پاۆەسكى
جەتپىسىنشى جىلداردىڭ اياعى جاقىندايدى. بۇل كەزدە بۇرىنعى قۇرمانعازىنىڭ سوڭىنا ءتۇسىپ جۇرگەندەردىڭ ءبىرقاتارى ولەدى. «بىرەۋلەرى قۇرمانعازى ەندى وسى جولدان كەلەر دەيمىسىڭ»، — دەپ كۇدەرلەرىن ءۇزىپ، ءجايباراقاتتانىپ قالادى. وسىنداي جايلاردىڭ ناتيجەسىندە قۇرمانعازى كادىمگىدەي تىنىشتىق دارەجەگە ەندى شىنداپ ەنگەندەي بولادى. ءۇي ءىشى دە تىنىشتالىپ، جادىراڭقى ومىرگە جاڭا ەنگەندەي، «ۇھ» دەپ دەمدەرىن العانداي بولادى. قازيدىڭ دەرتى دە ابدەن ايىعىپ، اكە-شەشەسىن قۋانتادى. ءومىر بويى بۇل ءۇيدىڭ توبەسىن بۇركەگەن بۇلت ىدىراپ، كۇن كوزى كورىنە باستاعانداي سەزىم ءۇي ءىشى ادامدارىنىڭ ءبارىنىڭ دە باسىندا بولادى. وسىنداي جايما-شۋاق كۇندە كەنەت تاعى دا داۋىل تۇرىپ، ساعىربايدىڭ قاراشا ءۇيىن تاعى دا قوبالجىتادى. ءبىر ستارشىن ويدا-جوقتا قۇرمانعازىعا ءبىر قاعاز الىپ كەلەدى. ول قاعاز استراحان گەنارال-گۋبەرناتورى كەڭەسىنىڭ قۇرمانعازىنى شاقىرتقان قاعازى بولادى. پاۆەسكىنى الىپ، بارماي قويۋعا قورىققان كىسىدەي بولارمىن دەپ، قۇرمانعازى تاعى جولعا جينالادى. كەتەرىندە ادەتىنشە قولىنا دومبىراسىن الىپ، كۇي تارتادى. تىڭداۋشىلار سۇراۋىنا قۇرمانعازى: «بۇل كۇيدىڭ اتى «پاۆەسكى» (پوۆەسكى) بولسىن»، — دەيدى.
You Might Also Like
-
قۇرمانعازى ۇركىت تۇرمەسىندە ءبىراز جاتىپ قالادى. بۇرىن الدەنەشە رەت قاشىپ كەتكەنى جازۋلى بولعاننان با، كۇيشىنى مۇندا ءتىپتى قاتتى ۇستايدى. باسقاسىن بىلاي قويعاندا ونىڭ نە ىستەپ وتىرعانى ۇنەمى اڭدۋلى ...
-
تورەمۇرات اينالاعا قاراۋىل قويىپ، كوپتەگەن مال سويدىرىپ «قىزدانايدى ەكىنشى رەت العانىمنىڭ تويى» دەپ، ۇلكەن توي جاسايدى. تويدىڭ كوپتەگەن بايگەلەرىن تاعى قۇرمانعازى الادى. كەشكە ويىن باست...
