ساۋ ىشەك: پروبيوتيكتەرگە باي ەڭ ۇزدىك 5 ءونىم
پروبيوتيكتەردىڭ ماڭىزى نەدە جانە ولاردى قانداي ونىمدەردەن الامىز؟
ادام اعزاسىندا ميللياردتاعان باكتەريالار بار، ولاردىڭ ءبىرى زياندى بولسا، ەندى ءبىرى پايدالى باكتەريالار. ءدال وسى پايدالى باكتەريالاردى لاتىن تىلىنەن اۋدرعاندا پروبيوتيكتەر (pro bio) «ءومىر ءۇشىن» دەگەن ماعىنانى بىلدىرەدى ەكەن.
ءبىزدىڭ اعزامىز ءۇشىن پروبيوتيكتەردىڭ جۇمىسى وتە ماڭىزدى: ولار اس قورىتۋدى جاقسارتادى، ديسباكتەريوزدى بولدىرمايدى، پاتوگەندى ميكروفلورانىڭ كوبەيۋىنە جانە ءقاۋىپتى اۋرۋلاردىڭ دامۋىنا كەدەرگى جاسايدى، سالماق تاستاۋعا كومەكتەسەدى، يممۋنيتەتتى نىعايتادى، ەنەرگيا دەڭگەيىن ارتتىرادى، توكسيندەر مەن كانسەروگەندى شىعارادى، قارتايۋدى باياۋلاتادى جانە انتيبيوتيكتەردىڭ تەرىس اسەرىن بەيتاراپتاندىرادى.
بۇگىنگى تاڭدا قۇرامىندا پروبيوتيكتەرى بار ءتۇرلى پرەپاراتتاردى ساتىپ الۋعا بولادى. ءبىراق ءدارىحاناعا بارۋعا اسىقپاڭىز: پايدالى باكتەريالاردى قاراپايىم ونىمدەردەن دە وڭاي الۋعا بولادى، ول ونىمدەردىڭ كوپشىلىگى ءدال ءقازىر ءسىزدىڭ توڭازىتقىشىڭىزدا بولۋى مۇمكىن. تولىعىراق بۇگىنگى شولۋدان وقي وتىرىڭىز.
اشىتىلعان قىرىققابات
كۇندەلىكتى جەپ جۇرگەن اشىتىلعان قىرىققابات تەك ءدامدى عانا ەمەس، سونىمەن قاتار لەيكونوستوك، پەديوكۋس جانە لاكتوباكتەريالار سياقتى پايدالى ميكروورگانيزمدەردىڭ ناعىز قاينار كوزى. سونداي-اق قىرىققاباتتاعى پروبيوتيكتەر ىشەكتىڭ تومەنگى بولىگىندە سىڭەدى، ال جاساندىلارى اسقازان سولىنەن جويىلىپ كەتەدى. سونىمەن قاتار قىرىققاباتتىڭ قۇرامىندا تالشىقتار، س، ۆ جانە ك دارۋمەندەرى، ناتريي، تەمىر جانە باسقا ماڭىزدى ميكروەلەمەنتتەر بار. ەڭ باستىسى — ءونىمنىڭ پاستەرلەنبەگەن بولۋى كەرەك، سەبەبى پاستەرلەنگەن ءونىم باكتەريالاردى، سونىڭ ىشىندە پايدالى باكتەريالاردى دا جويىپ جىبەرەدى.
ال ەگەر ءسىز ەكزوتيكالىق تاعامدى ءجون تۇتساڭىز، وندا ءبىزدىڭ ءتاتتى قىرىققاباتىمىزدىڭ تۋىسى — كورەيلىك كيمچي سالاتى بار. پەكين قىرىققاباتىنان جاسالعان بۇل تاعام وتە ءدامدى ءارى، قۇرامىندا قىشقىل ءسۇت باكتەريالارى — پروبيوتيكتەر، سونداي-اق دارۋمەندەر مەن مينەرالداردىڭ تۇتاس جيىنتىعى بار.
تۇزدالعان ونىمدەر
تۇزدالعان قيارلار مەن قىزاناقتار، سونداي-اق سۋلانعان المالار — پروبيوتيكتەردىڭ كەرەمەت قاينارى. تۇز جانە سۋ ەرىتىندىسىندە ولار ءسۇت قىشقىلدى باكتەريالارىن بولەدى. ەسكەرتە كەتەتىن جايت — تۇزدىقتا سىركە سۋىنىڭ بولماۋ كەرەك، ويتكەنى ول ميكروورگانيزمدەردى، ونىڭ ىشىندە پايدالى ميكروورگانيزمدەردى جويادى. تۇزدالعان ونىمدەرگە كونسەرۆىلەنگەن ءزايتۇن تۇرلەرىن دە جاتقىزۋعا بولادى: ولار دا پروبيوتيكتەرگە باي جانە ميكروفلورانى قالپىنا كەلتىرۋگە، دەنەدەن شلاكتار مەن ۋىتتاردى شىعارۋعا تاماشا كومەكتەسەدى.
سويا ونىمدەرى
جاپون اسحاناسى الەمدەگى ەڭ دەنساۋلىققا پايدالى اسحانالاردىڭ ءبىرى بولىپ سانالادى. جاپون ءمازىرى بىزگە قاجەتتى پروبيوتيكتەردەن تۇراتىن سويا ونىمدەرىنە باي. سول سەنبەپتى راسيونعا توفۋدى، سويا سوۋسى مەن ميسو سورپاسىن قوسقانىڭىز ءجون بولار (ميسو سورپاسىن كۇندەلىكتى قولداعاندىقتان جاپوندىقتاردىڭ دەنساۋلىقتارى مىقتى ءارى ۇزاق ءومىر سۇرەدى).
قىشقىل ءسۇت ونىمدەرى
ءبىر ستاقان ايران، يوگۋرت، قاتىق نەمەسە كىلەگەي قوسىپ ۇيىتىلعان ايران، كىشكەنە سۇزبە نەمەسە ءبىر ءتىلىم ىرىمشىك — بۇل تەك ءدامدى جانە قۇنارلى تاعام عانا ەمەس، سونىمەن قاتار اعزانى پروبيوتيكتەرمەن قامتاماسىز ەتۋدىڭ جاقسى ءتاسىلى. سونىمەن، ايراننىڭ قۇرمىندا وننان استام پايدالى باكتەريالاردىڭ ءتۇرى، سونداي-اق انتيباكتەريالدى جانە زەڭگە قارسى قاسيەتتەرى بار زاتتار بار. ودان وتكەن پايدالى ءونىمنىڭ ءبىرى — يوگۋرت. يوگۋرتتىڭ ساپاسىنا 100% سەنىمدى بولۋ ءۇشىن ونى ۇيدە جاساۋ كەرەك. ەڭ باستىسى — قۇرامىندا ءتىرى باكتەريالار بار تابيعي كونسەرۆانتتار، تاتتىلەندىرگىشتەر جانە ءدام كۇشەيتكىشتەرى جوق ءونىمدى تاڭداعان دۇرىس.
تاعى ءبىر كەرەمەت ءونىم — ءاسيدوفيلدى ءسۇت. ونى وندىرەتىن اشىتقىنى ءاسيدوفيلدى تاياقشادان، ءسۇت قىشقىلدى سترەپتوكوكوكتان جانە ايران ساڭىراۋىنان (كەفيرنىي گريب) الادى. مۇنداي ءسۇت اعزاداعى شىرىگەن پروسەستەردى توقتاتادى جانە پايدالى باكتەريالاردىڭ دامۋىنا ىقپال ەتۋىنە مۇمكىندىك بەرەدى.
شاي ساڭىراۋقۇلاعى
شاي ساڭىراۋقۇلاعى، نەمەسە كومبۋچا، كەڭەس زامانىنان بەرى بىزگە تانىس، وسى ءونىمنىڭ بانكاسى ءاربىر توڭازىتقىشتا دەرلىك تۇراتىن. فەرمەنتتەلگەن بۇل سۋسىننىڭ وتە جاعىمدى ءقىشقىل-تاتتى ءدامى بار، ءارى ءشولدى كەرەمەت باسادى، ءبىراق ەڭ باستىسى — ءسىزدىڭ دەنەڭىزدى پايدالى باكتەريالارمەن قامتاماسىز ەتەدى.
kitchenmag.ru، bilim-all.kz
You Might Also Like
-
وسى ونەرتابىستىڭ ءبىر بولىگى عانا قولدانىسقا ەنگەن بولسا، بالكىم ءبىز مۇلدە باسقا الەمدە ءومىر سۇرەر مە ەدىك. تومەندە ءتۇرلى سەبەپتەرگە بايلانىستى ناقتى ىسكە اسىرىلماي قالعان ۆيكتوريان ءداۋىرىنىڭ ەڭ وعا...
