وزەگىڭدى ورتەيتىن اۋرۋ بالا جايلى حيكايا
- ايگۇل اپكە، مۇمكىن مەن ولمەيتىن شىعارمىن؟؟؟ - باسىندا ءبىر تال شاشى جوق ، ءوڭى بوزارىپ كەتكەن بالا وسىلاي دەپ ءۇن قاتتى. تەرىسى تولىقتاي جاسىل تۇسكە ەنگەن. سىرتتاي فرانسۋز فيلمىندەگى فانتوماسقا ۇقسايدى، ءبىراق كۇلكىلى ەمەس. ەش.
جاسى 60-تاردان اسىپ كەتكەن مەدبيكە اۋىر كۇرسىندى. مۇندايعا ۇيرەنۋ مۇمكىن ەمەس. ادام بالاسى مۇندايعا ۇيرەنە المايدى. سەبەبى، ول ادام بالاسى دەيتىن اتاۋعا يە.
- ول نە دەگەنىڭ؟!! ارينە، سەن ولمەيسىڭ.... - كوزىنەن جاس اتقىلاپ جاتىر.
- ايگۇل اپكە، تۇسىنەسىز بە؟ Cەنبى كۇنى -انامنىڭ تۋعان كۇنى. وعان ارنايى سىيلىق دايىنداپ قويدىم... ءوز قولىممەن... ەگەر، ءولىپ قالسام، ونى قالاي سىيلايمىن؟ سەنبى كۇنىنە دەيىن ولمەي تۇرسام بولا ما؟ ءوتىنىش؟
قاتەرلى ىسىك اۋرۋحاناسى. ءولىم مەن ءومىردىڭ ورتاسىندا ارپالىسقان جانداردىڭ جاتىن بولمەسى. بۇل بالالارعا ءولىم ۇكىمى كەسىلىپ قويىلعان. بۇعان قاراماستان، ءتىرى ادام كەيپىنە ەنۋگە تىرىسادى، ءتىپتى، كەيبىرەۋىنىڭ سويلەۋگە شاماسى جەتىپ جاتىر. ءارقايسىسىنىڭ ساناۋلى ءومىرى قالدى. مۇمكىن، ءبىر اپتا نەمەسە بىرنەشە اي.
وعان ەشنارسە قاجەت ەمەس. ونى قۇتقارۋ تىم كەش، ول تەك اناسىنىڭ تۋعان كۇنىن كورگىسى كەلەدى. ءتۇرلى-تۇستى قاعازدان ءوز قولىمەن جاساعان ارزان سىيلىقتى تارتۋ ەتۋ ءۇشىن... ونىڭ ومىرىندەگى ەڭ قۇندى سىيلىق. و جاراتقان، بالانىڭ بەيباق اناسىنا بۇل اۋىر سىننان وتۋىنە جاردەم بەرە گور! ەسىنىڭ اۋىسۋىنا جول بەرە كورمە....
ال، بىزدە ايفونداردىڭ تۇر-تۇرىمەن بار. قاي ۇلگىسى؟ بەسىنشىسى نەمەسە التىنشىسى؟ بىزدە - تازا التىنمەن كومكەرىلگەن جيھازدار. بىزدە - كەلەمەجدەۋ ءۇشiن، توڭازىتقىشقا ورناتىلعان مر3-پلەەرلەر. ءتىپتى، ءقازىر كوسموسقا عارىشكەرلەر ەمەس،ساياحاتشىلار ۇشاتىن بولعان. عىلىمنىڭ اتاسى مەن اناسى قالتاسى اقشاعا تولى باي-سىماقتارعا تىك تۇرىپ، قىزمەت ەتۋدە. اسەمدىك سالوندارىنان اياق الىپ جۇرە المايسىڭ. اجىمدەرمەن كۇرەسۋگە ارنالعان زەرتحانالار قاپتاۋدا. ءبىراق، قاتەرلى ىسىك، سپيد سەكىلدى اۋرۋلاردىڭ الدىن الۋعا قاۋقارسىز ادام بالاسى.
... ال، بالانىڭ باعى بار ەكەن. كوپتەن اسىعا كۇتكەن سەنبى كۇنىن قارسى الدى. تەك، ءبىر اپتادان سوڭ عانا، ومىرمەن قوش ايتىستى.
You Might Also Like
-
اپاسى قاينىلارىنىڭ اتىن اتاماۋشى ەدى. كەيدە "انا بالا"، "مىنا بالا" دەپ تۇسپالداپ كەتەتىنى دە بار. ءداستۇر بابالاردىڭ ارۋاعىنىڭ رازىلىعى ءۇشىن ساقتالىنادى دەيدى اپاسى. سويتكەن اپا...
