وزىندىك سانا-سەزىمدى ارتتىرۋ تاسىلدەرى
1972 جىلى كەن كەيس بەستسەللەر بولعان «Handbook to Higher Consciousness» («جوعارى ساناعا اپارار جول») اتتى كىتاپ جازدى. وندا سانالى بولۋدى جەتىلدىرۋگە قاتىستى كوپتەگەن كەڭەستەر جازىلعان. ولاردىڭ كوپشىلىگى پراكتيكالىق ادىستەر، سوندىقتان ولاردى بىردەن قولدانا بەرۋگە دە بولادى.
ۆيكيپەديانىڭ انىقتاماسىنا سايكەس، وزىندىك سانا-سەزىم — بۇل سۋبەكتىنىڭ باسقا سۋبەكتىلەردەن، جالپى الەمنەن بولەك، ءوزىن-وزى تانۋى؛ بۇل ادامنىڭ وبەكتيۆتى الەممەن جانە سۋبەكتيۆتى الەممەن (پسيحيكامەن) ءوزىنىڭ ومىرلىك ماڭىزدى قاجەتتىلىكتەرىنىڭ، وي-پىكىرى مەن سەزىمىنىڭ، ۋاجدەرى مەن ۋايىمدارىنىڭ، ينستينكتىسىنىڭ ءوزارا ارەكەتتەستىگىن سەزىنۋى. وزىندىك سانا-سەزىم — بۇل ادامعا قانمەن بەرىلەتىن قاسيەت ەمەس، ول دامۋدىڭ ءونىمى. دەمەك ونى شىنىمەن جەتىلدىرە الاسىز. مۇنى ىستەۋدىڭ كەڭەستەرى مەن جولدارى:
1. ومىرىڭىزدەگى ەڭ وزەكتى ماسەلە — اقىل-ويىڭىزدى قالاي پايدالاناتىنىڭىز.
2. باقىتتى بولا الۋ ءۇشىن سىزدە (كەز كەلگەن ۋاقىتتا) بارلىعى جەتكىلىكتى. ءسىزدى باقىتسىز ەتەتىن نارسەلەر — ساناڭىزدا قالىپتاسقان شابلوندار عانا.
3. باسقا ادامداردى ءوزى ءۇشىن جوعارى سانا-سەزىمدى ىزدەۋ بارىسىندا جۇرگەن تىرشىلىك يەسى رەتىندە قاراستىرىڭىز.
4. الەمدى سىزگە بارلىق مۇقتاجدىعىڭىزدى قاناعاتتاندىرۋ ءۇشىن جارالعان تاماشا مەكەن دەپ ءتۇسىنىڭىز.
5. رەنجىگەندە نەمەسە بىرەۋدى قورلاعان كەزدە الەمدەگى ازابتى ارتىرۋ ءۇشىن ۇلەس قوسقان بولاسىز.
6. باقىتىڭىز ادامنىڭ بارلىعى ءسىزدىڭ قالاۋىڭىزدى ورىنداعاندىعىمەن تۇزەلمەيدى.
7. تاۋەلدىلىكتەن قۇتىلىڭىز، سەبەبى تاۋەلدىلىك ءسىزدى باقىتسىز ەتەدى.
8. جابىققان كەزىڭىزدە تاۋەلدىلىكتەن قۇتىلسىن دەپ ءومىردىڭ ءوزى مەڭزەيدى.
9. تاڭداۋ مەن تاۋەلدىلىكتىڭ ارا-جىگىن اجىراتا ءبىلىڭىز. تاۋەلدىلىك — بۇل تىم از ۋاقىتتىق راحاتتى، جەڭىلدىكتى نەمەسە نەمقۇرايلىقتى سەزىنۋ. ەگەر تاۋەلدىلىك قاناعاتتاندىرىلماسا، ءسىز ەموسيونالدىق سترەسستى سەزىنەسىز. ال تاڭداۋىڭىز ورىندالماسا، ءسىز ەموسياعا بەرىلە قويمايسىز، ياعني وعان نەمقۇرايلىق تانىتقان بولاسىز. ال ورىندالعان جاعدايدا — باقىتىڭىزدى ەسەلەرى انىق.
10. وزىڭىزگە ەموسيونالدىق تالاپتاردى تەك تىنىس الۋ ءۇشىن قاجەتتى اۋا، اشىققاندا كەرەكتى تاماق، جاۋراعاندا پانالايتىن باسپانا سەكىلدى فيزيكالىق قاجەتتىلىكتەر ءۇشىن عانا ورىنداۋعا رۇقسات ەتىڭىز.
11. ەگەر كىر جۋعىش ماشيناڭىز ىستەن شىعىپ، ال ءسىز جۇمىس ىستەيتىن اسپاپتارعا تاۋەلدى بولساڭىز، قاتتى جابىعىپ، قاپالانىپ قالارىڭىز انىق. ەگەر ءسىزدىڭ تاڭداۋىڭىز قۇرالداردىڭ جاقسى جۇمىس ىستەۋى بولسا، كىر جۋعىش ماشينا سىنعان كەزدە، ونسىز دا ءماز ەمەس جاعدايعا قاجەتسىز ەموسيالارىڭىزدى قوسىپ، ماسەلەنى ودان ءارى ۋشىقتىرماس ەدىڭىز.
12. ءبىر سەكۋند، ءبىر مينۋت نەمەسە ءبىر ساعاتتان كەيىن بولاتىن نارسەنى وزگەرتە الۋىڭىز مۇمكىن، ءبىراق بولىپ جاتقان نارسەنى وزگەرتۋ ءۇشىن قاۋقارىڭىز جەتپەيدى. ءقازىر ءىسىڭىز وڭعا باسپاي جاتسا اسا قامىقپاڭىز. ءبارىن جاقىن ارادا وزگەرتە الاسىز.
13. كولىگىڭىزدىڭ دوڭگەلەگىنىڭ جەلى شىققان بولسا، بۇل ءسىزدىڭ ومىرىڭىزدەگى جاي عانا ءبىر كەلەڭسىزدىك ەكەنىن ءتۇسىنىپ، كونىگەسىز. دوڭگەلەگىڭىز ءبۇلىندى، ءبىراق بۇل ءومىردىڭ تىنىشتىعىن دا بۇز دەگەندى بىلدىرمەيدى. سوندىقتان، سابىر ساقتاي وتىرىپ كەلەڭسىزدىكتى شەشۋ ءۇشىن قاجەتتى ارەكەتتەردى جاساڭىز.
14. تاۋەلدىلىكتەن باس تارتۋ — ءوزىن باقىتسىز سەزىنۋدى توقتاتاتىنداي ەتىپ ساناڭىزدى قايتا باعدارلامالاۋ دەگەندى بىلدىرەدى.
15. كەز كەلگەن كولەمدەگى اقشادان ءلاززات الا الاتىن بولا باستايسىز، ءبىراق باقىتىڭىز ءاميانىڭىزدىڭ قالىڭدىعىنا بايلانىپ قالمايدى.
16. ءبىز دۇنيەلەردى ناقتى وزىندەي كورە الماۋىمىز مۇمكىن، سەبەبى ءار ادام دۇنيەنى ءوزىنىڭ وي-ورىسىنە بايلانىستى كورەدى. بارلىق سەزىنىمدىك كىرىستەرىڭىزدى ۇنەمى تولىتىپ تاستايتىن كوپ كولەمدە كەلگەن اقپاراتتاردىڭ اعىنىن وڭدەۋىڭىزگە بايلانىستى، ءسىزدىڭ قۇمارلىقتارىڭىز دا وزگەرىپ وتىرادى.
17. ساناڭىزدىڭ اعىمىن «قازىرگى ساتكە» يكەمدەۋ بارىسىندا، الاڭداۋشىلىق، رەنىش، مازاسىزدىق، قورقىنىش، اشۋلانۋ، جانە ت.ب. سەزىمەردى تۋدىراتىن قۇمارلىقتى بايقايسىز. وسىلايشا، ءاربىر جاعىمسىز ەموسيانى سانانىڭىزدى دامىتاتىن مۇمكىندىك رەتىندە پايداعا اسىراسىز.
18. ومىرىڭىزدەگى بارلىق نارسە «قازىرگى ماڭگىلىك ءسات» بولىپ ەسەپتەلەدى، سونىمەن قاتار وسى ساتتەگى تاجىريبە ءسىزدىڭ ساناڭىزداعى باعدارلامالاۋ ارقىلى پايدا بولادى.
19. ءتانىڭىز بەن اقىلىڭىزدى، سونداي-اق ادامدار مەن ءسىزدى قورشاعان زاتتاردى ىشكى جان-دۇنيەڭىزدىڭ ەڭ تىنىش جەرىنەن باقىلاپ كورىڭىز. مۇنى بايقاعان ساتتە، ءومىر وزەنىمەن باياۋ ءجۇزۋ ءۇشىن نە ىستەۋ كەرەك ەكەنىن تۇسىنەتىن ۇعىم پايدا ەتەسىز.
20. ءسىزدىڭ ساناڭىز ەموسيونالدىق كۇيزەلىستەن قۇتىلعان جاعدايدا عانا ناعىز ءتيىمدى وزگەرىستەر جاساي الاسىز.
21. ءومىرىڭىزدىڭ ءدال قازىرگى ساتىنە كوڭىل بۇرعاندا، سىزگە ومىردەن تولىق ءلاززات الۋ ءۇشىن بارلىعى دا جەتكىلىكتى ەكەنىن بايقاي باستايسىز. ءوزىڭىزدى ۇنەمى باقىتتى سەزىنبەۋىڭىزدىڭ ءبىر عانا سەبەبى بار — وزىڭىزدەگى جوق نارسەنى قالايتىنىڭىز.
22. ءار كوڭىلىڭىز تولماعان ساتتە، ەموسيالارىڭىز اينالاڭىزداعى ادامداردىڭ نەمەسە زاتتاردىڭ ءسىزدىڭ كوزقاراسىڭىزعا نە ءسىزدىڭ ويلاۋ تاسىلىڭىزگە سايكەس كەلمەيتىنىن سىزگە بىلدىرەدى.
23. ءسىز «ءوزىڭدى يتەرمەلەۋ» كەرەكتىگىن تۇسىنگەنىڭىزدە «الەمدى يتەرمەلەۋدى» دوعاراسىز. ءبىر عۇلاما ايتقانداي: «ءسىزدى ەشتەڭە رەنجىتۋگە تىرىسپايدى. ءسىز تەك رەنجۋلى بولعاندىقتان عانا رەنجۋلىسىز».
24. ەگەر اينالاڭىزداعىلار سىزگە ىلتيپاتپەن، سانالى قارىم-قاتىناس جاساعانىن قالاساڭىز، وسىلاي جاساۋلارىنا كومەكتەسەتىن ارەكەت جاساڭىز.
25. وقيعالاردى سول كۇيى قابىلداۋ — بولىپ جاتقان جاعدايعا كونىككەندىگىڭىزدى بىلدىرمەيدى. بۇل وسى ساتتە ورىن العان جاعدايدىڭ سالدارىنان تۋعان ەموسيونالدىق ىڭعايسىزدىقتى سەزىنۋىڭىزگە جول بەرمەگەنىڭىزدى بىلدىرەدى.
26. ءومىرىڭىزدىڭ سىرتقى جاعدايلارى ءوزىڭىزدى ءقاۋىپسىز نەمەسە ءقاۋىپتى سەزىنۋىڭىزگە ءماجبۇر ەتپەيدى. ماسەلەن، بىرەۋلەر اقشاسى بولماعانىمەن ءوزىن ءقاۋىپسىز سەزىنۋى، ال ەندى باسقانى بانكتە ميلليون دوللارى بولسا دا سەنىمسىزدىك مازالاۋى مۇمكىن. ءسىزدىڭ قاۋىپسىزدىك نەمەسە سەنىمسىزدىك سەزىمدەرىڭىز ءسىزدىڭ ەموسيونالدىق پروگراممالانۋىڭىزبەن بايلانىستى بولماق.
27. كوپتەگەن ادامدار باقىتتى اسەر ارقىلى، ياعني تاماقتىڭ ءدامى، مۋزىكانىڭ دىبىسى، فيلم مەن پەسالاردان العان ءلاززات نەمەسە ۇيدە ەرەكشە جايلى ورتا جاساۋ جانە ت.ب.-دان ىزدەيدى. سەزۋ نەمەسە اسەر ارقىلى باقىت ىزدەۋ — سەزىم نەمەسە اسەردى قايتا-قايتا ىزدەۋگە ماجبۇرلەيدى. بۇل رەتتە ولارسىز ءوزىڭىزدى باقىتسىز سەزىنەتىنىڭىز انىق.
28. ءوز سانا-سەزىمىڭىزدى تۇيسىنە الاسىز. بارلىق ويلارىڭىز، ەموسيالارىڭىز پروەكسيالانعان باسىڭىزدىڭ ورتاسىندا تۇرعان ەكراندى ەلەستەتىپ، سول ەكراندى باقىلاپ وتقانعا اينالىڭىز. رام داسس (پسيحولوگ، عىلىمي قىزمەتكەر، جازۋشى) ايتقانداي: «باقىلاۋدان باسقا ەشتەڭەسى بولماعان ساناڭىزدىڭ ەڭ تىنىش بۇرىشتارىنان ءوز ساحناڭىزدى باقىلاڭىز».
سونداي-اق كىتاپتا سانالى بولۋ ءۇشىن ۇنەمى وزىڭىزگە قويۋعا بولاتىن سۇراقتاردىڭ بىرنەشە مىسالى بار:
— ءقازىر نە بولىپ جاتىر؟ (جاي عانا فاكتىلەردى كورسەتىڭىز: نە، قاشان، قايدا، كىم جانە قالاي)
— مەن ءقازىر قانداي ناقتى ەموسيانى سەزىنەمىن؟
— مەن ءدال ءقازىر وزىمە نە دەپ جاتىرمىن؟
— ءقازىر مەنىڭ دەنەمدە قانداي اۋىرسىنۋ نەمەسە كۇيزەلىس پايدا بولۋدا؟
— مەنىڭ كەلبەتىم مەن ءتۇرىم قانداي؟
— وزىمدىكى دۇرىس، باسقالاردىكى بۇرىس ەكەنىن دالەلدەۋ ءۇشىن مەنىڭ ميىمدى نە وتالدىرۋى مۇمكىن؟
— مەن ىشكى الەمىمدى رەتتەپ، ەموسيالارىمدى وزگەرتۋدىڭ ورنىنا سىرتقى الەمدە نە وزگەرتۋگە تىرىسىپ ءجۇرمىن؟
— ءناپسىم قانداي جالعان قورشاۋدى ساقتاۋعا تىرىسىپ ءجۇر؟ قانداي بەتپەردە كيىپ ءجۇرمىن؟
— سوعان ۇقساس جاعدايدى باستان وتكەرگەن سايىن مەنى قامىقتىراتىنداي، وتكەن شاقتا قانداي وقيعا بولعان ەدى؟
— مەن ومىرىمدەگى وقيعالارعا اۆتوماتتى تۇردە جاۋاپ بەرۋدى توقتاتقىم كەلەدى مە؟
— مەن ءدال وسى ساتتە نەدەن باس تارتامىن؟
— ءوزىم تۋرالى قانداي ويلاردى قابىلدامايمىن؟
— مەن بۇل جاعدايعا قاتىستى نەنى قابىلدامايمىن؟
— مەن ءۇشىن ادام نەمەسە جاعداي قانداي ءقاۋىپ ءتوندىرىپ تۇر؟
— بولۋى مۇمكىن ەڭ جامان نارسە نە؟
— باقىتتى بولۋىم ءۇشىن الەمنەن نە تالاپ ەتىپ تۇرمىن؟
— مەن وسى جاعدايدى قابىلداپ، باقىتتى بولىپ قالا الامىن با؟
— مەنىڭ ۇلىگىم قايسىسى: «مەن قانداي بولۋىم كەرەك»، «مەن قانداي بولۋعا مىندەتتىمىن» نەمەسە «مەن قانداي بولۋعا ءماجبۇر بولدىم»
— ماعان قاي ء ۇلى قاجەت؟
ساتتىلىك!
وقۋعا كەڭەس بەرەمىز:
ەموسيونالدىق ينتەللەكت دەڭگەيىنىڭ تومەندىگىن قالاي انىقتاۋعا بولادى
ءبىزدىڭ پسيحيكامىزدىڭ جۇمىسى تۋرالى قىزىقتى 4 فاكت
زەردەڭىزدى دامىتاتىن پايدالى 7 داعدى
قارابايىر ويلاۋ شەڭبەرىنەن قالاي شىعۋعا بولادى
باسقالاردىڭ ويىنا وتە تاۋەلدى ەكەنىڭىزدىڭ 10 بەلگىسى
You Might Also Like
-
ەل باسشىسى قاسىم-جومارت توقايەۆتىڭ ايتۋىنشا، 2030 جىلعا قاپاي قازاقستاندىقتار ەلەكتر تاپشىلىعىنا ۇشىرايدى، دەگەنمەن اتوم ەلەكتر ستانسياسىن (ارى قاراي – اەس) سالۋ ماسەلەسىندە كوپشىلى...
-
كۇزدىڭ العاشقى اي̆ى. سارى تاۋىق بالاپاندارىن ەرتىپ، شەگىرتكە قۋىپ، اۋىلدان ۇزاپ كەتكەن. شاي̆داي̆ اشىق كۇن اياق استىنان بۇزىلدى. اسپاندى قارا تۇنەك بۇلت باستى. جارق-جۇرق ەتىپ ناي̆زاعاي̆ وي̆نادى. جاڭب...
