ويىنشىقتار تۋرالى دەرەكتەر
ءسىز بالالارىڭىز ويناپ جۇرگەن ويىنشىقتاردىڭ شىعۋ تەگى مەن نەلىكتەن ولاردىڭ كەيبىرەۋى سونشالىقتى تانىمالدىلىققا يە بولعانى تۋرالى ويلانىپ كوردىڭىز بە؟ الەمدە ەڭ قىمبات كەيىپكەر قانشا تۇراتىنىن بىلەسىز بە؟ ءبىز تومەندە وسى جانە باسقا دا سۇراقتارعا جاۋاپ بەرۋگە، سونىمەن قاتار ايرىقشا دەرەكتەردى بەرۋگە تىرىستىق.
يو-يو الەمنىڭ ەڭ ەجەلگى ويىنشىقتارىنىڭ ىشىندە 2ء-شى ورىندى الادى، ال ءبىرىنشى ورىن قۋىرشاقتارعا تيەسىلى. يو-يو ويىنشىعىن ءبىزدىڭ ەرامىزعا دەيىن ەجەلگى گرەكيادا ويلاپ تاپقان. ول ءوزارا وستەرى ارقىلى بايلانىسقان ەكى ديسكتەن تۇرادى، ولاردىڭ ورتاسىنا ارقان بايلانعان.
«مونوپوليا» – ەڭ تانىمال ەكونوميكالىق ويىنداردىڭ ءبىرى، ونى 1932 جىلى ەش جەردە جۇمىس ىستەمەيتىن چارلز بەرروۋ ويلاپ تاپقان. بۋففالولىق كلۋبتىڭ مۇشەلەرى سۋ استىندا ويناۋ ۇزاقتىعى بويىنشا ابسوليۋتتىك رەكورد ورناتقان، ول 1080 ساعاتقا سوزىلعان. رەكورد 1983 جىلى تىركەلگەن.
العاشقى ءپۇلىش ايۋ 1894 جىلى پايدا بولدى. بۇل اقپارات ونىڭ تابانىنا تىگىلگەن جاپسىرمامەن راستالادى. تاڭقالارلىق جايت، الايدا العاشقى ءپۇلىش ايۋ ءالى كۇنگە دەيىن ءبىر وتباسىندا ءومىر ءسۇرىپ كەلەدى.
ەڭ قىمبات كەيىپكەر – ميككي ماۋس، ول 1939 جىلى شىعارىلعان. بۇل قۋىرشاق 1998 جىلى ءبىر اۋكسيوندا 83،5 مىڭ دوللارعا ساتىلعان. ساتىلعان ءمۇسىن ميككي ماۋستىڭ قازىرگى بار ءتۇر-تۇلعاسىنان تۇبەگەيلى تۇردە ەرەكشەلەنەدى. ويىنشىقتىڭ قولدارى ۇزىن، بەت-الپەتى دە باسقاشا جانە قۇلاقتارى دا سول تيپتەگى زاماناۋي ويىنشىقتارداعىداي ەمەس، باسقاشا ورنالاسقان.
ەڭ العاشقى بالالار ويىنشىعى – «كارتوپ باس»، ونىڭ جارناماسى 1952 جىلى تەلەديدار ارقىلى كورسەتىلگەن. ءبىرىنشى جىلى 4 ميلليونعا جۋىق جيىنتىعىن ساتۋعا قول جەتكىزگەن.
كۋبيك رۋبيكتى ۆەنگريادا ءمۇسىنشى بولىپ جۇمىس ىستەيتىن ەرنو رۋبيك ويلاپ شىعارعان. الەمدە وسىنداي كۋبيكتەردىڭ 300 ميلليونعا جۋىعى ساتىلعان. ەگەر ولاردىڭ بارلىعى ءبىر قاتارعا ءتىزىپ قوياتىن بولساق، وندا ولار سولتۇستىك پوليۋستەن وڭتۇستىك پوليۋسكە دەيىن سوزىلادى ەكەن.
باربي قۋىرشاعىن جاساپ شىعارۋشى – رۋد حەندلەر ونى ءوز قىزىنىڭ قۇرمەتىنە اتاعان، ال كەن اتاۋى ۇلىنىڭ قۇرمەتىنە قويىلعان.
الەمدەگى ەڭ تانىمال قۇراستىرۋشىنىڭ ۇيىمى – Lego شامامەن 320 ميللياردتاي تەتىكتەردى ساتىلىمعا شىعارعان. بۇل دەگەنىمىز، ءاربىر ادامعا 52 تەتىكتەن كەلەدى دەگەن ءسوز.
الەمدەگى ەڭ ءىرى شينا ءوندىرۋشى – Lego كومپانياسى. جىل سايىن شامامەن 120 ميلليونداي كىشكەنتاي شينالار شىعارادى.
اقش قاۋىپسىزدىك اگەنتتىگى مەكەمە اۋماعىنا «فەربي» اپارۋعا تىيىم سالدى. ەلەكترونيكا ماماندارى، ءبىر قاراعاندا زيانسىز بولىپ كورىنگەن ويىنشىق قۇپيا كەلىسسوزدەردى تىڭداپ تۇرىپ، سوسىن ونى باسقا جەردە ايتۋى مۇمكىن ەكەندىگىن ايتادى. الايدا «فەربي» - كۇلكىلى ۇلپىلدەك كىشكەنە اڭ اعىلشىن تىلىندە كەم دەگەندە 100 ءسوز ايتۋعا عانا مۇمكىندىگى بار.
You Might Also Like
-
شۆەيسارياعا ساياحات جاساپ، ەڭ كورىكتى جەرلەرىن سۋرەتكە ءتۇسىرىپ العان فوتوگرافتىڭ سۋرەتتەرى.
