ولاردىڭ ءوز بيلەۋشىسىنە ىستەگەن ساتقىندىعى ءۇشىن اسكەرىمەن قوسىپ تۇگەل ولتىرەدى. قايىر حان قالعان اسكەرىمەن ىشكى قامالعا بەكىنىپ، تاعى ءبىر اي سوعىسادى. اقىرىندا، موڭعولدار ەڭ سوڭعى جاۋىنگەرى ءولىپ، قارسىلاساتىن قارۋى دا قالماعان قايىر حاندى كومەيىنە كۇمىس قۇيىپ ولتىرگەن. وتىراردى جەرمەن-جەكسەن ەتىپ قيراتىپ، حالقىن سوڭعى ادامىنا دەيىن قىرعان.
You Might Also Like
-
قىزىلوردى وبلىسى شيەلى اۋدانى ن. بەكەجانوۆ اۋىلى №156 ن. بەكەجانوۆ اتىنداعى قازاق ورتا مەكتەبىنىڭ وقۋشىسى الىشەر ايگەرىم باعلان قىزى
-
«اقجولدىڭ» ءبىر نومىرىندە «شەگىر» دەپ قول قويعان جولداس مەنى قازاقتىڭ بوياما قامقورى، قازاقتىڭ ءبىر قىزىن، ءبىر قاتىنىن اۋرە قىلدىڭ، سورلاتتىڭ دەپ ايىپتايدى.
