ءوز-وزىڭدى يلاندىرۋ: اۋتوسۋگگەستيا جونىندەگى قىسقاشا ماعلۇمات
ءوز-وزىڭدى يلاندىرۋ، نەمەسە اۋتوسۋگگەستيا — بۇل بىزگە تۋا بەرىلگەن قۇرال جانە وندا، دالىرەگىندە ونىڭ كۇشىندە، كوپتەگەن تاڭقالارلىق مۇمكىندىكتەر شوعىرلانعان. قازىرگى تاڭدا ادامداردىڭ كوپشىلىگى ءپوزيتيۆتى سەناريلەردىڭ، ماقسات قويۋشىلىقتىڭ نەمەسە پايىمداردىڭ كونسەپسيالارىن قولدايدى. بۇعان اينا الدىندا تۇرىپ الىپ، ءوزىنىڭ قانداي كەرەمەت جان ەكەنىن ايتىپ تۇرعان ادامدى ەلەستەتۋ ارقىلى پاروديا جاساۋعا بولادى.
دەگەنمەن، ەگەر ءبىز:
◎ ءپوزيتيۆتى ويدا بولساق؛
◎ ناقتى ماقساتقا جەتەتىن مۇمكىندىگىمىز بولسا؛
◎ ماقساتقا جەتۋ ءۇشىن يكەمدەلە الاتىن بولساق، بۇنداي يدەيالاردىڭ جانى بار.
وسى ءتىزىلىپ شىققان شارتتاردىڭ ەكىنشىسى ءتۇيىندى مانگە يە، ويتكەنى ءبىزدىڭ ماقساتقا جەتە الاتىن، ونى جەكە باقىلاۋدا ۇستاۋ سالاسىندا ىڭعايلاي الاتىن مۇمكىندىگىمىز بولۋى كەرەك قوي. جانە دە وسى ءۇشىن ءوز-وزىڭدى يلاندىرۋدى پايدالانا ءبىلۋدىڭ ماڭىزى زور.
ەميل كۋەنىڭ ءوز-وزىڭدى يلاندىرۋ ادىستەمەسى
اۋتوسۋگگەستيا تەحنيكالارىنىڭ اراسىندا فرانسۋزدىق پسيحولوگ جانە فارماسيەۆت ەميل كۋەنىڭ ادىستەمەسى كوپ قولدانىسقا يە بولدى. باستاپقىدا ول حيميك بولعىسى كەلىپ، سونىڭ وقۋىنا تۇسكەن، ءبىراق اتا-اناسىنىڭ قارجىلىق قيىنشىلىقتارى كەسىرىنەن باسقا جولعا تۇسۋگە ءماجبۇر بولدى. وعان وقۋىنىڭ باعىتىن وزگەرتۋدىڭ ءساتى ءتۇسىپ، ناتيجەسىندە فارماكولوگيادان عىلىمي دارەجە الدى.
ترۋا قالاسىندا 1882 جىلدان 1910 جىلعا دەيىن ءدارىحاناشى بولىپ ىستەگەن جانە دارى-دارمەكتىڭ پايدالى ەكەنىنە سەنگەن ول اقىرعى ءساتتى ناتيجە شىعارىنا كوڭىل قويعان پاسيەنتتەرى ءجيى وزدەرىن جاقسى سەزىنە باستايتىنىن بايقايدى. پاسيەنت دارى-دارمەكتىڭ ەم بولارىن كۇتتى جانە بۇل وزدىگىنەن ورىندالاتىن جورامال بولدى.
كۋە وسى باقىلاپ بايقاعانىنىڭ اسەرىنەن گيپنوزدى زەردەلەي باستادى. الايدا، ءبىراز ۋاقىتتان سوڭ، ول ءوزى كەيىن ءوز-وزىڭدى يلاندىرۋ دەپ اتاعان، ءوز-وزىڭدى گيپنوزداۋعا زەيىن قويدى. بار بىلگەنىن جيناقتاعان ول «وزىڭە ۇستەمدىكتىڭ جولى رەتىندەگى سانالى تۇردە ءوز-وزىڭدى يلاندىرۋ» اتتى كىتاپ شىعارىپ، كوپ وتپەي ول كىتاپ ۇلىبريتانيا مەن اقش-دا دا جارىق كوردى.
كەرى ناتيجە زاڭى
يدەيا ويدان كەتپەي قوياتىنى سونداي، يلاندىرىپ تاستاعان كەزدە ادام ساناسىنىڭ ول يدەياعا قارسى تۇرۋ ءۇشىن قولدانعان شارالارىنىڭ ءبارى قالاعانىنداي بولماي، ونىڭ يلاندىرۋعا بەيىمدىلىگىن ارتتىرا ءتۇسىپ، ادامنىڭ ءوزىنىڭ سانالى تىلەك-قالاۋىنا كەرەعار شىعىپ وتىرادى. نازار يدەياعا اۋعان ءاربىر ساتتە ول يدەيا ءوزىن دەرەۋ جۇزەگە اسىرۋعا تىرىسىپ باعادى.
كۋە ادام ءوزىنىڭ تۋىنداعان قيىندىقتارىنىڭ ءبارىنىڭ شەشىمى بولىپ تابىلادى دەپ ەسەپتەدى. ول ءارقايسىسىمىزدىڭ ىشىمىزدە ءوزىمىزدى ەمدەيتىن قۇرال بار ەكەنىنە ءشۇباسى بولمادى. وعان ءوز-وزىڭدى يلاندىرۋ ۇدەرىسى جانە قولدانبالى دايىندىق ارقىلى قول جەتكىزىلەدى. كۋە باسشىلىققا العان باستاپقى پراكتيكا ءقازىر تىم قاراپايىم بولىپ كورىنەدى، الايدا، كوپتەگەن ادام ونى قازىرگى كۇندەرى دە پارمەندى دەپ بىلەدى.
ءادىس دامىپ، ونى تاڭداعاندار كوبەيە بەردى، ول ءۇشىن بار كەرەگى — تەرىس ەمەس، وڭدى ناتيجەگە دەن قويىپ (مىسالى، ىشتەي «دەنساۋلىعىم جاقسى، ءبارى دۇرىس» دەپ ايتۋ)، قانداي دا ءبىر ءپوزيتيۆتى مانترانى (كەي جاعدايلاردا ءپوزيتيۆتى بەينەنى) تانداپ الىپ، ونى قايتالاي بەرۋ جانە قالاعان نارسەگە بار زەيىندى سالۋ قاجەت بولاتىن.
كۋەنىڭ پىكىرىنشە، ەگەر ادام بەلگىلى ءبىر سوزدەردى قايتالاي بەرسە جانە بەلگىلى ءبىر ساناسىنداعى بەينەلەرگە زەيىن قويسا، وندا ولار ادامنىڭ ءتۇپساناسىنىڭ ءبىر بولىگى بولىپ كەتەدى. بۇل جاسامپاز كۇش-قۋاتتى قالاعان ماقساتقا جەتۋگە تۋرالايدى. اقىرىندا كۋەنىڭ يدەيالارىن قولداۋشىلار شىعىپ، بۇكىل دۇنيە جۇزىندە قولدانىلا باستادى.
ەميل كۋە ءادىسىنىڭ ىقپالى
ءوزىن قايتا باعدارلامالاعان ادامدار ويباعامدىق مودەلدى نەمەسە نانىم-سەنىمدەرى جۇيەسىن تابىسقا جەتۋ مۇمكىندىكتەرىن ارتتىراتىنداي ەتىپ ءتۇزىپ شىعاردى. بۇل امالدى كەيىنگى جىلدارى البەرت ەلليس، شارل بودۋەن جانە باسقا كىسىلەر (بۇل امالدى پايدالانۋشىلار سپورت پسيحولوگتارى اراسىندا ايرىقشا كوپ بولدى) جەتىلدىرە ءتۇستى.
ەميل كۋە ءوز وي-ساناڭىزعا تەرىس ەمەس وڭدى ماقساتتاردى سالىپ وتىرۋعا ۇندەدى. ول تابىسقا جەتكىزەتىن ادامي قيالدىڭ كۇشىنە سەندى. پسيحوتەراپيانىڭ جانە تۇزەتۋشى ءوز-وزىن يلاندىرۋدىن بەلسەندى ادىستەرىن قولدانۋ جونىندەگى يدەيالارىن ناسيحاتتاۋى ونىڭ ءىلىمىنىڭ وڭدى قىرى بولدى.
كۋە پاسيەنتتىڭ بەلسەندى ءرولى يدەياسىن ۇستاندى، جاتتىقتىرۋ جانە وقىتۋ يدەيالارىن دامىتتى. ول ءار ادام ءوز تاعدىرىنىڭ قوجاسى ەكەنىن ايتۋدان جالىقپادى: ادام ءوزىنىڭ ويىن ءتۇزۋ ارقىلى ءوزىنىڭ بولاشاعىن قالىپتاستىرادى. ءبىراق ءوز-وزىڭدى يلاندىرۋدىڭ قۇندىلىعى ادەمى سوزدەردە ەمەس.
اۋتوسۋگگەستيا تالاي رەت ءىس جۇزىندە ءوزىنىڭ پارمەندىلىگىن كورسەتتى، وسى سەبەپتى ول ءادىستى كوپتەگەن ادام تابىستى تۇردە پايلالانىپ كەلەدى. دەيتۇرعانمەن، ءوز-وزىڭدى يلاندىرۋعا قاتىستى ءتۇيىندى نارسەنى ەستەن شىعارماۋ كەرەك: ونىڭ سەپتىگى ءتيۋى ءۇشىن ادامنىڭ ماقساتى جانە ماقساتىنا جەتكىزەتىن قارىم-قابىلەتى بولۋى ءتيىس.
ءوز-وزىڭدى يلاندىرۋ — قالاعانىڭا قولىڭدى جەتكىزە بەرەتىن سىيقىرلى تاياق ەمەس، بۇل دىتتەگەنىڭدى الۋ ءۇشىن كۇرەس كەزىندە جەڭۋ مۇمكىندىگىڭدى ارتىرۋدىڭ ءبىر ءتاسىلى. ارەكەتسىز ادام بەرەكەتسىز ادام — وسىنى كوڭىلگە توقىپ الۋ قاجەت، ال اۋتوسۋگگەستيا بولسا، شىعىندالاتىن كۇش-قۋاتىڭىزدى ۇنەمدەۋگە سەپ بولادى.
4brain.ru، bilim-all.kz
You Might Also Like
-
بارلىعىمىز دەرلىك نازارىمىزدان تىس اينالاداعى ادامداردىڭ كوزقاراسىن سەزىنۋگە قابىلەتتىمىز. كەيبىرەۋلەر مۇنى ەرەكشە التىنشى سەزىم دەپ اتايدى. الايدا، عىلىمي ورتادا بۇل «كوزقاراستى انىقتاۋ جۇيە...
-
اۋا ميللياردتاعان بولشەكتەردەن قۇرالادى، ءبىراق ءبىز ولاردى كورمەيمىز. نەگىزگى بولشەكتەر — ازوت پەن سۋتەگى. وسى تيتتەي عانا ەلەمەنتتەردىڭ ارقاسىندا قۇيىندار مەن داۋىلدار پايدا بولىپ تۇرادى.
